Kun dinghku Hte Seng Nna Laisa Ladat Jahkret Galaw Ai Lam

Tsawra hkungga ai nu wa ni e anthe kun dinghku hte seng nna laisa ladat jahkret galaw ai lam hpe tsun garan mayu nngai. Tsawra nu wa ni e magam bungli sut masa lam hte seng ai laisa ladat,prat hte seng nna laisa ladat ni hpe lai ladat hte hkra gawgap mayu ai hte gaw laisa ladat ni hpe jahkret galaw chye ma ai re. Hpamajaw kun dinghku the seng ai  laisa ladat ra ai nga yang kun dinghku hte seng ai lam hpe hparan lajang dawdan ra ai lam ni hpe tinang yaw shada lam hte seng nna bung mayu ai majaw rai nga ai.Kun dinghku hte seng nna laisa ladat nga ai shagu gaw awng dawng taw nga ai ngu gaw ntsun lu ai raitim Aung dang taw nga ai ni gaw kun dinghku laisa ladat nga ai hpe mu lu ga ai.Ndai hte seng nna langai hte langai nbung chye ai zawn dinghku langai hte langi mung nbung nga ai re. Laisa ladat gaw ladat amyu myu  nga ia re.Raitim anhte kun dinghku yawng a kun dinghku hte seng ai laisa ladat a madung yaw shada lam gaw kun dinghku simsa ngwi pyaw shim lum lam rai nga ai.Dai re majaw kun dinghku kata kanawn mazum lam hpe hkra machyi shangun chye ai lam ni hpe koi gam ra ga ai re.Madu jan madu wa shada lapran hta mung hpa nrai lamhta ningdang da la mayu ai myit ni paw pru wa chye ai zawn kashu kasha ni hte ga shaga ai shaloi mung kanu kawa  re majaw ngai tsun ai jaw ai,kashu kasha ni hkap la ra ai ngu myit masa ni nga wa chye ai re.

Ndai zawn tinang sha galoi mung jaw ai ngai hpe sha ningshawng jaw ra ai ngu ai lam ni gaw anhte a kun dinghku a ngwi pyaw lam hpe hkra machyi shangun ai re.Dai majaw lahta de tsun lai wa sai zawn dum nta masha shada ga tsun shaga ai shaloi pawt ai nsen nlawm ai sha simani ai hte tinang dum nta masha ni he tsun shaga sharin shaga ai lam galw ra ai.Grau nna atsam marai ningja grau rawt jat wa na matu kun dinghku laisa ladat hta bang da ra rai.Bai nna Kun dinghku hte seng ai langai ngai hpe daw dan sana nga yang  kun dinghku dum nta masha shada bawngban jahkrup ai lam galaw ra ga ai.Dum nta masha ni a hkam sha lam mugn ahkyak nga ia re.Dai majaw shanhte tsun ai hpe mung atsawm sha madat nna tinang galaw mayu ai lam hpe mugn atsawm asan sha tsun dan chey ra ai.Bai nna Kun dinghku dum nta masha shada da kam sham lam nga ai rai yang kanawn mazum lam gaw kaja nna myit hta asan gna pyaw na sha rai nga ai.

Grau nna gaw Madu jan Madu wa shada kam sham kamhpa chye na hkat ai rai yang grau nna dinghku gaw pyaw na sha rai nga ia.Dai majaw Kun dinghku hte seng ai laisa ladat hta ngwi pyaw sim sa ai lai ladat ni hpe lawm shangun ai zawn ndai hpe jahten sharun ai lam htpe mung sadi koi gam na lam ni hpe mung jahkret da ra nga ga ai.Ndai Laisa ladat jahkret galaw ai hpang hkan galaw ai rai yang dum nta masha shada da dang sha hkat mayu ai lam, ntsen ai lam shingjawng mayu ai lam ni hkoi mat lu nna langai hte langai grau nan myit kap wa nna garum shingtau ai lam kamhpa ai kanzawn mazum lamhpe lu la na sha rai nga ai.Dai majaw Kun dinghku hte seng ai Laisa ladat gaw kun dinghku a matu kanawn mazum lam grau kaja na matu hte Prat awng dang na matu ahkyak ai ngu tsun gam garan let lamang hpe ndai kaw jahkring sai.

By : John Mung Hkrang