Chi Hpwi Jau ginwang Up Wa Jau Tang Gun hte Hkrum Shaga ai Lamang

"Chi Hpwi Jau ginwang Up Jau dung ai Chi Hpwi myo na Nawku jawng gaw Hpun pyen hte sha galaw da ai rai nna,shaning manga shi (50) ning jan sai,grai mung tsam sai,shadaw ni hpe mung grai lang daw matut galai sai daw sha hkrai hpring rai sai.Ya Nawku Jawng nnan bai gaw gap nga ai raitim mung ginwang up jau dung ai Chi Hpwi myo hta yi sun hkauna galaw sha let dai ni tam dai ni sha re ai hpung htinggaw sumshi (30) jan sha nga ai majaw Nawku jawng gawgap la na matu grai shakut ra nga ga ai."

Fr.Peter Ungsau Tang Gun