Kashu Kasha Ni Hpe Shapan Shalat Ai Lam

Ma ni hpe shanhte dang dep ai daram atsam marai dat machye machyang hte galaw lu na ahkaw ahkang jaw ra ai.Galaw lu ai hpe shakawn ya ra ai.

Bungli lama mi galaw na myit da ai shaloi Ma a myit mang ai lam hpe manu shadan ai hku nna Ma nang gara hku myit lu ai law ngu ai hpe san yu chye ra ai.Ma ni hpe ga tsun a ahkaw ahkang jaw chye ra ai.Ndai zawn san ai majaw Ma ni gaw shanhte a myit sawn myit mang ai lam hpe manu shadan tsawra ai lam hpe chya hkam sha shangun nga ai re.

Awng Dang ai lam hta Tinang hkum nan atsam marai dat shakut ai lam gaw ahkyak madung re lam Ma ni chye na hkra tsun sharin ya ra ai.

Ma ni kaw nna Kanu yan Kawa gaw shanhte hpe grai tsawra ai ngu ai hpe shanhte chye lu ai gaw du na ra ai shanhte a prat hpe ngang kang ai hku lu la mai nga ai,Ndai myit masa hpe ngang kang ai hku gaw gap da ai lam nnga yang prat a nbung laru kaba wa yang hten za mat chye ai.

Kanu Kawa a tsawra myit hpe hkam sha lu ai Ma ni gaw shanhte nan masha ni hpe mung tsawra matsan dum chye wa na sha rai nga ai.

By : John Mung Hkrang