Kaning re ai myit masin n gun ni gin shalat ra ai ( 5.6.2020 ) Youth Program

 

Masha ngu byim wa sai hte rau, shinggyim hkum hkrang hte Myit masin gaw gin dun nga nga ai, shingra tara kaw na gin shalat da ai dai ni marang htu yang htu na, jan ja yang ja na ngu ai mabyim pyi byim pru taw nga ai rai nga ai. shinggyim masha ni a myit hta mung, myit n gun daw ai ten nga na,  katsi kahtet nbung pre ai zawn, byim pru galai shai nga ai makau grupyin a ntsa madung da let, lam shagu gaw galai shai nga ai majaw, myit pyaw nga ai ten hte, myit ru ai ten ni mung nga na sha rai nga ai.

Kalang lang myit daw ai ten, tsawra ai ramma ni myit sawn ra na gaw, lam shagu yawng shinggyim masha ni a, myit n gun hpe rawt jat bawng ring shangun ai lam yan gaw, sharawng awng ai kam ai myit hte,  atsam marai ni rai nga ai, hpa bungli mi galaw galaw, tinang galaw ai bungli a ntsa kam ai myit nga na ra kadawn nga ai, dai zawn myit hkam sha lam hte, kam lu na matu, tinang ya tatut galaw nga ai magam bungli yaw shada lam ni gaw, bungpre rapra ai ngu na kam ra na, shinggyim masha ni a mai kaja lam a matu rai nga ai ngu kam ra ai, bai tara rap ra ai ngu ai hpe kam ra ai. Mungkan hta, Hpyen dap ni, mungdan kaba ni gaw, grai nan hkit hkam nga taw tim, lit nga ai ni gaw, tinang galaw nga ai ni hpe nkam sai nga yang, hpa atsam marai ni nnga na, myit daw mat na nga yang lam shagu hkrat sum mat ai nhtoi byim na rai nga ai. kaja wa nga yang, marai nga ai ngu ai gaw, tsun yang she loi nga ai ai kaja hkan galaw na nloi la nga ai re, kaja wa hkam sha ra ai ten ni hta, tinang hkam sha lu ai lam hta grau hkam sha ra ai rai nga ai, ndai lam ni hpe tawt lai lu yang she marai rawng ai wa ngu tsun lu na rai nga ai. anhte ni gaw lam yan shagu hpe atsam marai hte galaw na ngu ai myit masa rawng shanu nga na ahkyak la nga ai anhte ni gaw, awng dang na lam hpe ra sharawng ai ni hkrai rai nga ai, hkrat sum ai lam ngu ai hpe na pyi nkam na ai ni rai nga ga ai. raitimung, shinggyim prat hta, hkrum katut ra na gaw, awng dang lam mung, hkrat sum lam mung, lahkawng yan rai nga ai Awng dang ai lam lu ai ten ni hta, anhte ni gaw pyaw chye nga ga ai, hkrat sum sai nga ai hte gaw, yawn nma rai chye ai mung anhte ni sha rai nga ai. bai gaya chye nga ga ai, masha ni hte nhkrum gwi nga wa ai, myit ni kaji ai hte, myit n gun ni hkrat wa chye ai dai majaw, hkrat sum ai ngu ai lam hpe shinggyim masha ni grai hkrit nga ga ai, raitim dai hkrat sum lam hpe tawt lai nlu nga ai, kaja wa nga yang, awng dang ai lam ni ngu ai gaw, dai hkrat sum ai ngu ai lam ni kaw na hpang ai rai nga ai, dai hkrat sum lam ni gaw, awng dang ai lam ni a lakang ni rai nga ai, anhte ni gaw, ding hkrai magam bungli kaji ni galaw shakut nga ai ni kaw na, tinang kam ai awng dang na lam ni de kam ai yaw shada lam ngut kre hkra galaw mayu ai du hkra awng dang hkra shakut nga ai ni tai ra nga ga ai. Awng dang na matu, shawng nnan ahkyak ai ra kadawn lam gaw galaw shakut mayu ai myit rai nga ai, tinang a yaw shada ai lam gaw, dai shakut mayu ai lam hpe kam ra na rai nga ai, ngut daw galaw ai lam ni gaw, awng dang na matu nrai nga ai, galaw shakut mayu ai myit ngu ai gaw, tinang galaw mayu ai lam yan ni, tinang a yaw shada lam ni hpe bungpre nna, masha law malawng myit  hkrum ai tara upadi hte rau rai nga ai hpe shawng kam ai lam mung rai nga ai. dai rai hpang kam ai lam nnga ai nga yang atsam marai ni galoi mung paw pru wa na nrai nga ai, tinang galaw ai bungli hpe kam ai ngu ai shara hta, kam ai ngu yang she ndai bungli hpe galaw na ra sharawng wa na rai nga ai, bungli galaw nga ai ngu ai nan myit masin salum hta myit masin marai hpring hte pyaw pyaw lu galaw na rai nga ai, ndai bungli hpe galaw lu ai lam nra sharawng yang mung, awng dang na matu ngu ai shara hta nloi la nga ai, hpang langai kam ra na gaw, tinang galaw ai bungli ngu ai gaw, tinang a matu mung kaja ai rai nga ai.

Bai myit daw sai nga yang mung jahkring mi galaw nga ai magam ni hpe jahkring kau nna, myit pyaw lam hpe jaw ya lu  na matu, myit masin hpe hkring sa ra ai magam ni galaw ra na rai nga ai, myit ru nga ai ten ni hta, manaw manang ni hte gat sa pru ai zawn re ni, nbung kaja marawp lu ai shara ni hta jahkring ban sa la ai zawn re ni, langai hte langai myit ru lam nbung ai ten, tinang gara lam yan ni hpe galaw na matu n gun lu ai ngu ai a ntsa madung da let galaw shakut ra na rai nga ai, tinang a ra kadawn ai lam ni gaw wan zawn hkru taw yang she, awng dang na rai nga ai.Masha shagu myit masin hte matut mahkai nga ai hkum hkrang ting a sai lam shamu shamawt lam jaw na lam hte myit daw ai lam nnga na ahkrak dik lam yan gaw, hkum hkrang hkam kaja na lam sha rai nga ai dai rai yang she, myit daw ai lam ngu ai nhkrum wa na rai nga ai, galoi mung myit ru, myit shuk ai lam ni hte gaw sharawt da ai makau grupyin rai yang gaw, myit n gun ban ya ai laika buk ni hpe hti gring nga ai pyaw nga ai ni, ningmu kaja mu chye ai ni hte kanawn ai a marang e mung pyaw wa lu nga ai, kaja wa ningmu nkaja ai ni hte mu chye ai ni rai yang gaw, dai myit sawn lam ni gaw nang hpe ga-up wa chye ai hpe sadi maja ra nga ai law

Tsawra ai ramma ni tinang nbu hpun lu ai hpe bu hpun nga ai ni, tinang nlu jawn ai maw daw lu jawn ai ni, tinang nlu rawng ai nta hta lu rawng ai ni gaw tinang a makau hta galoi mung nga nga taw na sha rai nga ai dai majaw, myit daw ai lam ni, myit ru ai lam ni ngalaw ai sha laga wa a, awng dang lam hpe n gun yu la let jai lang chye ra nga ai raitim nang hta nnga ai lam ni a ntsa galoi mung myit npyaw nrai na hpe shadun n gun jaw mayu ai laga wa hpe law law garum magang,nang a prat hte seng nna, yawn nwai taw na ten nlu magang rai nga ai, dai sha n ga masha wa hpe garum ai lam gaw, nang hpe kaja wa myit pyaw shangun ya nga ai, dai rai yang myit daw myit hkrat ai lam ni mung du shang wa na nrai ai sha, galoi mung myit pyaw  na re lam hpe hkam sha wa na re majaw ya jang galaw shakut yu u ngu n gun jaw dat let

 

#youth

#rvakachinservice

 

 

Add new comment

1 + 0 =