Koi Gam Koi Yen, Jahten Myit Masa

Koi Gam Koi Yen, Jahten Myit Masa

          Nang hpe nhtang gang jahkrat ai lam gaw nang sha rai nga ai, bai nang hpe n-awng dang shangun ai lam yan gaw “Nmai Byim Na Re ” ngu ai hkam la lam ni rai nga ai

Lawt Ga nau hkum galaw nau hkum tsun, Anhte a mungkan ga gaw ya sha tsun ai lawt ga tsun chye ai ni hte hpring chyat nga ai nga nna tsun da nga ma ai re. sak prat hta n awng dang ai, ban dung de ndu lu ai ai ni gaw, dai lawt ga ni hte aten jahtum kau chye ma ai re, ndai lawt ga tsun chye ai ni gaw, sak prat a ging dan ai lam ni  nlu madu lu nga ai, tsun mayu ai gaw, dai lawt ga tsun ai ni gaw matut shakut na malai, lai wa sai ten na n kaja ai mabyim ni hpe bai tsun bai tsun rai lawt ga tam  let aten jahtum nga ma ai hpe mu mada lu ai.

Nang gara kaw nga ai gaw ahkyak nrai nga ai, ahkyak dik gaw mungkan ntsa hta, lu su awng dang ai sut du ni gaw, matsan ai kanu kawa ni kaw na shangai shaprat wa nna, makau grupyin ntai nmai re ai kaw na, nga nna ntsun nga ma ai awng dang sut su ai prat de myit mada nshayawm ai atsam ningja marai ni hte shakut hkawm sa nga ma ai re, n awng dang ai lai sai mabyim na hkrat sum lam ni hpe nlu tawt lai, ngang je kau dingsang gaw awng dang ai lam de lagaw lahkm mi mung htawt sit lu na nrai nga ai hpe shadun mayu nngai law

Shadawn jitna ni hpe koi yen kau u.. Lawt ga chye tsun ai ni zawn sha, sak prat shadawn jit na kata ni hta, myit shayawm asum jaw kau ai ni mung law law rai nga ai, matsan ai, yak hkak ai, npri nem ai zawn re ni shadawtn jit na kata hta hkawm sa nga ai malawng mga gaw lani mi na ten sut du kaba tai wa lu ai ngu nhkam la nga ma ai, hpa majaw nga yang, dai shadawn jit na kaw na lai let mu mada gum htawn lu na atsam kam ai myit ni nnga ai majaw mung rai nga ai hpe mu mada lu ai, dai hku rai matsan ai sak prat hta hkawm sa let sak prat jahtum kau ai hpe mu lu ai.dai majaw tsaw ra ai ramma ni hpe tsun mayu ai gaw nang lama ma kaw ningtawn awng dang mayu yang shadawn jitna ni hpe ninghkap chye ra nga ai ngu mu mada lam hpe gam gran ya mayu ai.

Aten nau hkum garawt nga.. Aten garawt nga ai lam gaw, n awng dang ai lam a masa lam langai lawm nga ai, awng dang ai ni gaw aten n garawt nga ma ai tinang a yupmang shingran ni hpe, lawan lawan dai dai hte mai byim yang ya jang pyi nnan hpang galaw chey nga ma ai, nang gaw, grua kaja ai sak prat langai hpe lu madu na matu daw dan sai ngu ga,  awng dang ai ni gaw jang jang e lahkam hkam na matu hkyen lajang sanu nga nna tsun na ra ai, hpawt de kaw na she hpang na, aten lu yang she galaw na, gara lam yan ni hpring yang she hpang sa na ngu ai aten garawt nga yang dai awng dna ai lam gaw masan sa na langyan nga na re hpe tsun mayu ai law.

Ntsen Ai Myit Ni...hta dai ntsen ai myit gaw awng dang na lam yan mahkrun hpe grit nem shangun nga ai ntsen ai myit gaw Asum hta grau nna sawng wa shangun ai nkaja ai lam langai re, Dai Asum gaw kahtap shakut na matu ahkaw hkang lam yan ni hpe jaw nga ai, awng dang na lam ntsen ai myit shang wa yang, kahtap shakut mayu ai myit nnga mat sai mung rai nga ai. tinang a myit shingran ni hta, ntsen ai myit ntawn da ai wa gaw lak lai kaba ai awng dang lam hpe lu madu nga ai hpe mu lu ai. dai hku tsun nna ntsen ai myit nnga ai ni hta, shut ai lam nnga ningdat ai lam ni nnga, mayak mang hkang ni ndu pru sai ngu tsun mayu ai mung nrai nga ai awng dang ai hkrun lam gaw ju sumpum zawn yak la ai hkrun lam galu langai rai nga ai dai hta, ntsen ai lam hpe shayawm lu ai wa gaw, dai mayak jam jau ju sumpum lam hta yak hkak ai lam ni hpe tawt lai lu let jahtum hta ngai awng dang lu na ngu ai ntsen ai myit nnga kam ai lam a majaw rai nga ai.

 Asum myit malai ai lam hpe nau hkum marit nga... Sum ai kata na mahkrum madup hpaji la u, sum ai a matu, myit malai nhtang hkum yawn taw nga sa nga nna awng dang ai ni tsun tawn da nga ma ai, n awng dang shi ai, hkrat sum ai mabyim ni a matu, myit li yawn nna, akyu nnga nga ai, hkrak sum lam ni a matu, myit malai nga yagn mung, marit nga ai lam sha rai nna, dai lam ni gaw nang a myit sawn yup mang ni hpe byim wa shangun na nrai nga ai law, awng dang lam majan hta, jahkring hkring hkrat sum lam ni hte hkrum sha chye nga ai, nang a lit gaw asum ni a matu, myit malai nga taw na nrai nga ai, hkrit ai myit hte, yawn taw ai lam ni hpe koi yen kau nna, shawng de matut sit sa nna, n gun atsam marai hpring hte matut shakut sa na matu gaw nang a lit nan rai nga ai ngu

#youth

#rvakachinservice