Hkrak Re Awng Dang Mayu Yang Gwi Gwi Galaw  U

Hkrak Re Awng Dang Mayu Yang Gwi Gwi Galaw  U

Sak prat hta, sum ga yang, sum nga yang, sum na hkrit nga ai Tsawra ai Ramma ni hpe n gun jaw mayu ai.

Kaja nga yang, asum ngu ai gaw, kadai hte mung nlawt lu nga ai, raitimung asum hpe hkrum kadup ai lam yan ni, shai hkat ai hte, awng dang ai wa hte, hkrat sum ai wa ngu garan gin hka nga mat ai lam rai nga ai, dai majaw asum hte hkrum wa yang, gara hku myit masa ni hte bai gaw sharawt lu hkra shakut ra na ngu ai myit marai n gun jaw lu ai hte, kaja wa sha tang du ai lam yan nkau mi hpe matut tsun dan mayu nngai

Ndai asum ngu ai hte hkrum wa ai ten, myit marai nhkrat mat ai sha, asum ni kaw na lawan dik ai hku bai rawt tsap let tinang lu mayu ai bandung de du hkra sa chye ai ramma ni byin tai shangun mayu nngai dai hta shawng nnan e tsun shadum mayu ai lam gaw,

Sum na hkrit nna, hpa lam hpe mung gwi gwi dawdan n galaw gwi ai lam…. Sum na hkrit nna hpa hpe mung gwi gwi n galaw gwi ai lam gaw kaja nga yang kaba la ai myit dan bungli langai mung rai nga ai, ndai ram galai shai nga ai sak prat hta, hpa hpe mung gwi gwi daw dan nna, n galaw na nga ai lam gaw, hkrat sum na matu law ai lam yan rai nga ai hpe myit dum lu ai dai hta gwi gwi ndawdan nna,hkrat sum mat ai lam ni kade rai nga sai kun bai myit sawn sum ru shangun mayu ai dai majaw tsawra ai ramma ni hpe tsun mayu ai gaw, magam bungli bung nga tim, mabyin masa hte, ahkying aten yu nna, gwi gwi daw dan lu ai ni gaw galoi mung grau ai akyu hpe hkam sha lu nga ai, duk shamak gwi gwi dawdawn shangun ai lam mung nrai nga ai htawm hpang hta hpa ni galai shai mat na, lai sai ten na hte ya na masa lam ni hp ani galai shai nga ai kun, ya ya hta hpa shiga ni nga ai kun, prat hpe lahkam dep hkra yu let, nkau lam yan ni hpe gwi gwi dawdan ra ai lam ni law law rai nga ai hpe tsun mayu nngai re.

Awng Dang Nga Ai Ni Gaw, Sum Na Nhkrit nga ai hpe mu lu nga ai. Tsawra ai ramma ni, awng dang ai nig aw hkrat sum na nhkrit nga ma ai, raitimun hkrat sum nga ai nig aw, dai asum hpe hkrit nga ma ai, asum ngu ai lam gaw, awng dang na lam a kau chyen shang lawm nga ai lam mung rai nga ai, sum na hkrit nna hpa n galaw na na yang gaw anhte myit mada la nga ai awng dang lam ngu ai mung lu madu wa na nrai nga ai

Bai shut ai lam ni hpe gwi gwi yin la ai wa… Shut ai lam ni hpe, gwi gwi hkap yin la ai wa gaw share shgan myit nga ai wa rai nga ai, dai shut ai lam ni kaw na mahkrum madup hpaji la nna, akyu ara hkam la hkra galaw lu ai wa gaw byin ai ram ai masha nan rai nga ai, sut ai lam ni kaw na jaw hkra sharai lu ai wa gaw kaja wa myit marai ngang kang ai wa rai nga ai

Tsawra ai ramma ni Sum Ai Ngu Nnga nga ai…. Kaja nga yang, mahkrum madup ni hte, dai lam ni hpe tinang gaw gara hku hkam sha nna, gara hku bai nhtang ai ngu sha nga nga ai re, asum ngu ai gaw, tinang hkrai masat ai kaw sha pru wa ai rai nga ai kaja tsun ga nga yang, asum ngu ai gaw, ngwi pyaw hkam kaja na matu lu ra ai tsi hka langai zawn sha rai nga ai, raitimung madu hkum madu rawt tsaw wa na matu nga yang, dai tsi hka hpe apyaw sha lu ra na rai nga ai

Bai anhte ni yawng tsun ai Awng Dang Ai Lam ngu ai gaw, asum langai kaw na asum langai hpe tinang a myit n gun atsam marai ni nsum mat wa shangun nna, hkawm sa lu ai atsam marai rai nga ai, kalang sha hkrat sum ai hte , bai htingnut mat sana kun, myit daw mat na matu rai nga sai kun hpang kalang bai rawt tsap na matu n gwi nga sai kun, asum dam ni hpe hkam jan lu magang awng dang lam law law lu la magang rai nga ai hpe kahtap nna shadum mayu ai bai galoi mung ngai sut ai lam langai ngai hpe galaw hkrum sana kun ngu let hkrit tsang nga ai lam gaw nang a prat hta kaba la ai shut ai lam rai nga ai hpe mung tsun mayu ai.

Galaw Ga Ai Lam Ni Hpe Sha Galaw Nga Na nga yang, lu ga ai lam ni hpe sha lu na rai nga ai, kalang marang shawoi galaw sa ai lam ni kaw na, laga mai kaja lam de myit nchyan shaw let lam yan nnan de hkawm sa galaw ai rai yang gaw ngu myit sawn yu ga ai kun, masha ni galaw nga ai zawn galaw yang masha ni zawn sha byin na rai nga ai dai kaw na madu hkum madu nbung ai myit sawn lam ni hte nbung ai awng dang lam ni du wa hkra shakut lu ai ramma ni byin tai wa hkra shakut ga

Dai majaw shakut hkawm sa ai hta, shut na hpe hkrai hkum hkrit shut ai lam nnga na rawt jat wa ai ni nnga nga ai ya ten awng dang nga ai ni yawng gaw, lai sai ten hta, shut lai wa ai a majaw hkrai rai nga ai dai majaw shut na kun jaw nak un ngu ai hpe hkrat chye mayu yang gwi gwi galaw u ngu tsun shadum dat let,

#youth

#rvakachinservice