Bungli Magam Dap Hta, Dinglun Wa Ai Ten, Gara Hku Hkam Jan Na.

Bungli hta, tinang lit la ai magam, n-ngut wa ai ten, tinang hkum tinang sha gaw, kaja dik ngu shadu hkam la let, raitimung dai lam hpe, bungli madu kaw bai tang madun ai ten hta, tinang rawt kalu kaba wa na matu, grau kaja hkra galaw na matu ra ai ngu shadu da ai lam yan ni, ra kadawn lam ni, bungli madu wa, tinang hpe, bai nhtang tsun na matu, jahpan galaw da ngut taw sai, dai zawn ra rawng ai lam ni hpe, madi madun katut nna, hkum myit daw mat, dai dinglun ai lam ni hpe,gara hku hkap la nna, tinang a bungli hpe kaja ai hte, gara hku galaw na ngu ai lam ni hpe hka ja yu ga,,,1. Tinang gaw, magup shagu hta hpring zup ai wa nre lam, hkap la da ra ai. Bungli n-nan galaw hpang ai ten, ngai gaw hpa mung shut na nre ngu myit da yang, tinang hkum tinang hpe mana galaw ai hte bung nga ai. Nang shut ai lam ni galaw hkrup na sha rai nga  ai, dai gaw mang hkang nrai nga ai, ahkrak ai gaw, dai shut ai lam ni kaw na,mahkrum madup la let, jaw ai hpe galaw na matu sha ra nga ai.\

2. Tinang a bungli hpe 2 lang nhtang jep yu u... Bungli magam ngut nna, yu reng ai wa hpe, tang n-madun shi yang, tinang a bungli hpe, shut shai lam n-nga hkra,sadi maja let, bai jep yu u, ndai zawn bai jep ai gaw, myit ru na zawn, shut ai lam ni hpe, kalang bai jep kau lu ai sha n-ga , kaji kajaw shut ai ni a matu, na a bungli madu gaw, nang hpe myit shuk lam njaw lu sana rai nga ai.3. Dinghkrai a matu, hkum hkam sha taw nga..... Tinang hte bungli galaw manang wa, tinang hpe madi madun tsun shadum wa ai ten, “ Harr...ndai wa gaw, ngai hpe yu nlu na, ( sh ) ngai hpe ndai bungli hte n-gring ai ngu ngai hpe shadu nga ai ngu ai zawn re ni, hkum myit nga. shi nang hpe madi madun ai lam ni gaw, nang ndai bungli hta, myit maju jung wa sia kun? nang dang di ai daram, mai kaja hkra, galaw sai kun? shi tsawm sha chye na na matu, shakut nga ai rai nga ai.4. Tinang lu la ai dinglun lam kaw na, ngai hpe hka ja sharin la lu mai na ngu lam hpe tinang hkum tinang bai san u, dinglun katut nna, nkam hkam ai lam ni kaba wa yang, bai pawt sin dawng lam ni kapaw le wa yang, ngai ndai lam ni kaw na, hpa hpaji lu la na ngu ai ga san san let, shakut ra nga ai bai 6. Tinang hpe dinglun ai lam ni kaw na nkau mi hpe hkap la dat u....Dinglun hkrum wa ai ten, masha law malawng gaw, kaja wa nmai byim ai dinglun lam hte, nkaja ai ningmu ni hpe sha, myit shang sha chye nna, ngam nga ai daw hpe gaw, myit n-shang sha nga ga ai, hpa mi raitim, dinglun ai lam hpe kau chyen ni hpe, hkap la dat ai hte, mahkrum madup hku hkap la na matu, tinang a myit hpe hapng dat ai rai nga ai, dinglun lam shagu hpe, hkap la hkan sa galaw nra nga ai. dinglun ai lam hta na, nkau chyen hpe hkap la ai hte pyi, tinang a wuhpung hta, wuhpung a myit jasat hpe, gaw sharawt ngut da ai hte bung wa na rai nga ia. dai wuhpung wuhpawng myit jasat rawng mat yang,yawng myit hkrum myitra, mang hkang lam ni hpe gara hku mahtai tam na ngu nna mnang hkang lam ntsa kaw sha myit maju jung wa na dai sha n-ga, ngai hpe ndai masha ni jawm gasat adawt nga ai ngu ai myit sawn lam ni yawm mat wa na rai nga ai.

7.Tinang na dat ai hpe, garan ginhka daw dan chye ra ai......Tinang lu dat ai shiga lawm lam ni hpe, jep na matu, tinang hpe dinglun ai lam ni gaw, kaja wa teng nga ai kun? shan hte tsun ai jaw ai nga yang, ngai hpa galaw na? ngu ai daw dan lam ni hte ahkying aten ra nga ai ndai lam yan langai hte sha, kahtap nna, tsun katut, dinglun hkrum nga yang, ndai mabyim kaw na, ngai hpa machye machyang la nna, sharai na ngu hpe, myit sawn mai nga ai, dai rai yang she, hpang kalang ndai zawn, shut ai lam bai nbyim na rai nga ai law. 8. Matut manoi mabyim masa hpe, asan brang rai ra ai... Tinang a rau magam bungli galaw ai manang wa tinang a dinglun dat ai a ntsa, nkam hkam rai nga yang, mai byim ai daram, dai wa hte, hku hkau hkra galaw u, dia rai yang, nang lahkawng a lapran hta, nkaja ai ningmu ni nna, nnga wa na rai nga ai. shi tsun dat ai gaw, nang hpe kade ram nhkam na daram byim ai hpe sang lang dan u, nan lahkawng a lapran na kanawn mazum lam kaja wa lu na ra ahkrak nga ai hpe  hpaji jaw dat u..

9. Nang nmu mada lu ai lam yan ni hpe, laga masha ni mu madu lu ai ngu hpe  hkap la u... Tinang hpe dinglun ai ntsa, kaja na matu, dingkun ai kun? hkrat sum na matu dinglun ai kun? ngu hpe garan ginhka dat u, kaja shngun mayu na, dinglun ai rai yang gaw, tinang hkum tinang galai shai dat u, dai hta apyaw sha matut hkawm sa dat u. Tinang hpe gara hku mi dinglun dinglun, pyaw pyaw sha nga u, dinglun ai lam ni gaw, tinang hpe gang jahkrat kau ai zawn nbyim u ga,, Tinang hpe dinglun wa ai kaw, kaja shangun mayu na ku? gang jahkrat mayu na tsun ai kun? garan gin hka chye ra nga ai. Kaja shangun mayu na dinglun ai nga yang gaw, nang teng sha galai shai dat nna, apyaw sha shawng de sit sa u, gang jahkrat mayu na dinglun ai rai timung, n-na masu kau dat u, dai sha n-ga apyaw sha shawng de sit sa nna, masah wa a tsun taw ai hta, lam nhtum mat nna, tinang a prat hpe hting hkang let, sak hkrung hkawm sa ga....

#youth

#rvakchinservice

#aungnan.