Htawm hpang Na Ramma Hte Hpaji ( Youth Program )

Myit malai lu ai ngu ai gaw, hpang de she lu ai ngu ai lam, ten lai nna she chye ai lam rai nga ai. nkau ramma ni gaw, hpaji hpe ra nga tim, prat e jaw ai hpaji lam ni hpe, jahtum ten du hkra nlung lu nna, lu na sha na kan bau lam hta matut sak hkrung lu na matu, jawng shinggan mungkan shinggyim lam de pru sa nna, shakut shaja sha nga ra nga ga ai ni dai ni makau grup yin hta law law rai nga ai, nkau ramma ni nga yang, hpaji hpe manu shadan ra ai lam nchye na kun, hpa lam a majaw nchye jawng lu lung nga taw tim, hpaji hpe manu nshadan nga ga ai hpe mung mu lu nga ga ai Chye da ai hpaji hpe gaw masha lagu na yak ai nga hte maren, hpyen wa a jahten nlu ai hpaji ni mahkawng nna, tinang a sak prat hpe madu hkum nan hkrang shapraw sa wa ga ngu shawng nnan n gun jaw mayu ai.

Nkau ramma ni a myit hpe, kadai wa maza kau ya ai kun? ja gumhpraw kun? Hpaji Masa ladat ni kun? Kanu kawa ni kun? shing nrai madu hkum nan rai nga taw ai kun gaw nchye nga ga ai, ngai na ningmu hku nga yang  madu hkum nan madu nsam shachya kau ma ai hpe sha mu ai, tinang galaw yang she tinang hkam sha lu na prat madang hta, tinang hkum tinang ra kadawn taw yang she lam amyu myu byim wa lu na rai nga ai

Dai hta tsawra ai ramma ni hpaji ladat nkaja ai majaw ngu dung marawn taw nga ai ni mung naw nga ai, dai hpaji lam hpe anhte nang ngai myit lawm hkum lawm sharin hkam la da ai ga si ga ngau ni hpe pi jaw hkra ka lu, nga ai kun ngu ai hpe myit yu mai nga ai, anhte a kanu kawa ni gaw, mayak law law a lapran hta, kashu kasha ni myi man nkaji hkra, sut masa lam hta, tam bram shakut nga ai ni hpe mung mara shagun taw nmai nga ai  prinem ai kun ding kata na kanu kawa ni gaw hpaji hkum sharin sa nu nu wa ni hte bl sa garum rit ngu na Kanu Kawa ni nrai nga ai

Dai hta langai sadi shadum mayu ai gaw, Gumhpraw ngu ai gaw, ramma ni hpe jahten sharun ya chye ai kaw lawm nga ai,  dai majaw sak naw ram ai ten ni, hpaji hkaja na ahkaw ahkang lu nga ai ni gaw, bawng ring nga ding yang rai nga ai bawnu atsam ni hte, laika hpaji machye machyang ni hpe kaja htum shakut hka ja gring nga ga ai

Prat magam a majaw, jawng le nna shakut shaja ra ai ni gaw, shanhte a sak prat ntsa, ang ai shara hta masha hpan hkum hte hkrum katut nna, nga pra taw nga ra ai majaw lata kaw gumhpraw ni lu yang, makau grup yin nkaja wa ai majaw, hten za mat ai ni hpe, jawng kata na jawng ma ni  hpe mu nna, shanhte hta ja gumhpraw lu nna ndai zawn pyaw lu ai re nga nna myit la ai ni mung naw nga nga ai, ngai mung shanhte zawn gumhpraw lu yang shanhte zawn pyaw na ngu nna, kanu kawa nchye hkra amyu myu gumhpraw tam nga ai ni mung nga nga ai shanhte ni a hten za lam langai kaw dai ja gumhpraw ahkyak madung kaw shang lawm nga ai .

Dai hpang tsang langai bai jat wa na, myit sawn lam ni tsaw wa na,kung hpan wa ra na hta, nkaja ai lam hte hpang ai majaw, myit sawn lam ni mung nkaja ai maga gru law wa nga ai hpe mu lu ai, shanhte ni hpaji nchye tim gumhpraw lu tam ai ngai mung hpa ji sharin nna hpa galaw na shanhte ni zawn sha gumhpraw tam na matu sha nre i ngu ai myit sawn lam ni shang wa chye nga ai, dai majaw tsawra ai ramma kanau kasha ni tinang hkum nan hpaji lam hta, n gun yawm taw yang, kadai wa sa nna, shading ya lu na nrai nga ai, madu hkum nan sha, madu a, li hkang ai wa ngu ai ga hte maren, tinang a sak prat hpe tinang sha, nsam chya ra na, tsawm hkra chya yang mung madu sha, ntsawm hkra chya yang mung tinang sha ngu ai hpe galoi mung dum nga ga ngu n gun jaw mayu ai.

Hpaji chye ai ni gaw, dum lahkum kaw dung let galaw, shahte rai yang jan ja marang htu  katsi kahtet, li la ai lam ni gun hpai rai lam ni hte shing daw yu na mung tsun mayu ai, hpaji chye ai nchye ai lam gara shara hta shaga ai ngu hpe tsaw ra ai ramma ni hpe grau grau mu mada wa shangun mayu ai.

Dai majaw tsawra ai ramma ni hpe, hpaji lam hpe manu shadan ahkyak la sa wa ga, tsang ninggam ngut nna, bungli mahkrun de shang wa ai ten ni hta mung, bungli kaw na jaw ai machye machyang lam ni hpe hka ja dingyang shakut nga sa ga. dai zawn sharin hka ja da sai lata ni hte anhte a htawm hpang a mungkan ga hpe grau tsawm htap wa hkra nsam tsawm tsam hte chya wa saga, hpaji nchye nna, shat nngat ai lam jaw nga tim, galaw ra ai magam bungli ni, sari shabrai ni gaw, sau hte hka zawn shai nga ai hpe dum hprang ra nga saga ai.

Mai gan sa nna, bungli galaw nga ai ni, shata mi hta, sen mali manga lu ai sha mu ma ai, shanhte ni kade ram dai hte lu na matu, bungli galaw ra ai shanhte hkum shanhte chye dik rai nga ai, dai shara hta, mahcye machyang hpaji ni grai law hkra garan gin hka mat wa na rai nga ai.

Dai majaw tsawra ai ramma ni htawm hpang tsawm htap na matu, hpaji kaja ni sharin hkam la nna, tinang hte, tinang a mungdan hpe mai kaja tsawm htap hkra hkrang shapraw sa wa lu ai ni tai wa ra nga ga ai ngu n gun jaw let

#youth

#rvakachinservice