Kaja Ai Lailen Hpa Majaw Nga Ra Ai Kun?

Wednesday, July 28, 2021

‘Kaga ni pyi ngai hpe n chye na ya ai wa, ngai mung hpa majaw shanhte hpe chye na ya na.’

‘“Chyeju hte,” “Chyeju kaba sai” ngu ai ga ni hpe n tsun tim hpa n ra ai.’

‘Kahpu kanau shada shaga hkat ai she re mi, atsawm n shaga hkat tim hpa ra ai. Nta masha shada she re mi.’

Dai ga ni hta nang ayan na tsun nga ai ga ni lawm ai kun? Lawm ai rai yang, kaja ai akyang lailen madun ai kaw na lu la ai akyu ni hpe nang n lu mat chye ai.

Kaja ai akyang lailen hte seng na chye da ging ai lam ni

Kaja ai akyang ni gaw lawu na lam 3 hta rawt jat wa shangun lu ai:

Kaja ai mying. Tinang a kanawn mazum ai lam ntsa madung nna, masha ni gaw tinang hpe kaja ai hku mu wa chye ai. N kaja ai hku mung mu mat chye ai. Tinang hta kaja ai akyang lailen nga yang, masha ni gaw tinang hpe myitsu ai, chye myit ai ngu mu na re. Shanhte hpe kanawn mazum ai zawn, tinang hpe bai kazawn mazum na re. Nang gaw zai ai rai yang, masha ni gaw nang hpe tingkyeng myit rawng ai wa ngu mu mat chye nna bungli n lu ai,bai kaga ahkaw ahkang ni law law n lu mat ai baw byin chye ai.
Kanawn mazum lam. Kanawn mazum lam hte seng wa yang, Akyang lailen kaja nna kaga ni ntsa atsawm kanawn mazup ai wa hpe, masha ni hkau mayu ma ai. Mazut nna n kaja ai wa hpe kadai mung kanawn mayu na n re.
Masha ni tinang a ntsa kanawn mazum ai lam. “Tinang gaw galoi mung kaja ai hku kanawn mazum na nga yang, aten na wa ai shaloi tinang ntsa galoi mung zai ai wa pyi, shi a lailen galai shai wa ai hpe mu lu na re. Tinang maga na zai ai hku kanawn mazum na nga yang, zai ai wa gaw grau sawng wa na re.
Madung Lam: Anhte yawng gaw shani shagu masha ni hpe tsun shaga nga ra ai. Masha ni hpe tinang ntsa gara hku mu shangun mayu ai, gara hku kanawn mazum shangun mayu ai ngu ai gaw, tinang a kanawn mazum lam ntsa hta madung ai. Dai Majaw kaja ai akyang lailen nga na matu grai ahkyak ai.

Rawt jat hkra galaw lu ai lam

Tinang a akyang lailen hpe sawn maram yu u. Tinang hkum tinang ndai hku san u: “Chyeju hte” “Chyeju kaba sai” ngu galoi mung tsun ai kun? Kaga ni hte ga shaga nga ai aten hta laika hti taw ai, phone hte laika sa taw ai baw ni galaw taw ai kun? Kanu kawa, kahpu kanau ni hpe hkungga ai hku kanawn mazum ai kun? Shing nrai, “nta masha she re” nga nna kam ai hku tsun shaga ai kun?

Chyum Laika hta tsun da ai lam: “Hkungga lara ai hta shada da shagrau hkat mu.”

Bandung ni jahkrat u. Tinang rawt jat na matu ra nga ai lam 3 hpe ka jahkrat u. Ga shadawn, “Tinang hkrai tsun nga ai hta na, madat ya na matu mung ra ai.” bainta masha ni, manang ni hte arau nga taw ai aten hta phone hte laika sa taw ai baw n galaw na matu ra ai ngu tsun ai. “Dai hku galaw ai gaw hkungga lam n nga ai hte bung ai. Nanhte hte shaga na malai kaga langai hte she shaga mayu ai ngu tsun nga ai zawn re” lam ni re lam hpe dum ra ai, kaga ni ga shaga ai shaloi, ga pyi n htum shi yang n shang shaga na matu mung ra ai ahkyak ai kaw lawm ai bai nna asak kaba ai ni hpe hkungga lara ai hte kanawn mazum na matu daw dan da ai. “Moi nga yang, asak kaba ai ni hpe shakram ai daram sha galaw ai. Ngut yang, ramma shada hpang de sha sa mat ai. Raitim, ya gaw asak kaba ai ni hte kaja wa hkau hkra shakut ai. Dai hku galaw ai majaw, ngai na akyang lailen ni grau kaja wa ai”nga nna mung hpaji jaw da nga ma ai hpe mu lu ai
Tinang a rawt jat lam hpe san jep u. Shata mi laman, tsun shaga ai lam hte lailen ni hta rawt jat ai lam nga, n-nga hpe san jep u. Shata htum ai shaloi, tinang hkum tinang ndai hku san u: ‘Nye a tsun shaga lam, lailen ni gaw rawt jat wa ai kun? Gara shara hta rawt jat na matu naw ra nga ai kun?’ Ra nga ai lam ntsa madung nna bandung ni kahtap jahkrat u.

Nang chye ai kun? Mungdan langai hta kaja ai lailen ngu sawn da ai lailen gaw, kaga mungdan a matu zai ai lailen rai taw chye ai. Ga shadawn, Japan hta nta kata de n shang shi yang, hkyep din raw ra ai htung nga ai. Kaga mungdan hta gaw, dai htung gaw zai ai lailen rai taw chye ai. Na a ginra hta gara hpe hkap la da ai kun?