Madu Hkum Hpe Masing Masa Jahkrat Ra Ai

Madu Hkum Hpe Masing Masa Jahkrat Ra Ai

 

Masha shagu gaw, tinang a yaw shada lam bandung hpe, atsam marai hpring hte, awng dang ai lam hpe lu madu la mai nga ai, dai majaw tinang a yaw shada lam madung gaw hpa rai, hpa hpe shawng nnan hpang galaw sa ra na rai, ndai hpe shawng myit sawn ra na ra nga ga ai

 

Tinang galaw sa wa na magam bungli hte seng nna mung, mhkrum madup ni nga ra ga ai, awng dang rawt jat nga ai nig aw, magam bungli langai hpe n awng dang nmai galaw shakut nga ma ai ni mung rai nga ai. Tinang galaw ai bungli a lam hpe kata sung sung hkrak rai sak hkaja da ngut sai ni mung rai nga ai, shanhte ni gaw n shayawm ai atsam marai ni hte galaw sa ma majaw awng dang ai lam hpe lu madu nga ai mung rai nga ai. Ndai lam nig aw anhte ni ngyeng nmai ai lam mung rai nga ai. Dai zawn ja gumhpraw lu su nga ai ni, mying gumhkawng nga ai ni hta mung, pyaw ai lam ni nkau ni hta nnga nga ai hpe mung mu lu nga ai

 

Dai hta nkau mi gaw, hkam kaja lam ningra nga nna, myit ru nga ai ni, nkau gaw, magam bungli hta  myit masin hkumhkrang yawng hte hte, n gun da ting bang shakut nga ai majaw hkring sa ten nlu, nnga na  myit shuk nga ai ni, ndai lam ni gaw, tinang a yaw shada lam bandung a ntsa, galaw gun hpai shakut nga taw ga ai raitim, masing masa jahkrat garan ai lam hta ningra n gun yawm  nga ai a majaw  rai nga ai hpe mu mada lu nga ai, gara magam bungli hta raitim, galaw gunhpai nga taw ai laman, galaw shakut sa ai atsam marai ni hte rau, myit a zet tsang ai lam ni mung gaprawn nna lawm wa lu hkra gang la lu ra nga ga ai hpe n gun jaw dat mayu ai

 

Magam bungli dap kata kaw sha, myit shuk ai lam ni hte sha hkrum taw nga yang mung myit  a ngwi pyaw simsa lam hte tsan taw nga na sha rai nga ai tinang a awng dang lam hte hkan nna, tinang hte rau kun dinghku nta masha ni yawng ngwi pyaw hkam kaja ai hte sak hkrung sa lu na matu, shawng lam hpe myit ra nga ga ai. Ngwi pyaw lam gaw sak prat a sim sa lam rai ng ai, sak prat ting ngwi pyaw hkam kaja ai hte nga lu yang sha shyinggyim sa pra ai lachyum pru na rai nga ai, lu su nga mu nga mai lam, rawt jat awng dang na lam ndai lam ni hpe sha shani shanang shakut nga taw sa nga yang mung, shinggyim wuhpung kanawn mazum lam hprai wa ai lam ni, ngwi pyaw simsa lam ni hte tsan gang wa chye nga ga ai re,

 

Sut hpaga tam bram nga let tinang myit pyaw lam hpe mung lu la lur a nga ga ai, magam bungli hkringsa nga ai ten ni hta, kun dinghku masha ni hte  apyaw alaw sha nga sa lu ra ai, dai zawn sha tinang hte rau sha, kun dinghku nta masha ni a hkam kaja lam hpe mung sadi ya ra nga ga ai, shinggyim masha ngu mung, san san sha nga sa lu ai ni nrai nga ai majaw, shyinggyim sak prat a upadi hku nna, masha langai gaw laga mash ani hte kanawn mazum nga sa let garum jaw ai a marang e, garum lu na masha ni mung ra kadawn nga ai zawn, tinang mung laga mash ani hpe, gara hku garum ya lu na ngu ai hpe tau hken lajang chye ra nga ga ai

 

Ahkying aten, ja gumhpraw, pyaw ai lam, makau grupyin ni hte, sharap shara prinem nga a lam ndai lam ni hpe mung, madu hkum nan hparan lajang let garan ginhka galaw chye ra nga ga ai, ndai gaw bungli ten, bungli ten hta tinang a ngyan atsam marai ni nga ai yawng ma hkra hte, atsam marai ni dat let, myit sawn yu nna, galaw sa wa ai rai nna, dai kaw na lu la wa ai ja gumhpraw ni hpe mung, gara shara hta  hpa a matu jai lang na ngu ai lam ni hte hparan lajang da chye ra nga ga ai re, myit pyaw simsa ai lam gaw magam bunlgi dap kaw mi rai rai, kun dinghku nta kata kaw mi rai rai, myit pyaw simsa lam, zet tsang ai lam ni hte, galoi mung rau nga lu hkra shakut nga sa ra nga ga ai

 

Maku grupyin shinggyim kanawn mazum lam ngu ai sak hkrung lam ni hta mung, tinang a makau grupyin ni hta nga nga ai ni hte, hku hku hkau hkau, tsawra myit madun let kanawn mazum na mung ra kadawn nga ai, dai zawn magup shagu kaw na hpring tsup hkra tinang maga shakut nga sa sak hkrung lu sai nga yang, tsawra ai ramma ni a prat hta, kade nna yang awng dang rawt jat galu kaba wa lu na lam de hkawm sa lu sana teng nga saga ai ngu n gun jaw dat let;

Mlk8

 

#youth

#rvakachinservice   

 

Add new comment

7 + 12 =