Hkrat Sum Mat Ai Kaw Na Awng Dang Ai Lam De

Shiyinggyim mungkan hta shanu shingbyi nga ai shyinggyim masha ni gaw, shani shagu seng ang ai lit magam bungli ni hpe, yak hkak hkrum let, shakut hkawm sa let, sak hkrung nga ga ai re, htawm hpang hta, mai kaja lam ni teng sha lu na matu, myit mada let, ngyan marai, machye machyang, wenyi lam ni lak lai mai kaja wa na matu, kyang lailen, atsam  marai,  hkring htawng yawng hpe hka ja ra nga ai

Hpaji hkaja sharin hkam la nga ai jawng ma ni sha n ga, pu kan a matu, tam sha shakut hkawm sa nga ai msha ni yawng nngam, htawm hpang a matu, hpaji machye machyang, jan mau langai ngai ningtawn ai hte jum tek da lu na matu, shakut nga ga ai Ya tatut aten ladaw hpe akyu nga nga jai lang let, hprawtsawm, htoi kabrim wa na nhtoi nnan langai hpe myit mada let shakut nga ga ai, ndai zawn yak hkak jam jau let, shakut hkawm sa nga tim, nkau mi gaw, awng dang lam a asi apu hkam sha nga ai ten, nkau bai rai yang dai awng dang lam ni hte shai mat nga ding yang hte awng dang lam a matu  shakut nga ding yang rai nga ga ai.

Nang sharin hkamla hka ja ai ladat shai nga ai lam, hka ja ai lai ladat njaw nga ai ni a majaw, myit mada da ai awng dang lam hpe nlu nga ai sha, hkrat sum ai lam de nmyit mada yaw shada lam nnga ai sha, du mat ai ni mung nga nga ai. raitim, kam maka a garum ai a majaw rai rai, madu hkrai shakut ai a majaw mi rai rai, awng dang lam hpe lu madu ai ni mung nga nga ai re Ndai zawn hkrat sum lam hte hkrum sha nga ai ni a matu, shut ai hku myit daw ai lam ni hte hkrum sha nga ai ni a matu, atsam nnan lu na matu shakut ra ai hte, dai zawn re manang wa hpe n gun jaw shading sharai ya ra ai, Myit pyaw na matu, myit n gun n nan bai lu na matu, n gun jaw ra nga ai dai zawn tsun yang, gara lam yan ni hte myit n gun shatsaw ya lu na i ngu ai ga san ni myit sawn hpa rai wa nga ai, madu hkum nan mung sadi sahka sawn sumru nna, dai shut ai lam ni kaw na, mahkrum madup la chye ra nga ga ai  Dai hta, tsawra ai ramma ni hkrat sum lam kaw na awng dang ai lakang de lung wa lu na matu,ra kadawn ai hkam la lam nkau mi hpe tsun dan mayu nngai.....

1.Hkratsum ai lam gaw nang hpe Sum Mat Ai Masha ngu tsun mayu ai nrai sha,nang hpe N awng dang shi ai wa  ngu sha tsun mayu ai lam rai nga ai.

2.Hkrat sum ai lam gaw,nang hpe, Hpa mung ngut kre ai lam nnga ngu tsun mayu ai nrai nga ai lam yan langai sharin hkam la ngut sai ngu nna tsun mayu ai lam rai nga ai.

3.Hkrat sum ai lam gaw,Nang hpe Mana langai ngu tsun mayu ai lam nrai nga ai nang hpe, Kam ai myit law law rawng nga ai wa ngu nna tusn mayu ai lam she rai nga ai.

4.Hkrat sum ai lam gaw,nang hpe, hkungga n gring ai wa ngu tsun mayu ai lam nrai ai sha, shakut na matu, myit marai rawng ai wa ngu tsun mayu ai lam rai nga ai.

5.Hkrat sum ai lam gaw, nang hpe, gai kaja ai lam yan nnga ngu tsun mayu ai lam nrai ai sha, nang hpe, laga lam yan masa nkau mi nga nga ai ngu ai lam mung rai nga ai.

6.Hkrat sum ai lam gaw nang hpe, grit nem ai wa, akyu nrawng ai wa ngu tsun mayu ai lam nrai nga ai nang hpe, Hpring tsup na matu, n gun atsam ni hpring nga ai wa ngu mayu ai lam rai nga ai

7.Hkratsum ai lam gaw, nang hpe, sak prat hpe, akyu nnga jai lang kau ai wa ngu tsun mayu ai nrai sha, nnan hte kalang bai hpang na matu, katu nga ai wa ngu tsun mayu ai lam rai nga ai

8.Hkratsum ai lam gaw,nang hpe, asum jaw kau gring ai ngu tsun mayu ai nrai ai sha, grau nna shakut na matu sha yaw shada ai ngu hkam la chye ra nga ai.

9.Hkratsum ai lam gaw,nang hpe, nang gaw ndai lam yan hpe galoi mung bai galaw sana nrai nga ai ngu tsun mayu ai nrai ai sha,nang hpe shawoi hta grau nna, aten la ra na, aten jaw ra na ngu mayu ai lam mung rai nga ai hpe hkamla n gun la chye ra ai.

10.Hkrat sum lam gaw nang hpe, Karai kasang gaw nang hpe kabai kau da nga ai ngu nhkam la ai sha, Karai kasang kaw ap da n gun la ai lam gaw, grau nna mai kaja ai ningmu ni lu na matu re ngu hkam la shakut sa wa ga

Jahtum hku nna tsun ga nga yang, karai kasang gaw,nang hpe tsawm htap ai shinggyim langai zawn bai sak hkrung lu na matu galoi mung ra sharawng ai wa rai nga ai hte myit mada nga ai re, kaja wa nang gaw, Ngai gaw, karai kasang yaw shada ai masha langai mi rai a hka ngu ai myit la hkam la chye ai wa, dai machye machyang langai lu mat yang, zim sha lu nga na nrai nga ai, Karai Kasang gaw nang hpe tsawm htap ai mai kaja ai yup mang shingran langai mang nga ding yang rai nga ai, dai majaw karia kasang hta amu magam yawng ap da let gun hpai galaw shakut sa wa ai rai yang, madu hkum kam ai lam ni mung grau rawng wa nna, dai kam ai lam hpe manoi manat let sak prat a magam bungli ni yawng awng dan ai ramma ni law htam wa lu u ga ngu yaw shada let,