Kaja Wa Myit Lawm Ai Lam Hpe Mu Na Matu Hpa Ni Ra Kadawn Nga Ai Kun?

Kaja Wa Myit Lawm Ai Lam Hpe Mu Na Matu Hpa Ni Ra Kadawn Nga Ai Kun?

          Anhte ni kaji ai ten kaw na tinang myit lawm ai lam ni hpe dip da hkrum nna jawng hte, Tution hte sha jawng laika ni hpe myit maju jung da ra ga ai, matut manoi jawng ngut nna jan mau lu ai ten ni hta, tinang a myit lawm ai lam gaw hpa re ngu ai hpe nchye mat ai sha tinang hte htap htuk ai magam lam ni kaw sha bungli shang ra mat nga ai

Kan bau lam a matu, ndai zawn myit nlawm ai magam bungli ni hpe galaw nga ra ai majaw tsampu tsampa myit ni hpe ten shagu hkam sha ra nga ai dai majaw ndai bat na lamang hta tinang a yup mang myit lawm ai lam ni hpe gara hku sawk tam lu na ngu ai lam yan nkau mi hpe tsun dan mayu ai.

Magam bungli hkum hkra hpe galaw u...Masha langai hta myit lawm ai lam gaw langai sha nga ai nrai nga ai, myit lawm ai lam law law nga chye ai majaw, sak naw ram ai ten ni hta  magam bungli law law galaw let mahkrum madup law law la ra ai, Jawng ma prat ten kaw na Ap Nawng daw jau ai magam lam ni hkan shang galaw ai hte tinang myit lawm ai magam bungli ni hpe tam lu nga ai re.

Nang A Myit Salum Hpe Madat Mara U....Tinang gaw ndai sharain hpan hte jan mau lu da nna ndai sharin hpan hte seng ai magam lam ni hta shang let bungli galaw ra na ngu ai prat gaw nnga sai rai nga ai, nang myit ra ai hku galai shai mai nna nang a salum kaw na woi awn ai lam ni hpe kam kaba myit ni hte hkan nang hkan sa dat yu u

Madu Hkum Hpe Sha Myit Maju Jung Nga U..Tinang myit lawm ai hpe tam ai aten ni hta tinang hkum hpe masha ni hte shing daw ai lam n galaw hkrum na matu grai ahkyak ai, na manang wa shi bungli magam lam hta awng dang taw ai hpe mu nna nang mung shi galaw lu ai zawn hkan galaw yu na ngu hkum myit kau masha shagu hta tinang a dinghkrai aten ngu ai nga ai, nang hku na manang wa a awng dang lam a matu, myit maju jung na malai tinang rawt jat wa lu na lam ni a matu sha shakut u dai rai yang grau nna akyu nga wa na rai nga ai

Nang A Hkrit Myit Ni Hpe Tat Kau U.....Tinang myit lawm ai lam hpe tam lu na mtu, madu hkum kam ai lam nga na matu mung ra kadawn nga ai tinang hkum kam ai lam nnga ai, hkrit myit ni hte ka up ai a majaw ahkaw ahkang ni law law nang pi nchye kau dat ai sha hkrat sum ai lam ni law law rai nga ai, nang hku nna dai hkrit myit ni hpe dang manga kau lu yang chy sha awng dang lam mahkrun hpe lu tam na rai nga ai

Gumhpraw  A Lam Hpe Malap Kau Da U...Kan Bau lam ni a matu, ja gumhpraw ra kadawn nga ai ngatim, ja gumhpraw hpang chyu hkan na nga yang, na hkum nang hkrat sum nna lawhpa myit ni hte hpring ai wa chye byim hkrum nga ai, tinang myit lawm ai magam bungli hpe tam sana nga yang ja gumhpraw a lam jahkring mi gaw gan makap kau na ra nga ai, bai tiang myit lawm ai lam hpe tam ai lam hta dai magam bugli ni kaw na gara hku gumhpraw ni shang hkra gara  hku galaw na ngu ai profesional kungkyang ai madang du mat yang chye wa na rai nga ai ngu

Tsawra ai ramma ni Mayak lam ni hpe hpa majaw man up hkrum ningdat hkat gring nga ai ngu hpe bai yu yu yang, hkrit yang shai, gwi yang nang byim ngu ai hte maren ya na prat hta nmyit mada da ai galai shai wa ai lam ni, nhkrum ga ai mayak lam ni ningdat lam ni gaw masha shagu ngu na daram hkrum nga ai, Covid-19 tsin yam byin pru ai hpang daw anhte ni gaw galang mi mung nmyit da ga ai sak hkrung hkawm sa lam ni hte nga sa na lam byim pru wa ai, tinang n galaw ga ai hkrang ni hte magam bungli ni galaw ra nga ai New Normal hkrang nnan hta prinem hkra nga na matu hkrum wa ai lam ni hpe man up hkrum nga ra ai, ndai mayak lam ni hta koi yen hkawm nga na nga yang, ahkaw ahkang ni yawng hkrat sum mat hkra galaw nga ai hte bung nga ai mahkrum madup nnan ni hpe hpan lu yang sha galai shai wa ai shinggyim nga sa lam hte prinem hkra lu nga nna kaja dik sak hkrung lu na rai nga ai.

Ndai zawn mayak lam ni hpe ningdat ai lam hta hkrat sum ai ten ni mung nga na awng dang ai ten ni mung nga na hpa mi rai rai sak prat hpe grau kunghpan ngang gring ai myit ni hte tawt lai yang she atsam marai hte hpa ji ni lu wa na rai nga ai  mayak ni hpe tinang nan hkrum wa ai hpang tinang a atsam maria ni hpe grau kam wa na rai nga ai ndai gaw ja gumhpraw hte laika buk ni njaw lu ai lak lai ai myit hpe shatsaw ai lam langai mung rai nga ai

Dai majaw mayak mahkak lam ni hte hkrum wa ai ten ningdat hkat lu na matu shajin da u,shani shagu atsang sha myit sawn ai sak prat kaw na gumhtawn lu na n gun ni shale u, ra kadawn ai atsam marai hte kungkyang lam ni jahpring da u jinghku manang kaja ni hte kanawn mazum u, ndai ladat ni hte shinggyim sak hrung lam nnan hpe mai kaja hkra sak hkrung tawt lai dat u ngu n gun jaw dat let.

#youth

#rvakachinservice