Grau Kaja Wa Na Hpawt De Na Ninghtoi

Grau Kaja Wa Na Hpawt De Na Ninghtoi

Lai sai ten na shakut shaja lai wa ai kaw na asi apu ni paw pru wa ai, ya tatut galaw nga ai lam ni gaw, hpawt de na ninghtoi ni hta si si wa na lam hkrai rai nga ai Tsawra ai Ramma ni Cake muk galaw ai lam hpe shingran yu yu ga, shi kata hta shanglawm ai lam ni, bang ra ai lam ni law law rai nga ai, ga shadawn jumdwi, udi, manam pyaw ai baw ni, lawm ra ai ni law law hpe gawm langai hta sha mu na matu gayau dat ai lam hpe shingran yu ga, nkau shara hta, jumdwi shadang law yang law na, nkau hta bang da ai namsi ni nkau shara hta law yang mung law chye nga ai re anhte a sak prat hkrun lam mung dai zawn sha rai nga ai nang a sak prat shang lawm seng ai lam ni ya tatut mabyin hpe sha yu yu dat yu u, mahkrum madup ni hte gumhpawn da ai lam rai nga ai Dai hta grau n gun ja ai lam ni gaw tiinang hpe ga up na sha rai nga ai nang a myit mada shara ngu ai mung, lak san atsam langai hta pawng bang da ai lam rai nga ai dai gaw, shakut shaja ai lam atsam marai ni hpe gumhpawn galaw shakut nna, hpang jahtum na ten hta pawpru wa na lam yan sha rai nga ai, hpa paw pru wa nak un ngu ai hpe gaw, shakut shaja ai lam ni kaw na n gun kaba dik re ai lam langai ga up da ai lam kaw madung da paw pru wa na mung rai nga ai Dai majaw tsawra ai ramma ni, shakut shaja ai lam law law hta, nbung ai yu jut ni kaw na yu yu dat u, nang a myit maju jung ai lam gaw, grau kaja ai myit sawn hkam sha lam a ntsa, myit maju jung da yang grau kaba n gun ja ai gumhpawn lam langai hpe nang myit gang la lu na teng sha rai nga ai hpe mung shadum n gun jaw mayu ai law.

Ngwi pyaw lam hpe sha yaw shada myit maju jung da yang dai lam kade nna yang hpring tsup wa na sha rai nga ai mang hkang ni a ntsa myit maju jung nga yang gaw, nang dai mang hkang ni hpe sha ten tup hparan ra na rai nga ai, nang a hpawt de ngu ai ninghtoi ni hpe grau kaja wa lu ai lam ni hte nsak hkrung mayu nga ai kun ngu ndai shara kaw tsawra ai ramma ni hpe san mayu ai, dai hta nang hpa hpe mi lu mayu mayu ndai lam yan a ntsa myit maju jung ai lam gaw hkrak aten jaw ra na re, shana yupra shang na ten shagu hta ten kadun la nna, akyu hpyi n gunla let nang ra sharawng ra kadawn ai lam yan hpe myit maju jung da let myit sawn sumru hkrang shapraw yu u ngu nna mung tsun mayu nngai law. Nang a myit maju jung lam hpe, nang myit mada tawn ai lam, tawtlai ra na lam ni a ntsa myit maju jung da lu yang nang a shakut shaja ai atsam ni hpe atsam sha htinghkang lu sai mung rai nga ai, tsawra myit, ngwi pyaw ai lam ngu ai ga si ni hpe pawng hpawm dat ai a marang e nang a yaw shada lam de saw a na ganawng n gun ni mung wang lu wang lang re ai masa lam hku hkawm sa wa lu na teng sha rai nga ai, ndai zawn myit maju jung lu ai lam atsam tsaw wa ai hte rau nang a nang byin mayu ai lam a lapran hkawm sa ai lam ni ni wa lu na rai nga ai dai hta ahkyak ai ra kadawn ai lam gaw mai kaja ai myit sawn lam ni pawpru wa na matu nang a katu sharawng ai lam hpe hpaw tawn da na gaw hkyak dik rai nga ai ngu nna mung shadum n gun jaw dat mayu ai law. Bai nang a hkumhkrang hta mung jahten sharun chye ai myit sawn lam ni shang wa ai ten hta, ndai gaw nang byim mayu ai lam ni hpe n byin wa hkra ninghkap taw nga ai hte mung bung nga ai, dai zawn re myit sawn lam ni hpe shaning law law na hkra myit sawn ga nga tim, ya dai ni dai na kaw nag aw ndai myit sawn lam ni hpe tawn kabai kau let mai kaja lam ni hpe sha myit sawn let hkawm sa shakut ga ngu na mung n gun jaw mayu ai Nang myit sawn lu ai daram, nang ra sharawng ai ngwi pyaw simsa lam ni, awng dang ningtawn lam ni hpe tam sa wa let, nang a myit maju jung lam hpe dai lam ni a ntsa myit maju jung lam tawn da let thing hkang lu na nga yang, lani mi na ten tatut hkamsha lu wa na teng sha rai nga ai ngu n gun jaw shadum dat let,

#youth

#rvakachinservice