Kamoi Tsawra ai Kaman Tai Na Ladat

Tsawra ai kun dinghku kanu kawa ni tinang a ningrum kaw nna tinang hpe kade tsawra ai mi nga tim kamoi hte nhpri nem jang ngwi pyaw kun dinghku hpe madu lu na ngu ai gaw yak la nga  ai.Anhte kamoi hte kanawn mazum lam kaja nna hprinem sai nga jang kun dinghku ngwi pyaw na matu tsa lam shadang 60 % daram gaw hkra lai nli rai nga ai.

Anhte Myen amyu sha ni gaw ningrum a kanu hpe အမေ ngu nna sha shaga ma ai. အမေ ngu nna shaga ai majaw myit kraw kata hta mung tinang myit machye lam hte mung kanu ngu ai myit hpe sha shang shangun nga ai.Shaga ai lam hta mung myit masa lam hte seng nna hku hkau lam hpe grau nna ni htep shangun nga ai .

Bai nna tinang a ninrum a kanu kawa hpe tinang kanu kawa zawn myit da nna kanawn mazum ai lam hpe tsun shaga ai kaw nna sak se madun lu nga ai.Dai hta n ga kamoi langai maga hku nna myit ai shaloi mung tinang hpe kanu langai zawn shaga ai ten tinang a kasha a madu jan tinang a kanam hpe mung kasha langai zawn bai shaga wa na rai nga ai.Kanu hte kasha zawn tsun shaga ai lam ni gaw grau nna numnak rawng wa nna kraw salum kata  n gun rawng ai kanawn mazum hpe byin wa shangun nga ai.

Bai langai hku nna kamoi a shamu shamawt galaw sa ai lam ni hpe masat masa galaw ya na mung ahkyak nga ai.Kamoi gaw tinang a matu mi rai rai,tinang kasha ( shi a kashu ) ni a matu mi rai rai,shi kasha a matu mi rai rai hpang jahtum dum nta masha ni ai matu mi rai rai langai ngai hpe galaw ya ai shaloi dai a ntsa masat masa galaw ya na ahkyak nga ai.

Tinang a kamoi hpe shi gaw ndai kun dinghku dum nta a matu ahkyak ai masha langai re ngu a hkam sha lam hpe byin shangun ai shi kaja ai lam hte atsam marai ni hpe htuk shapraw masat masa galaw ai zawn re galaw mai nga ai.Anhte nkau ni gaw kamoi kaw nna langai ngai kaja ai hpe galaw ya yang dais hi galaw ya gring nga ai ngu ai ningmu ni hte shi  galaw dat ya ai re hpa nbyin ai zawn nchye masu nna nga chye nga ga ai.Dai zawn shi a tsawra shawang myit ni gaw tinang a matu ndum shami hpa mung nbyin nlak lai ai zawn nmai nga ga ai.

Bai nna kamoi  kaw nna galaw ya ai lam ni a matu chyeju dum shakawn ai lam hpe mung galaw ya gring nga ai.Kaji kajaw sha re ai kaw nna kamoi hku nna galaw ya ai nga yang dai hpe ahkyak la chyeju dum ai hte shakawn ai lam ni galaw gring nga ai.

Anhte chyeju dum ga,shakawn ga tsun ai shaloi mung ngut jang rai sai ngu lam hte tsun ai nre ai sha myit lawm hkum lawm hte tsun ra nga ai.Mai byin ai made myit lawm hkum lawm ai sat lawat hte galaw ra ai.Dai zawn sha shanhte a tsawra shawang myit hpe ahkyak shatai ai lam gaw kamoi a myit hpe myit pyaw shangun nga ai.Dai majaw shakawn na matu ra nga ai.Raitim n shakawn shi yang shi a masa lam hpe shawng atsawm sha yu sagawn ra ai.

Anhte nkau ni gaw kanam a shakawn ai lam hpe nra ai nsam nga jang gaw nshakawn ra ai,kanam hte kanawn mazum lam yak ai kamoi hte hkrum nga ra ai nga jang mung tinang a ningrum ningtau a myit nkrem ai lam hpe nbyin na matu tinang a kun dinghku hpe nhkra machyi na matu atsawm sha sadi nna ginhtang mai nga ai.Shakawn shagrau ai hpe nra ai kamoi hpe chyeju dum ga gaw tsun byin hkra tsun ga.Chyeju dum ga gaw hpe tsun byin hkra tsun ya ga.Chyeju dum ga gaw zim rai nga ai hta gaw grau nna kaja nga ai.

Dai zawn nau nkaja ai kamoi ni gaw kanam a gawng kya ai lam hte shut ai lam ni hpe tam sagawn chye ai ni rai nna tinang maga kaw nna tsun shaga nga sa lam ni hpe sadi ra ga ai.Dai zawn nre ai sha myit nga ai hte marai tsun shapraw ginhtang hkrup ai lam gaw shi shut ai lam gaw tinang a shut ai lam byin wa nna tinang ningrum wa a matu myit ru hpa madu jan ni byin wa chye nga ai.Dai re majaw nkaja ai kamoi hte kanawn mazum ai ten hta tinang maga kaw nna shut ai lam nnga hkra n jut shanawng chye ai ga ni ntsun hkra,zai ai lai kyang sat lawat ni hte n kanawn mazum hkrup hkra nga ai,ningrum ningtau wa hpe mung kanu a ginhtang ai lam ni hte seng nna tinang ningmu ni hpe ntsun hkrup hkra sa di yang kaja nga ai.

Nau nkaja ai kamoi hte pyi hprinem hkra rau pawng kanawn mazum lu sai nga ai kaw nna gaw tinang a kun dinghku hpe hkra machyi shangun lu ai lam gaw grai nan yawm mat sana sha rai nga ai.Dai re majaw kamoi hte hprinem lu na ladat ni hpe atsawm sha sagawn hkaja la nna anhte a kun dinghku hpe ngwi pyaw sim sa hkra gaw de la ga law..