Kam Ai Myit Hte Hparan Ai Lam ( Youth Program )

Kam Ai Myit Hte Hparan Ai Lam

Kam ai lam ngu ai gaw, kam gring ai wa hpe sha kam ra na rai nna, hkungga ai ngu ai mung, hkungga gring ai wa hpe sha hkungga ra na rai nga ai

Langai hpra a, mabyin lam, shinggyim kanawn lam ni hta mung kam ai lam ni, hkungga la ra ai lam ni ngu ai hpe loi loi hte lu la nga ai nrai nga ai, Masha law law hte seng nna, kanawn mazum ra ai ni grau sawng nga ai re,

Myit masa tsawm htap nna, shi maga, nye maga rapra hkra kanawn mazum chye ai masha langai wa a matu gaw, masha langai hkungga kam ai wa byin hkra alak mi nshakut la nra nga ai hpe mung mu lu nga ai, tinang a krawdung hta nan, myit masa lam kaja ai lam gaw masha law law hte, rapra hkra kanawn mazum chye ai a npawt rai nga ai hpe mu mada lu nga ai

Kaja wa myit kraw atsam ni hpring nga ai masha wag aw law malaw hta, tinang a kraw kata hta nga ai shawang myit hpe shinggan de htuk shapraw chye nga ma ai, dai shawang myit gaw, tinang hte myit masin ngu ai lahkawng hta na praw pru wa ai lam mung re, bai lu la mayu ai myit n nga ai sha, jaw mayu ai myit hpe madun ai shawang myit nan rai nga ai, dai zawn myit sawn kaja lam lu na matu, manaw manang ni, rau sha magam gun hpai nga ai magam dap manang ni a ntsa, galoi mung mani sumsai myiman hte raprap ra ran ga taw ra na ngu  hpe tsun ai gaw mung nrai nga ai, Shawang myit kaja ai wag aw myit sawn ai lam hte, matut manoi nna mung, bai myit dawdan ai lam hte matut manoi nna mung maga mi na masha wa hte, kalang lang  myit mang ai lam ni shai wa chye ai lam ni nga nga ai raitim, dai ten tinang a myit masa lam hpe laga shara de tawn da nna, ding lun tsun shaga taw nga ai ni nrai nga ai, laga wa a myit sawn daw dan ai lam hpe hkungga let myit sawn ya chye ai lam rai nga ai, myit kaba ai lam rai nga ai

Masha langai hpe maram ai shara hta, malawng maga dai masha wa a myit masa lam hpe yu nna, daw dan mai nga ai, kam grin ai wa hpe lata sana nga yang, dai myit masa lam ni hte hpring nga ai wa hpe sha lada grin nga ai re. myit masa lam ngu ai shara hta, kaja ai lawm lam ni law law nga nga ai, atsam ningja kaja ai lam nga na matu, dai zawn myit masa kaja nga na mung ra nga ai. Tinang galaw bungli hpe kungkyang nna machye machyang ni hpring nga ra ai bai masha wa hpe garum shingtua chye na myit nga ra ai, laga wa a ntsa kam ai lam nnga ai zawn re ni, myit kaba shang ai lam ni, manawn ai myit ni, hkrit ai lam ni, ningmu gyip ai lam ni, masha wa a ntsa ntsen ai lam ni, yu kaji ai lam ni nmai rawng nga ai

Myit Masa Lam hte seng nna tsawra ai ramma ni, ra kadawn nga ai lam ni mung law law nga ai hpe mu lu ai, dai hta, tinang hte prat bung ai mash ani hpe teng man ai myit masa lam ni hte yu mada u, bai tinang hte rau galaw magam gun manaw manang hte magam bungli a ntsa myit shang sha ai lam nga ra ai, gara magam bungli ni hta tim, hkrat sum lam nga chye ai masa hpe  tau tak sawn da ra nga ai, n awng dang wa ai ten, myit ndaw na matu ahkyak dik ra nga ai, Kam ai myit hte, rawt jat lam hpe shawng lam tawn u, tsang ai hkrit myit ni hpe shamat kau ai, bai mai kaja ai lam ni hpe mu hkra tam u, mu ai shaloi dai lawm lam ni hpe mai kaja hkra jai lang lu na matu myit sawn u, dai hpang galaw grin ai lam ni hpe gwi gwi galaw u.

Bai tatut hta awng dang taw nga ai ni hte ganawn u, tinang a majau grupyin hta nga ai ni hpe manu shadan let garum shingtau chye ra ai, tinang a magam bungli hpe,hpaji jaw na matu n gun jaw u, bai laga wa a myit sawn lam ni hpe hkunggra la ra chye ra na mung ahkyak la nga ai, la la mayu ai myit nre ai sha, jaw ya mayu ai myit masa byim hkra shakut u, bai laga wa a awng dang ai lam hpe shakawn tsun shaga u, ahkak ai gaw masha wa a nkaja lam ni hpe nmai tsun shapraw nga ai, ndai lam nig aw myit masa hpring tsup wa na a npawt lam yan ni rai nga ai hpe tsun dan mayu ai Bai tinang a myit ni hta, tinang a myit gaw, gara lam yan ni mung tinang hpe jam jau jaw ai lam hpe hkam jan lu ai lam ni,

Bai hkrum wa ai masha, makin jinghku, manaw manang ni hpe, hkam ja lam, myit pyaw lam, rawt jat wa na lam ni sha san, tsun shaga ai lam, tinang a jinghku ni shagu hta, mai kaja ai lam langai ngai gaw nga ai lam hpe chye da ai lam shing nrai sawn nga ai lam, bai kaning re ai lam yan ni hta, kaja ai maga yu nna, tinang a mu mada lam jaw ai ngu ai hpe  n gun dat ai lam, bai mai kaja dik lam yan ni hpe myit sawn ai lam, galaw sa ai lam, kaja dik byin na re hpa myit mada tawn ai lam, laga wa a awng dang ai lam hpe tinag awng dang ai zawn sha kabu ya ai lam, lai sai ten na shut ai lam ni hpe malap da nna, htawm hpang awng dang lam hpe sha myit nga ai lam, si mani ai nsam tawn let, mu ai masha shagu hpe prinem ai hku tsun shaga ai lam, tinang a rawt jat lam a matu, n gun da ting shakut nga ai majaw laga wa ni a mara ni hpe tsun taw nga na aten nlu ai lam Bai myit tsang ra ai ni byim wa yang, myit marai hpe ngang gring hkra da let, pawt na lam ni byim wa yang mung, mara dat ya ai lam ni hkrit tsang ra ai ni hte hkrum wa yang mung myit simsa ai hte tawt lai lu ai lam ni ngu zawn re ai myit marai ni tinang hta nga sai kun n nga shi ai kun ngu ai hpe madu hkum myit hpe chye na hkra shawng shakut ra nga ai

Dai zawn myit sawn lam ni tinang hta nga sai nga yang, tinang gaw, myit kaja ai wa, kam hpa let, hkungga grin ai wa hku hkawm sa lu nga sai lam rai nga ai, kun dinghku lam, sut masa lam, up hkang lam mung masa lam ngu zawn re ni hta, jaw ai hku hte rawt jat galu kaba awng dang na matu, woi awn ai maga mung hparan lajang ai maga gaw grau ahkyak la nga ai Masa lam hte, rawt hkrat masa lam gaw, hparan lajang  ai atsam marai hta malawng maga  law nga ai ngu mu mada lam nkau hpe gam garan dat let

#youth

#rvakachinservice