Lani Mi Awng Dang Na Ngu Gara Hku Chye Lu Na

 

Awng dang na wa gaw, lahtan hta bungding maka lawm wa ai nrai majaw, masha langai awng dang wa na ngu ai lam kadai mung tau nmu lu nga ga ai, tsun lu ai gaw, kaja wa awng dang na ngu ai ni hta mung, shi maka hte shi nga nga ga ai

1.Tinang lu mayu ai lam hpe chye ai wa.... Sak prat hta hpa nan nlu shi ten kaw na, tinang ra kadawn ai lam yan gaw, kaning zawn re ai re hpe hkrak chye tawn ai lam gaw, awng dang lam ntsa du nga sai hte bung nga ai, ban dung de du na matu, shawng nna, tinang sa ra na lam yan hpe, hkut hkut nai nai, chye tawn da ai wa gaw, shi sa na lam hpe, mahkyen lamang hte maren, rap rap ra ra hkawm sa lu na rai nga ai

2.Asum Njaw Kau Ai Wa ..Kalang lang baw ja ai wa ngu shadu na zawn, shi ningmu, shi kam ai lam ni hpe, jum tet da nna, hkrang shapraw nga ai ni hpe, sak prat a awng dang lam pinra hta mu lu na rai nga ai, shanhte ni tsaw ai de du wa ai ngu gaw, majoi nrai nga ai, shanhte a prat mung anhte ni zawn jam jau jam hkau mang hkang ni law law rai nga ai, ahkyak ai gaw, asum njaw kau na lam sha rai nga ai

3.Myit kraw lawang kata kaw na byim mayu ai myit nga ai wa.. Passion ngu ai lam alaga nrai nga ai, masha shagu hta, dai passion ngu ai sharawng katuuu ai lam, masha shagu hta, nga yang she nga na raitim, awng dang ai ni yawng gaw, dai sharawng katuu ai myit langai ngai gaw nga chye ma ai, shanhte a prat hpe, ra ai hkrun lam de du hkra gawt hkang jaw ya ai lam mung dai sharawng katuu ai lam sha rai nga ai.

4.Makau grupyin kaw na sharin la ai wa..awng dang ai ni gaw, gara shara kaw mi du du, shanhte ni gaw, masha ni hta grau dan dawng chye nga ga ai, sara galaw na nga ai nrai sha, shanhte a, dinghkrai zai ladat ni hpe, ningnan shapraw let, shanhte a makau grup yin ni kaw na, sharin hka ja let, dan dawng nga ai ni , hpang langai gaw shanhte ni gaw, masha ni hta grau galoi mung  shakut nga ai ni rai nga ai, shanhte ni gaw, makau grupyin a, kasi ni hpe lai hkra, madu hkum madu ganawng nga ai ni rai nga ai, masha ni hta grau shakut ai a majaw, shi hpe masha grau chye wa nna, shi a matu mung, ndang hti ai ahkaw ahkang chyinghka ni hpaw wa nga ai re

5.Yaw shada lam dan len ai wa... Masha law malang hta, da zin hte ru ai yaw shada lam ni nga ga ai raitim, awng dang ai ni gaw, madu hkum madu kam ai myit ni hte rau, madu hkum daw dan da ai lam langai sha nga nga ai, shanhte ni hta, madu hkum daw dan lu ai lam hte, yaw shada lam nga ai majaw, shanhte hpe jahten sharun myit hte, jahpoi ai lam ni nga tim, hpang de nhtin nut mat ai zawn, shanhte a akyu a matu, jaw ai ningmu lam hte, dinlun ai lam ni hpe mung hkap la nna, grau grau kaja hkra shakut chye nga ga ai re

6.Tang Madun Ai Lam Kung Kyang Ai Wa..Style gaw, atsam rai nga ai, tang madun ai hkrang kaja langai gaw, tinang a matu, ahkaw ahkang nnan ni hpe, shaga nga ai lam byim ai hpe awng dang nga ai ni gaw chye da nga ma ai, ga hpan jai lang ai lam, lu ai sha ai lam hte, dinghkrai a hkrang kum la ni hpe promate galaw ai lam gaw, awng dang ai ni a, akyng langai rai nga ai.

7.Lak Lai Ai Wa..Hpang jahtum langai gaw, awng dang na wa gaw, laga wa hte, lan yan langai ngai hku shai nga ma ai, grau nta, labau ngam hkra awng dang na ni hta, shanhte a laklai ai akyang nga ma ai, ngu

Bai Ahkyak Ai Langai Gaw, Tinang kaja galaw mayu ai bungli hpe sha hpa na lata gring ai ngu hpe bai gam garan mayu ai.

Masha langai a sak prat mabyim masa lam hpe bai sawn dinglik yu na matu, madu hkum san mai ai ga san ni nga nga ai, dai gaw, hpa galaw mayu ai ngu ai lam rai nga ai, ndai ga san gaw, tinang a sak prat hpe hkrang shapraw nga ai ten  law law  ga shaga nga ai tinang kaja galaw mayu ai bungli ni hpe lata nna, ading sha shakut nga ai ni sha, pinra ntsa hta, anhte ni mu lu na rai nga ai, sak prat hta, tinang galaw mayu ai hpe chye na ai lam gaw, hpa majaw, ahkyak ai i ngu ai layan 5 hte mung mai tsun nga ai

1.Htawm hpang ten galu bandung ni hpe jahkrat lu na..Sak prat langai ting sa na, ban dung langai nga ai wa gaw, htawm hpang hpe ga sadi dung ai wa, tatut sak prat hpe shatsaw ai wa rai nga ai, shi sak prat gaw, lam madun na lamu ga sumla nga ai, hkrun lam jahtum ban dung langai nga ai, myit mada lam kaja ai sak prat rai nga ai, shani shagu sak hkrung ai lam gaw, lachyum nam nak hte hpring nga ai

2.Myit ru myit tsang lam ni hpe tawn kau lu ai. tinang galaw mayu ai bungli langai hpe, galaw lu ai wa a matu, myit ru lam, myit hten lam ngu gaw nnga ai daram rai nga ai, ahkying aten hku nna, shi hta mung, hprawng mat na daram myit daw ai ten ni nga na nhte, raitim, shi a katuu ai myit marai hte, hkrang shapraw mayu ai myit gaw, shi hpe nkaja ai ningmu hte mabyim masa lam ni kaw na gang shale kau lu nga ai

3.Grau nna mung pyaw wa na. tinang galaw nga ai bungli hta, npyaw ai ni gaw, tinang kaja wa galaw mayu ia lam hpe nlu glaw ai a majaw rai nga ai tsawra ai ramma ni kalang lang, galaw gring ai lam yan langai galaw dat ai majaw, sak prat hta, myit malai lu ai lam nnga ai sha, pyaw pyaw hte jahtum lu dat ai ni mung nga nga ga ai re

4.Npu Nba Lu Galaw Nga Ai. Tinang kaja galaw mayu ai lam galaw lu sia nga yang bu ra re nchye galaw lu nga ga ai, sak prat hta mung, bandung kaji ni hte shanhte hta mahkyen lam ni nga da ai re majaw, tinang myit mada da ai ban dung langai hpang langai tawt lai shagu shanhte hta, myit n gun ni mung lung wa nna, grau grau nna mung pyaw wa nga ai re

5.Kaja wa kung kyang ai wa byim wa na.. Bungli langai hta, kaja myit lawm nna, marai ni hte, shaning law law tawt lai ai wa gaw, shi shingwang kata hta, shingjawng masha nnga byim wa lu na re, gara machye machyang nnga awra hkran de lai nga ai hte mare, ningtawn ai wa hpe, shinggyim wuhpung kaba ni gaw, shara jaw nna, shagrau sha a chye ma ai, kaja wa kung kyang galaw shakut nga ai profesonal byim na sha ra nga ga ai ngu

 

#youth

#rvakachinservice

Add new comment

13 + 4 =