Bungli Magam Hte Sharin Dabang Ni ( Youth Program )

Jobs Nad Training

 

Ya ten hta, company ni gaw,shinggyim atsam rudi bawng ring rawt jat na matu, magam dap amyu myu kata, sharin dabang ni galaw ya ai, ningtawn ai magam gun ni hpe, maigan de hpaji sa sharin shangun ai zawn re ni, galaw chye nga ga ai. Dai zawn sha, magam dap kata na, ramma ni mung, magam dap nshang shi ai ramma ni mung, sharin dabang amyu myu lung nga ga ai. Jahpawt kaw na nsin du hkra, yawng gaw, sharin ai lam, sharin hkam la ai lam, mabyim amyu myu hte, sak hkrung ga ai re. Ndai hta, sharin dabang ni, tang du ai i ngu ga san hpe, tinang hkum nan san jep yu na ra ahkrak nga sai lam hpe shadun mayu ai

Shawng nnan, company ni hku nna, magam gun ni hpe, sharin dabang langai jaw ngut shagu, magam dap hta, kade ram jai lang mai ai, lai wa sai ten ni hta, gara hku grau ningtawn wa sai rai ngu hpe. Shingdaw yu gring nga ai.Dai rai yang she lajang shajin da ai company a matu, mai kaja ai akyu ara ni hpe hkrang shapraw ya ai nya ai hpe chye lu na rai nga ai.Nkau sharin dabang hpan gaw, prat hta hkan nna, mying gumhkang ai lam, masha ra law ai lam ni a majaw, lajang dat ya tim, magam dap a matu, bai magam gun nga ai ni a matu mung, hpa lak lai lam nnga ai sarin dabang ni rai mat chye nga ai ni mung nga nga ai.

Bai langai gaw,bungli magam dap kata na ramma ni, tinang hkrai tinang sharin dabang lung ai shaloi myit yu na ra nga ai. Ya na zawn lung nga ai ramma ni law malawng gaw, yaw shada lam, myit mada lam ni nga chyalu rai nga ai. Tatut magam bnngli hta, grau kung kyang wa na matu yaw shada ai kun? Aya tsaw mayu na lung ai kun? Tatut magam bungli hta grau tsaw ai bungli magam langai hta, matdang tsaw ai aya langai hte, shang na matu, mahkrum madup hte, hpaji madang pawng na matu yaw shada ai i? prat magam ting a matu, nnga nmai ra kadawn lam ni re majaw lung ai kun? Ngu zawn re ai yaw shada lam ngang ngang kang kang masat nna, ya na zawn sharin dabang ni lung na matu ra kadawn nga ai re. Dai yaw shada lam hpe npawt da nna, sharin dabang lata nna hkawm sa ra na ra nga ai.

Bungli nlu shi ai ramma ni mung, bungli kaja lu na matu, bungli kaja lu na matu yaw shada let sharin dabang ni lung ga ai re.Computer hte English sharin dabang ni gaw, ramma shagu lung ai sharin hpan rai taw nga sai. Laga madung dat sharin hpan ni hpe lung na nga yang, atsawm hka ja sagawn na lung ra na rai nga ai. Bai ra kadawn nga ai atsam ningja ni hpe jahpring shatsup da ra na hpe madung da malap na hpe tsang let ramma ni hpe shadum ya mayu ai law. Nkau ramma ni gaw, sharin dabang lung nga let, tatut bungli shang na, ten htum mat nga ma ai mung nga nga chye ga ai. Sharin dabang hpan shagu gaw, gau ngwi ngwi madang tsaw wa tsaw ra, magam dap mahkrum madup hpe pawng dat na grau nna ra kadawn nga ai rai nga ai, nkau  sharin hpan ni gaw, tatut mahkrum madup nlawm ai sha chye na na matu, yak la nga ai re.

Masha shagu gaw, myit lawm ai lama ma hpra nga chyalu rai nga ai. Ndai zawn myit lawm hpa ni hte matut manoi ai let, hka ja shakut mayu ai ni hpe lung mayu ai ni mung, masha shagu a myit kraw hta rawng nga ga ai re. Raitimung, mabyim masa, ahkying aten a ntsa madung let, lata daw dan na amtu ahkyak madung rai nga ai. Myt lawm ai lam hte, magam bungli, bungpre na matu gaw, nloi la nga ai Maga mi hku bai tsun ga nga yang,tinang a prat magam, htuk manu tsawm htap ngut yang she, myit lawm hpa hpe, myit mi azim hkrang shapraw gring nga ai ngu n-gun jaw mayu ai

Dai majaw tsawra ai ramma ni, dai ni na anhte a prat gaw, galoi mung hka ja jahpring shatsup lu yang she, tinang a prat rawt jat galu kaba wa na matu lu lajang na rai nga ai. Dai majaw mung, manap jan pi npru shi ai ten kaw na, sharin dabang sa, magam bungli shang, shana daw bai sharin dabang bai lung, jan du lup yang she dum nta bai du wa ai gaw, myo kaba ntsa na shinggyim nga sat nga sa lam langai zawn rai wa nga sai re. Raitimung, mabyim masa, ahkying aten kaw hkan nna, mai kaja ai daw dan jahkrat lam ni hte, sharin dabang ni lata lung na matu ra kadawn nga ai zawn, company uhpung uhpawng ni hku nna mung, tang du ai sharin dabang ni lata lajang chye na ra nga ga ai ngu.

#youth

#rvakachinservice

Add new comment

19 + 1 =