Kawa Kaja Langai Sat Lawat Kumla

Tsawra hkungga ai kanu kawa ni anhte kawa kaja langai a sat lawat kum la ni ngu ai hta hpa lam hta raitim atsawm  sha ahkyak la madat ya ai lam mung lawm nga ai.Anhte kawa la kaja langai gaw tinang a ningrum ningtau a ntsa tsawra shawang myit tawn manu shadan let kaja wa nan ra rawng ra ahkyak ai lam ni hpe ahkyak shatai lakawn lanawn chye ai lam mung kawa kaja langai a kumla rai nga ai.Anhte a kashu kasha ngu ai ni gaw kanu kawa ni a ahkyak shatai lanu lahku ai hpe ra sharawng ai ni rai nga ma ai.

Dai re majaw anhte madu jan madu wa a hku hkau kanawn mazum ai lam hta tinggyeng jasat ni hpe jahkring kau ra nga ai.Anhte kaja dik ai kanu kawa ngu ai ni gaw kashu kasha ma ni a myit hkam sha lam hte ra rawng ai lam ni hpe kade daram ni ni tsan tsan ahkyak la maju jung ai lam ni galaw chye ai majaw ya na zawn ningrum ningtau jan a ntsa e mung kashu kasha ni a ntsa hta mung myit maju jung ahkyak shatai lakawn lanawn chye ai lam gaw kawa kaja ningrum ningtau kaja kum la rai nga ai.

Bai nna myit hkam sha lam hpe myit tsang ai lam nnga ai mung kawa kaja kumla hta lawm nga ai.Grau nna gaw tsawra shawang myit hpe myit hkam sha lam hku nna hpaw madun dan chye ai la ni a matu gaw grai taw ai shamu shamawt lam mung rai nga ai.Tinang tsawra ai wa hpe masha htat hpawng ni hta ta gindun hkawm na lit nli chye ai wa gaw kawa kaja ningrum ningtau kaja a laikya atsam marai langai rai nga ai.Dai hta n ga nta hta rem ai dusat hpe tsawra let lakawn chye ai kawa ni gaw kashu kasha ni a myit masin lam hte seng nna matut mahkai lam kaja ai kawa kaja ningrum ningtau kaja kumla langai mung rai nga ai.

Bai nna kawa kaja ningrum ningtau kaja langai gaw myit pu myit ba ai lam ni hpe laidi lu ai lam mung lawm nga ai.Anhte shinggyim masha shagu gaw myit tsampu tsamba ai lam ni hpe hkrum katut chye ga ai raitim ndai manghkang lam ni hpe atsawm sha chye hparan lu jang gaw ndai lam gaw gawnhkang ai lam kaja ai kawa rai nga ai.Kashu kasha ma ni shanhte myit ra ai lam ni nbyin ai ten,pawt ai ten ni hpe hkrum wa ai ten ni hta atsawm sha hparan lajang ya lu ai mung anhte kawa kaja langai mi kumla nan rai nga ai.

Sha mu ai shat mai ni hpe garan sha chye lam mung kawa kaja kumla kaw lawm nga ai.Anhte shabrang sumtsaw sumra ten kaw nna rau dung sha ai ten shagu kaja dik ai hpe shawng lata jaw sha chye ai lam gaw kawa kaja tai na kumla rai nna kaja wa nan kun dinghku de sai ten hta mung kashu kasha ni hpe ra ai lam ni hta jahpring shazup ai lu ai kawa kaja tai nga sai rai nga ai.Ndai kumla ni nga ai kawa gaw tinang hkum hta kaga masha wa hpe ningshawng jaw chye ai lai kyang nga nna shi nsha lu tim rai uga kashu kasha ningrum ningtau jan ni hpe jahpring shazup ya lu ai gaw anhte kawa kaja langai a kum la nan rai nga ai.

Bai nna myit hkam sha lam ni asan danleng ai mung kawa kaja ni hta mu lu nga ai.Kawa kaja ni a myit hkam sha lam hte seng nna ningrum ningtau jan hpe asan sha dan leng ai hku nna kanawn mazum chye ai zawn shawng lam masing masa ni hpe mung atsawm sha chye  hparan woi bawngban lu ai atsam rawng wa mung rai nga ai.Ndai lam ni mung kawa kaja langai rai nga ai.

Bai nna anhte kawa kaja ngu ai ni gaw dum nta jasan jaseng lam hte shadu lu shadu sha lam ni hta garum chye ai lam lawm nga ai.Ya na zawn kun dinghku nshang shi ai kaw nna dum nta bungli ni hpe myit nlawm ai wa gaw kun dinghku shang kashu kasha lu tim myit lawm na nrai nga ai.Kaja ai kawa kawa ningrum ningtau wa ngu ai ni gaw shada da garum shingtau hkat chye ra nna dum nta magam bungli ni hpe garum shingtau galaw chye ai lam gaw anhte kawa la kaja langai a atsam marai rawng ai wa rai nga ai.

Bai nna kawa kaja langai gaw tinang a matu ahkyak lam nkau hpe tawn kau da lu mung lawm nga ai.Anhte ninghkap shingla ai lam,maju jung ai lam ni hte masa hta hkan nna nga chye kawa ni gaw anhte ningrum ningtau jan ni kashu kasha ni hte rau nga ai ten ni,hkrun lam hkawm ai ten ni ningrum ningtau jan,kashu kasha ni machyi makaw lam shing nrai ahkyak lam ni hkrum wa jang shi a matu ahkyak ai lam yan nkau ni hpe  tawn kau da let kashu kasha ningrum ningtau jan ni a makau hta nga let aten jaw chye ai mung kawa kaja langai rai nga ai.Ndai zawn re ai kawa ni gaw tinggyeng jasat ni  nnga ai majaw kawa kaja langai a atsam ningja hpe lu tawn da ai re majaw kashu kasha ningrum ningtau jan ni kaw nna kam hpa lu ai kawa kaja nan rai nga ai.

Bai nna kaja ai kawa kumla ngu ai hte kam hpa shamyet shanat lu ai kawa ngu lam mung lawm nga ai.Anhte gaw lam shagu hpe sadi jaw shadum ai lam nra ai sha aten n gang ai sha galaw ya chye ai mung kawa kaja kaw lawm nga ai.Dai hta n ga sadi jaw tawn da sai lam ni hpe mung byin hkra galaw ya ai lam mung lawm nga ai.Ndai zawn re ai kawa ni gaw tinang tsawra ai kashu kasha ningrum ningtau jan ni hpe pawnba bau maka ai lam hta kaja wa na kamhpa shamyet shanat lu ai kawa rai nga ai.

Bai nna madu jan madu lapran a kanawn mazum lam hta mung hkungga ai lam myit sharawng awng ai hte kaja ai hku nna tsun shaga kanawn mazum ai lam kawa kaja langai a kumla sat lawat nan rai nga ai.Dai zawn ngang kang ya she ngwi pyaw simsa ai kun dinghku pra hpe gawgap lu na rai nga ai.Dai re majaw kashu kasha ma ni hpe gara hku nna bawnba bau maka gring ngu ai hpe madu jan madu wa lahkawng galoi mung gahpran kalang rai nga nna lahkawng yan ningmu ni hpe gam garan hkat na mung ahkyak nga mali ai re.Ndai zawn madu jan madu wa lahkawng kanawn mazum lam kaja hkra tsun shaga galaw nga sa ai lam gaw kawa kaja langai a atsam marai kumla rai nga ai law.