Kaning Sawn Ai Mayak Lam Amyu Myu Hpe, Madu Hkum Kam Ai Myit Ni Hte, Galoi Mung Shawng De Sit Sa Lu Hkra Shakut U

Kaning Sawn Ai Mayak Lam Amyu Myu Hpe, Madu Hkum Kam Ai Myit Ni Hte, Galoi Mung Shawng De Sit Sa Lu Hkra Shakut U

Ban dung de du na matu, masha ni a myi ni hpe sha hkum yu taw nga, tinang a lam tinang sha yu ga, awng dang lam lu na matu, masha ni a, ga hpe nau hkum madat nga, tinang a daw dan lam ni hpe sha ngang grin jahkrat na ra ahkyak nga ai ngu shawng nnan e shadum n gun jaw mayu ai

Sak prat rawt jat lu na matu, masha ni a, shamu shamawat ai lam ni hpe, hkum myit shang sha taw u, tinang galaw grin ai lam hpe gwi gwi galaw dat na matu mung n gun jaw mayu ai, bai ga law law tsun taw nga yang, ndai wa mana taw ai kun ngu shadu hkrum na mung tsang ra nga ai, ga bai n shaga yang mung bai ndai wa gaw gum rawng ai ngu bai tsun katut na , galoi mung mani taw nga yang mung, ndai wa gaw, manu hpa ai ngu shadu katut ai, shngdi shingdai re sai nga yang mung, gawng ba ai ngu shadu kau nga ai. tinang a prat hpe madu nan chye nga sai re ngu masha langai wa hpe nhkra machyi ai sha, tinang pri nem hkra nga sa chye na mung ahkyak la nga ai

Masha wa galau nga yang, shawang myit asan hte, tinang mai byim ai maga hku nna, gang la u, tinang galau nga yang gaw, tinang sha bai rawt tsap lu hkra shakut sa wa ga, hpa majaw nga yang, dai zawn myit masa gaw, laga wa hta nga yang she nga na re majaw rai nga ai Mani ngu ai gaw, lai wa sai ten ladaw langai rai nga ai, hpawt de ngu ai gaw, yup mang langai rai nga ai, dai ni nan sha, sak prat langai rai nga ai, sak prat ngu a gaw, pyaw ai mung lani mi npyaw ai mung lani mi rai nga ai

Mai kaja ai lam byim hkra, gara hku sak hkrung ra na ngu ai gaw, tinang kaw sha madung rai nga ai,  ahkyak ai gaw madu hkum hpe madu hkum masu kau, kam ai lam hpe hkum jahten kau, tinang a matu, kam dik htum wa gaw, tinang sha rai nga ai hpe galoi mung dum ga, dai majaw, tinang hkum hpe tinang galoi mung kam ai lam hkum shayawm kau, ganing zawn re mayak mahkak ni raitim, ngai lu hkra hparan lu ai, ngai tawt lai lu ai ngu ai madu hkum kam ai myit hte shawng de sit sa lu hkra shakut sa wa ga.

Bai magam bungli hta, shang gumhpraw nkaja ai, shingjawng ra ai masha gaw law ai, bungli hta masan nsa wa ai, shata la hka njat ai na sai, laga ni sha aya tsaw mat ai, ngai gaw ntsaw, bungli kaw na masha ni hte mung kanawn mazum lam yak wa ai, bai mying kaba ai arung arai ni gaw mari mayu ai mai gan hkrun lam hkum tsun, tinang a mungdan kata na hkrun lam ni hta pi nlu sa ai, myit mang ai lam sha nga ai ja gumhpraw gaw nlu, bai dinghku lam, sum tsaw sumra lam npri nem ai, lam dam taw ai zawn rai nga ai, ya galaw nga ai bungli hpe mung nra ai, hpa galaw ra na kun ncye ai, sak prat lachyum npru ai zawn rai nga ai, myit pyaw lam nnga ai, masha ni hte kanawn mazum ai lam hta mung ningra ai, ngai hpe kadai nchye na ya ma ai rai timung, san na ga san nga ai gaw, nang ndai hku sha nga mat sana i, ndai hku nga mat na daw dan kau dat sia kun, dai hku rai yang, masha tai ai sum kaba re ngu masat ra sai rai nga ai

Tsawra ai ramma ni matsing da ra na gaw, mayak mahkak ni ngu ai gaw, nang langai kaw sha nga ai nrai nga ai, ahkyak ai lam gaw nang galai shai ra na lam sha rai nga ai, grau nna ahkyak ai gaw, nang hta galai shai na myit kaja rawng nga ai kun ngu ai lam sha rai nga ai, ahkyak ai lam gaw, masa lam langai nra sharawng sai nga yang galai kau dat u, gwi ngu ai gaw shangai ai kaw na gwi sha rai nga ai, hpa galai shai nmai ai, dai zawn ngyau mung ngyau sha rai nga ai hpa galai shai nmai ai, raitim,

Tsawra ai Ramma nang ngai ni yawng gaw, masha rai nga ai, masha ngu ai gaw, myit sawn lu ai, sharin hkam la lu ai, galai shai lu nga ai, nang ya nprinem taw nga ai ngu gaw, nang a myit sawn lam , galaw ai lam ni ra kadawn ai a majaw mai byim nga ai, lawt ga ni hpe kabai kau ra ai, myit sawn lam ni hpe galai shai ra ai, gara shara kaw ngai chye na ra nga ai kun ngu hpe chye hkra galaw ra ai,

Nang  ra sharawng ai lam ni hpe lu hkra n galaw yang, nra sharawng ai lam ni hta prat tup nga nga ra mat na, shadawn shadang lam ni gaw, nang hpe ninghkap mat na hpe  hkum hkap la,  nang ndai hta grau lu galaw ai atsam nga nga ai, dai majaw nang ngai yawng  galai shai lu nga ga ai re, tinang hkum tinang sha n ga, makau grupyin ni hpe du hkra, galai shai lu nga ai shinggyim masha ngai mai byim nga ai, dai gaw anhte hkam la da ai kam ai myit rai nga ai, ndai zawn kam ai myit ni hpe jum tet da let shawng lam hta hkawm sa sit shang wa ga ngu

 

#youth

#rvakachinservice

Kaning Sawn Ai Mayak Lam Amyu Myu Hpe, Madu Hkum Kam Ai Myit Ni Hte, Galoi Mung Shawng De Sit Sa Lu Hkra Shakut U

Ban dung de du na matu, masha ni a myi ni hpe sha hkum yu taw nga, tinang a lam tinang sha yu ga, awng dang lam lu na matu, masha ni a, ga hpe nau hkum madat nga, tinang a daw dan lam ni hpe sha ngang grin jahkrat na ra ahkyak nga ai ngu shawng nnan e shadum n gun jaw mayu ai

Sak prat rawt jat lu na matu, masha ni a, shamu shamawat ai lam ni hpe, hkum myit shang sha taw u, tinang galaw grin ai lam hpe gwi gwi galaw dat na matu mung n gun jaw mayu ai, bai ga law law tsun taw nga yang, ndai wa mana taw ai kun ngu shadu hkrum na mung tsang ra nga ai, ga bai n shaga yang mung bai ndai wa gaw gum rawng ai ngu bai tsun katut na , galoi mung mani taw nga yang mung, ndai wa gaw, manu hpa ai ngu shadu katut ai, shngdi shingdai re sai nga yang mung, gawng ba ai ngu shadu kau nga ai. tinang a prat hpe madu nan chye nga sai re ngu masha langai wa hpe nhkra machyi ai sha, tinang pri nem hkra nga sa chye na mung ahkyak la nga ai

Masha wa galau nga yang, shawang myit asan hte, tinang mai byim ai maga hku nna, gang la u, tinang galau nga yang gaw, tinang sha bai rawt tsap lu hkra shakut sa wa ga, hpa majaw nga yang, dai zawn myit masa gaw, laga wa hta nga yang she nga na re majaw rai nga ai Mani ngu ai gaw, lai wa sai ten ladaw langai rai nga ai, hpawt de ngu ai gaw, yup mang langai rai nga ai, dai ni nan sha, sak prat langai rai nga ai, sak prat ngu a gaw, pyaw ai mung lani mi npyaw ai mung lani mi rai nga ai

Mai kaja ai lam byim hkra, gara hku sak hkrung ra na ngu ai gaw, tinang kaw sha madung rai nga ai,  ahkyak ai gaw madu hkum hpe madu hkum masu kau, kam ai lam hpe hkum jahten kau, tinang a matu, kam dik htum wa gaw, tinang sha rai nga ai hpe galoi mung dum ga, dai majaw, tinang hkum hpe tinang galoi mung kam ai lam hkum shayawm kau, ganing zawn re mayak mahkak ni raitim, ngai lu hkra hparan lu ai, ngai tawt lai lu ai ngu ai madu hkum kam ai myit hte shawng de sit sa lu hkra shakut sa wa ga.

Bai magam bungli hta, shang gumhpraw nkaja ai, shingjawng ra ai masha gaw law ai, bungli hta masan nsa wa ai, shata la hka njat ai na sai, laga ni sha aya tsaw mat ai, ngai gaw ntsaw, bungli kaw na masha ni hte mung kanawn mazum lam yak wa ai, bai mying kaba ai arung arai ni gaw mari mayu ai mai gan hkrun lam hkum tsun, tinang a mungdan kata na hkrun lam ni hta pi nlu sa ai, myit mang ai lam sha nga ai ja gumhpraw gaw nlu, bai dinghku lam, sum tsaw sumra lam npri nem ai, lam dam taw ai zawn rai nga ai, ya galaw nga ai bungli hpe mung nra ai, hpa galaw ra na kun ncye ai, sak prat lachyum npru ai zawn rai nga ai, myit pyaw lam nnga ai, masha ni hte kanawn mazum ai lam hta mung ningra ai, ngai hpe kadai nchye na ya ma ai rai timung, san na ga san nga ai gaw, nang ndai hku sha nga mat sana i, ndai hku nga mat na daw dan kau dat sia kun, dai hku rai yang, masha tai ai sum kaba re ngu masat ra sai rai nga ai

Tsawra ai ramma ni matsing da ra na gaw, mayak mahkak ni ngu ai gaw, nang langai kaw sha nga ai nrai nga ai, ahkyak ai lam gaw nang galai shai ra na lam sha rai nga ai, grau nna ahkyak ai gaw, nang hta galai shai na myit kaja rawng nga ai kun ngu ai lam sha rai nga ai, ahkyak ai lam gaw, masa lam langai nra sharawng sai nga yang galai kau dat u, gwi ngu ai gaw shangai ai kaw na gwi sha rai nga ai, hpa galai shai nmai ai, dai zawn ngyau mung ngyau sha rai nga ai hpa galai shai nmai ai, raitim,

Tsawra ai Ramma nang ngai ni yawng gaw, masha rai nga ai, masha ngu ai gaw, myit sawn lu ai, sharin hkam la lu ai, galai shai lu nga ai, nang ya nprinem taw nga ai ngu gaw, nang a myit sawn lam , galaw ai lam ni ra kadawn ai a majaw mai byim nga ai, lawt ga ni hpe kabai kau ra ai, myit sawn lam ni hpe galai shai ra ai, gara shara kaw ngai chye na ra nga ai kun ngu hpe chye hkra galaw ra ai,

Nang  ra sharawng ai lam ni hpe lu hkra n galaw yang, nra sharawng ai lam ni hta prat tup nga nga ra mat na, shadawn shadang lam ni gaw, nang hpe ninghkap mat na hpe  hkum hkap la,  nang ndai hta grau lu galaw ai atsam nga nga ai, dai majaw nang ngai yawng  galai shai lu nga ga ai re, tinang hkum tinang sha n ga, makau grupyin ni hpe du hkra, galai shai lu nga ai shinggyim masha ngai mai byim nga ai, dai gaw anhte hkam la da ai kam ai myit rai nga ai, ndai zawn kam ai myit ni hpe jum tet da let shawng lam hta hkawm sa sit shang wa ga ngu

 

#youth

#rvakachinservice

Add new comment

4 + 6 =