Kaja Lam Hpe Sha Myit Ai Lam

 KAJA AI HKU MYIT AI LAM POSITIVE THINKING

Dai ni na an hte a prat, shingjawng kashun ai law la ai mung kan ga hta shani shagu anhte kaw byin pru wa nga ai myit hkyi lit li ai lam ni hpe tawt lai kau lu na matu gaw kaja ai hku myit mang ai lam (positive thinking) ngu ai lam gaw a hkyak la nga ai lam tsawra ai ramma ni hpe shadum n gun jaw mayu ga ai. Dai ni na mungkan shi ga ni hta yu yu yang mung a sak naw ram ai Ramma law law wa tinang hkum tinang sat si ai (suicide) lam ni hpe law law na lu nga ga ai.

Dai hku tinang hkum sat si ai masha ni hpe maram matsam dat yu yang Positive Thinking ning ra nga ai hpe mu lu nga ai. Anhte shinggyim masha ni a shani shagu sak hkrung hkawm sa lam hta Myit sawn ai lam (Thought), Hkam Sha ai lam (Feeling) hte galaw ai sat lawat (Behaviour) ngu ai n dai lam masum gaw a hkyak la nga ai.

Bai n na n dai lam masum gaw shada da matut mahkai nga ma ai re. Tswra ai ramma ni, Myit sawn ai lam hta hkan nna, anhte a hkam sha lam ni amyu myu byin wa ai mung rai nga ai. Dai hkam sha lam hta hkan na, sat lawat ni amyu myu galaw chye ga ai. Dai hta, Myit sawn ai lam (Thought) Hkam Sha ai lam (Feeling) Galaw ai sat lawat (Behaviour) Mabyin gaw –“ Nang lam hkawm sa wa ai shaloi, na manang langai hpe mu n na, nang gaw shi hpe mani dan dat ai raitim shi gaw nang hpe bai n mani dan wa ai” dai mabyin sha rai nga ai.

 Raitim n dai kalang gaw nang myit sawn la ai lam shai mat ai, Nang gaw “Shi lama ma myit taw ai majaw ngai hpe n mu na n mani dan ai rai na re “ ngu myit sawn la dat ai hte na hkam Shi ngai hpe pawt mayu taw sam ai ngai hpa wa galaw shut sai kun Myit n pyaw ai, pawt mayu Shani tup myit n pyaw ai hte hpa galaw tim myit n lawm ai lam ni byim nga ai. dai re majaw, Anhte hta shani shagu byin hkrum nga ai mabyin ni hta hkan n na anhte hta myit sawn ai lam, hkam sha ai lam hte galaw ai sat lawat ngu ai ni byin pru wa nga ai.

Gashadawn –“ Nang lam hkawm sa wa ai shaloi na manang langai hpe mu n na nang gaw shi hpe mani dan dat ai raitim shi gaw nang hpe bai n mani dan wa ai “ndai mabyin hta nang hku n na myit kata hta gara hku myit la na kun? Gashadawn – ‘Nang gaw shi ngai hpe lama mi pawt mayu mat ai kun ngai hpa wa galaw shut sai kun’ ngu n na myit dat ai ngu ga dai shaloi nang gaw Myit n pyaw ai, pawt mayu ai shing re ai hkam sha lam ni byin pru wa mai ai,  shingrai hkam sha wa ai hte na a sat lawat ni gaw dai shani tup myit n pyaw ai hte hpa galaw tim myit n lawm mat ai ni byin wa ai. myit sawn ai lam (thought) shai mat wa ai hte kaga masa ni yawng shai mat wa ai. Kaja ai hku myit sawn la dat ai hte kaja ai hkam sha lam ni byin pru wa ai hte kaja ai sat lawat magam bungli ni mung galaw wa nga ai. Dai majaw shani shagu anhte hta byin wa nga ai mabyin ni (gashadawn – manang ni a sawng ai, kalang lang bungli n awng dang ai, ja gumhpraw gadawn ai) hpe gaw anhte ni n mai sharai lu ai raitim dai mabyin ni hta anhte a myit sawn la ai lam hpe chyawm gaw sharai lu nga ai dai mabyin ni hta kaja ai hku myit sawn la ai hte kaja ai akyu tara ni hpe lu la mai nga ai. Dai majaw shani shagu anhte a myit sawn ai lam ni hpe kaja ai hku myit sawn la let lam shagu hta myit pyaw lam lu la ai hte lam shagu hta awngdang ai hte myit masin hkam ja zet let ai Ramma ni byin tai nga ga law.

#youth

#rvakachinservice