Hpa Hpe Nnan Hpang Galaw Ra Na ( Youth Program )

Hpa Hpe Nnan Hpang Galaw Ra Na

Awng dang mayu ai ni galaw sa ra na, lawm lam ni gaw, kade ram mi law nga tim, shawng nnan hpang nna, galaw ra na lam yan gaw, “ Awng Dang Mayu Ai Myit ” shawng nga taw ra na ahkyak la nga ai, dai hku tsun yang, awng dagn mayu ai she nga yang gaw, awng dang mayu ai myit nnga na nga na i ngu san nga nga wa ai.

Awng dang lam hte, awng dang mayu ai myit ngu ai lam gaw, garan nlu hkra kap bung nga ai lam yan langai rai nga ai, rai yang, awng dang mayu ai myit langai gaw, masha shagu hta nga nna, masha shagu gaw dai awng dang lam hpe hpa  majaw nlu la nga ai kun? Ndai ga san a mahtai  kaw na sha masha shagu, sut su ai ni nlu su ai ni, awng ai ai wa n awng gang ai wa ngu ai, nhtan shai ai lam ni hpe byin pru shangun ai lam sha rai nga ai, kaja wa nga yang, awng dang mayu ai myit ngu ai ga hpe, katu ai myit nga ai n nga ai ngu ai gaw, shinggyim masha ni a nem ai tsaw ai ngu ai rip kawp ni hpe mung byin pru shangun nga ai re.

Nkau gaw awng dang mayu ai, lu su mayu ai ngu n-gup aga kaw na  jahkring hkring tsun taw nga taw tim, tatut galaw sa ai lam gaw, tsun ai daram n galaw ai rai yang, dai wa gaw, awng dang lam hpe lu la mayu ai myit katu nga ai ngu nmai tsun nga ai, dai ra sharawng ai lam hta katu ai lam n-nga ai wa gaw, kaning re ai magam bungli hpe galaw galaw,  tsaw dik ai shara hta galoi du wa lu na nrai nga ai, hpa majaw nga yang masha gaw, tinang byim mayu ai lam langai galaw lu na nga yang, sharawng awng ai lam nga ai hte gawng shingyan hpring tsup ai ngu ai npawt lam yan lahkawng nga na ahkyak la nga ai, dai lahkawng kaw na langai gawngkya nga yang, tinang myit mada da ai masa lam langai de du wa na matu mung nloi nga ai. Dai lahkawng kaw na mung, hkum gawng shingyan hpring tsup na hta, myit marai katu lam nga na grau ahkyak nga ai. Hpa majaw nga yang, nsam gaw galaw sa ai lam ni a majaw re hte, myit gaw, galaw  ai lam nre sha, myt kaw na galaw shangun ai lam ni a majaw  nsam gaw, galoi mung shatsawm ya nga ai lam rai nga ai

Dai hku nga yang, awng dang mayu ai myit nga ai lam ngu ai mung, myit kaw na byinpru wa ai lam langai re ai majaw, katut ai lam ni hte byinpru nga ra na lam yan langai rai nga ai bai nkau gaw, awng dang rawt jat mayu nga ga ai, raitim, awng dang ai wa langai hta nga grin ai ningja ni, galaw sa ai lam ni nnga nga ai hpe mu ai, nkau bai rai yang, hkan sa galaw nga ai, raitim mung shading hpring galaw sa ai lam nnga ai, dai zawn re masha hpe mung, awng dang  mayu ai myit nga ai wa ngu nmai masat nga ai

Awng dang mayu ai ni gaw ga hkum langai hpe majoi joi ntsun shapraw nga ai, tinang tsun ai ga hpe madu hkum nan hkan nang galaw sa ra na rai nna tinang tsun ai ga hpe mung hpring tup lit la lu ai wa rai ra nga ai hpe tsun dan mayu ai, tinang tsun ai ga hte, tinang galaw sa ai lam ni nbung ai lam gaw, awng dang lam a masa lam yan langai rai  nna, awng dang mayu ai myit nkatu nga ai majaw mung mai byin nga ai awng dang lam ngu ai lam hpe lu madu na matu, katu ai myit hte, tinang a myit hta dai lam hpe lu la na matu, lu la ai lam yan ni galaw na matu, tinang a bawnu hta nga taw ra na rai nga ai.

Tatut hta galaw nga ai bungli langai hpe mai kaja dik byim hkra nlu galaw ai wag aw, dai bungli hta galoi mung awng dang ai masha langai byim wa na nrai nga ai hpa majaw nga yang, nkau gaw, tinang a tatut galaw shakut nga ai magam bunlgi hpe, tsawm htap, ngang grin, maikaja dik hkra galaw lu nga taw tim, mai byim ai hku sha galaw chye nga ga ai bungli Langai hpe, lam yan masa jaw jaw, ngalaw ai masha langai hku, tianang galaw ai magam bungli hta laga wa a kam ai lam ni hpe lu la na matu mung nmai byin nga ai re. Bungli ngu ai gaw, shawa hte seng ai magam lam ni re ai majaw, laga wa ni gaw, kam ai lam nnga taw ai nga yang, tinang hkrai gaw shawa hte seng ai bungli ni hta, awng dang lam lu na matu gaw, gara hku mung nmai byin nga ai dai majaw, masha law law a, kam ai lam hpe lu la na matu, tinang galaw nga ai magam lam hta  mai kaja dik byim hkra galaw shakut ra na rai nna, mai kaja dik galaw sa ai lam langai lu galaw na matu nga yang, tinang a myit kraw lawing hta jet ai awng dang mayu ai myit nga taw ra na mung ra nga ga ai

Dai hta lam yan shagu hpe, myit hpaw, na hpaw tawn da na mung ra ai, laga w ani ndai lam yan hta, awng dang hkra gara hku galaw shakut nga ma ai kun, hpa majaw awng dang lam hpe lu madu da ma ai kun, gara lam yan masa ni galaw yang awng dang hte tsang taw nak un ngu zawn re ni, awng dang mayu ai myit hpe ja ja hpaw tawn da ra nga ga ai, sha tim, ndai myit, hkawm tim ndai myit ngu zawn re hte awng dang mayu ai myit nga ai hku nga sa, galaw shakut ra nga ai dai zawn, awng dang mayu ai myit hte, sadi nga sa ai rai yang, ahkaw ahkang ni hpe mung, sadi da chye nga na sha rai nga ai, bai ahkaw ahkang ngu ai gaw, dai hku dung let, la let sha gaw, du wa na nrai nga ai, tinang awng dang mayu ai magam lam ni hpe, ladat jaw jaw galaw sa ai lam hte, du wa chye ai lam yan langai rai ai majaw rai nga ai dai zawn ahkaw hkang ni lu na matu, sadi let nga sa ai akang nig aw, awng dang mayu ai a katu ai lam nan rai nga ai, langai hku tsun ga nga yang, galaw grin ai lam ni hpe galoi mung galaw sa byin hkra ganawng n gun jaw nga ai awng dang mayu ai myit nan rai nga ai.

Raitim, awng dang lam langai hpe lu madu na matu, galaw grin ai lam ni hpe  awng dang mayu ai myit nig aw ganawng n gun  jaw chye ai zawn, n galaw grin ai lam ni hpe koi gam na matu mung awng dang mayu ai myit gaw sadi jaw chye nga ga ai re. gara lam yan ni hta mung, kaja ai nkaja ai gaw gaprawn nna byim pru chye nga ga ai awng dang na ban dung ngu ai lam mung, kaja nga yang, dai kaja ai nkaja ai lam ni a lapran hkawm sa let la la ra ai lam langai mung rai nga ai dai hta yak ai langai gaw, anhte masha law malawng hta, nkaja ai lam ni hpe galaw sa na matu nga yang, galaw s ana myit shang sha ai lam n gun grau law chye nga nna, kaja ai lam langai hpe galaw na nga yang, langyan taw chye ai hpe mung ndai shara kaw mu mada lu ai.

Ndai magam bungli hpe galaw dat ai lam gaw, akyu ara nnga aten jahtum byim wa na re ndai galaw yang ngai myit mada da ai awng dang lam ni hta madi shadaw ya lam nnga, nye awng dang lam hpe pi hkra machyi wa shangun ai majaw n galaw ai kaja ai ngu ai ningmu kaja ni mu chye na ra nga ai dai zawn sadi sahka nga chye ai nig aw, awng dang mayu ai myit nga ai ni hta makawp maka chye nga ai hpe mung mu lu ai, madu hku nkaja ai lam ni ngalaw hkrup koi gam ai lam gaw, ahkyak la ai lam yan langai rai nna, awng dang lam hpe lawan ladan du wa shangun lu ai lam yan langai re hpe mung chye lu ai dai majaw, awng dang lam hpe ra kadawn ai nig aw, dawng dang mayu ai myit hta katun ga let, awng dang na lam yan ni de magam bungli ni galaw sa na ra nga ai zawn awng dang lam hpe hkra machyi na lam yan ni ngalaw hkrup na mung ran ga ai hpe shadum ya mayu ai, dai zawn nkaja ai lam ni hpe nglaw hkrup na maut, kaja ai lam hpe galaw hkrum na nga yang, tinang a kraw salum, bawnu ni hta, galoi mung awng dang mayua I myit masa ni  shanu nga hkra galaw sa ra na ran ga ai, hpa majaw nga yang, dai awng dang mayu ai myit nnga ai nig aw, galoi mung awng dang lam hpe lu la lu na nre ai majaw rai nga ai.

#youth

#rvakachinservice