Hpa Majaw Nlu Yup Ai Kun?

Phone bungli galaw na matu, n-gun bang ra ai zawn, nang mung kaja htum byin nga na matu yup hkru ra ai

 Hpa majaw yup n lu ai kun?

Lahta hta tsun wa ai akyu ni lu na ngu tsun da tim, ramma law malawng gaw ra kadawn ai daram hkru hkra n yup la ma ai.

“Sara gaw jawng ma ni hpe galoi aten hta yup ai kun ngu san ai. Law malawng gaw jahpawt hkying 2 da. Nkau mi gaw hkying 5. Marai langai sha hkying 9:30 ngu tsun ai.”hpe na lu ai. Dai hta myit yu hpa langai gaw,

Gara lam ni gaw nang hpe yup n lu shangun ai kun? dai ni ramma ni myit yu hpa nan rai nga saga ai. Ndai hpe ahkyak la nna mung myit sawn hkan sa yang teng sha ngwi pyaw hkam kaja let Covd ana kaw na mung lawt lu na rai nga ai dai hta,

Masha nga pra lam hpe yu yu yang.. “Yup tung du hkra aten shama na matu grai loi ai. Grau nna gaw, manang ni hte shana sa wam hkawm ai shaloi re.”​hpe mung mu lu ai bai,

Lit ni nga nga ai hta. “Yup ai hpe ngai ra ai. Raitim, galaw ra na grai law ai majaw, yup n hkru ai.”​—ngu ai lam ni mung lawm nga ai.

Ladat hpaji ngu bai myit yu yang. “Ngai n lu yup ai madung lam gaw phone a majaw re. Yup ra hta phone n lu yu yang, n chye nga ai.”​—ndai masa lam gaw ya na ten hta ramma ni a lapran yup nlu ai yup nhkru ai mang hkang kaba nan rai nga ai hpe mu chye nga ga ai re, ndai mang hkang lam hta lawt lu na matu,

 Grau lu yup hkra gara hku galaw na kun?

• Yup ai hte seng nna na a ningmu hpe jep yu u.  Yup ai gaw ra nan ra kadawn ai lam re. N yup la yang, bungli hpe atsawm n lu galaw ai. Ban sa la tim pyaw na n re.bai tsawra ai ramma ni e,
• Yup n lu ai madung lam ni hpe ginhka chye ra ai . Ga shadawn, shana hta manang ni hte kanawn chye ai kun? Nta bungli ni, jawng laika ni galaw ra na grai law ai ngu hkamsha ai kun? Phone a majaw yup hpang hkrat ai, shing nrai, phone a majaw hprang wa ai ni nga ai kun? dai hta,

Myit yu na lam gaw: Yup n lu ai na a madung lam hpe tawt lai lu na matu aten la ra tim, akyu nga ai

Marai langai hte langai yup pyaw hkra galaw ai lam gaw n bung ai. Ga shadawn, nkau mi gaw shani hta chyahkring mi yup la ai gaw shana hta grau yup pyaw lu ai. Nkau mi chyawm gaw shani hta yup la yang, shana hta n lu yup mat ai. Na a matu kaja htum hpe galaw u. Lawu na lam nkau gaw karum ya lu na re:

• Hkring sa na matu aten la u. Yup ra n shang shi yang, shawng hkring sa la yang alawan yup pyaw lu ai.

“Nta bungli ni, kaga lit ni hpe jau jau galaw ngut da yang, yup ra shang ai shaloi dai ni hpe myit n tsang ra sai.”​

• Tinang a masa hpe lajang la u. Byin nga ai masa lam ni hku sha n hkang ai sha, yup hkru na matu ra kadawn ai aten hpe lajang la u.

“Ngai gaw shana shagu nayi hkum 8 yup la ra ai. Dai majaw, jahpawt jau jau rawt ra ai nga yang, shana hta jau jau yup ai.”​

• Yup ra shang ten bung nga na matu shakut u. Hkum hkrang na nayi hpe shaman da yang she akyu nga na re. Shani shagu yup ten, rawt ten bung nga na matu hpaji du ni gaw matsun jaw da ai. Shata mi daram shakut u. Gade daram kaja mat ai hpe yu yu u.

“Shana shagu yup ai aten bung ai nga yang, hpang shani hta myit asan sha rai nga na re. Dai gaw nang galaw ai lam shagu hta akyu jaw lu ai.”​

• Na a nga sat nga sa mung rap ra nga u. Chyum Laika hta “sadi sahka” ai akyang nga na matu tsun da ai. Dai hta bansa lam mung lawm ai.​—
• Shana de hkan, kanawn mazum ai lam ni hpe shadawn sharam galaw chye wa ai. Ban sa ai lam hpe n sharam yang, lama ma gaw hkra machyi ai. Law malawng gaw yup n hkru ai re.”​—
• Na a phone mung “yup” u ga! N yup shi yang, yawm htum hkying hkum langai daram tau nna, Internet hta tam yu mayu ai myit, manang ni hpe yup tung hta laika sa mayu ai myit ni hpe ninghkap u. TV, phone, electronic jak rai ni kaw na pru ai wan gaw yup pyaw na matu yak chye ai ngu hpaji du ni tsun ma ai.

“Masha ni gaw nang aten tup, rau nga na matu myit mada ma ai. Raitim, yup hkru na matu phone hpe n mai lang ai.”​—