Madang Nga Ningbaw Ai Ni A Akyang ( Ramma Lamang )

Tsaw ai shara hta awng dang nga ai ningbaw ni gaw, ganing re ai awng dang lam mi rai rai mabyim langai nrai galaw shakut ai lam rai nga ai hpe chye da nga ma ai, awng dang dik ningbaw ni gaw, awng dang lam ngu ai gaw langai ngai hpe ten ladaw langai du hkra galaw shakut  lai wa ai ngu ai hpe chye na dik ai ni rai nga ai. Awng dang lam ngu ai gaw galaw shakut ai lam ni sha rai nga ai, dinghkrai ahkaw ahkang ni hte dinghkrai jan tsap lam nga ai ningbaw langai zawn, lai sai ten nang a awng dang lai wa sai hte maren nang a akyang ni hpe  madu nan gin shalat  galaw ra nga ga ai,

Galoi mung awng dang ai ningbaw langai byim na matu, nang a dinghkrai awng dang lam hpe nang hkum nan mai kaja ai ladat ni hte gaw sharawt ra nga ga ai, laga wa awng dang hkra mung garum ya na ra nga ai.

1.Awng dang taw ai ningbaw ni gaw, shani shagu laika hti ai lam gaw, nkam na daram akyu nga ai akyang rai nga ai lam kam hpa lam hpring hte chye nga ma ai, laika hti ai lam gaw nang a machye machyang ngyan hpe  bawng ring wa shangun chye ai, asan sha rai, rawt jat wa chye ai, tsam pu tsam pa myit ni hpe yawm wa shangun chye ai, nang a npawt machye machyang hpe tsaw lung wa shngun ai,  ga tsun chye wa shangun ai, ngyan kaja shangun ai ngu zawn re majat hpaji machye machyang law law hpe jaw ya lu ai lam, chye chyalu rai nga ai hte ningbaw kaja langai byim na matu, sharin hkam la ai lam chyinghka ni de galoi mung sa mayu ai myit nga ra ai, hka ja lam hpe laika hti ai lam kaw na lu mai ai zawn, nang a awng dang lam mabyim ni hpe rawt jat wa shangun nga ai re.

2.Ningdat lam nga ai galaw shakut ai amu ni hpe ahkyak la ra ai.. Lak lai ai ningbaw ni gaw,ningdat lam nga ai shara ni hta sak hkrung chye ma ai, nang a ningdat lam ni hpe nang hkum nan awng dang wa magang nang a kam ai lam, kaba wa nna, awng dang lam lu hkra  galaw shakut lu magang rai nga ai. ningdat lam ngu ai gaw, nang a machye machyang lam hte galaw lu ai lam ni hpe rawt jat hkra garum ya lu ai sha n-ga, nang a kam ai lam rawt jat hkra madi shadaw ya lu nna, nang masat jahkrat da ai ban dung ni hpe awng dang wa shangun chye nga ai.

3.Nang A Hkam Kaja Lam Hpe Madung Da U....Hkum gawng shingyan n-hkam kaja sai nga yang, ngam nga ai myit masa hte seng ai tsang ni gara hku mung rawt wa lu na nrai nga ai, lama na nang a madung ahkyak ai hkum machyi sai nga yang, nang galaw mayu ai tsaw dik ai myit ra lam ni yawng galaw shakut lu na nrai nga ai.Ndai lam yan ni a majaw, man man galaw lu ai shamu shamawt lam langai ngai hpe galaw u, rapra ai malu masha, sha chye ra ai , yup hkru hkru yup ra ai hte hkam kaja lam hpe hkan ra nga ai

4. Hkungga N- gun lu ai ni kaw na hka ja shakut ra ai...Lak lai ningbaw ni hta awng dang lam kahtap kahtap lu ai ni kaw na len la ma ai, shanhte shut ai lam galaw tim shanhte hkum shanhte, galoi mung dinglun maram nga ma ai bai shanhte gaw ra kadawn ai ten ni hta shanhte a lahta na masha kaba ni ( Sh ) hkungga ai masha ni hte  bawng ban chye ma ai,

5.Hpang shani galaw na magam lam ni hpe, tau hkyen lajang da ai lam.. tang du ai ningbaw ni a awng dang lam madung akyang langai gaw, hpang shani galaw sa na mahkyen ni hpe tau hkyen lajang ai lam rai nga ai. dai zawn galaw shakut ra na magam lam ni hpe hkyen lajang lam nnga yang nang masat da ai magam lam ni hta shut ai lam ni mu wa chye nga ai

6.Nang A Ban Dung Hte Maren Hkawm Sa U..Ningbaw law law ni gaw ban dung jahkrat hpaji, shani shagu tau hkyen lajang ra ai lam ni hpe sharin ya ma ai, bai nang a yaw shada ban dung de sa na matu, akyang byim hkra galaw ai lam gaw, gumhpraw nhtum ai sha nang a awng dang lam ningja hpe tsaw wa shangun nga ai, lama na nang ndai zawn shaman shakyang  lam hpe njai lang yang nang a yaw shada lam ni  loi loi hte mat mat chye nga ai, nang a akyang yaw shada ban dung hpe sha galoi mung myit let, yaw shada galaw shakut yang gaw, awng dang lam lu na rai nga ai

7.Nhkrit ai sha galaw shakut u... hkrit ai lam hpe man –ap hkrum u, kun dinghku nta masha gaw galoi mung ngu na daram anhte ni nchye shi ai lam ni yawng hta kaja htum rai nga ai hpa majaw nga yang shinglum ai ngu ai hkam sha lu ai majaw rai nga ai.anhte ni law malawng gaw, angwi angawn re ai shara ni hta nga nga ga ai, hpa majaw nga yang galai shai ai lam hpe hkrit ai a majaw rai nga ai, gara lam ni hpe mung n gun dat lam n galaw yang gara sa mayu ai lam hpe nang daw dan na hpang hkrat yang dai nchye ai lam ni gaw galai shai lam ni hpe gin shalat na hkrit ai lam ni hte matut nga taw na lam rai wa nga ai, dai hku rai yang nhpring tsup ai sak prat hte  jahtum kau chye nga ai, dai majaw madu a ladat ni hte akyang ni hpe gang shale nna, gwi gwi galaw ai lam nkau mi hpe galaw dat u,dai ten awng dang lam nlu tim, hpaji lu na gaw teng sha rai nga ai.

8. Gara hku mi raitim, n-gun lu ai myit masa marai nga ra chye ai sak prat langai a yaw shada lam shawng na lahkam gaw machye machyang hte hpring zup ai myit n gun hte nga pra ai lam rai nga ai, asan brang re ai yaw shada lam nang hta n nga yang shani shagu law htam ai bungli ni hte nang shut taw nga chye ai re,bai nang a nchye ai myit shara mi kaw  yup pyaw taw chye nga ai hpa majaw nga yang, yaw shada lam nnga galaw taw nga yang ban dung shagu mung, hpa ntai na rai nga ai tsun mayu ai gaw, ya tatut nang a ban dung hpe 5 ning 10 ning du hkra kaja wa tawn da let galaw shakut ra ai ngu shadum n gun jaw mayu ai.

#youth #rvakachinservice