Bungli Galaw Let, Hka Ja Ai Lam Hpe, Jahkring Ra Na Kun?

Masha shagu, sak prat ram wa ai ten hta, magam bungli ni galaw nga ga ai, galaw sai nga yang mung, tinang gaw gara shara hta, gara maga, lit la galaw ra na , hpa ni hkyen lajang ra na, nkau nga yang, sak she kaba wa tim, hpa bungli mung n galaw nna, sharin dabang ni chyu lung nga ai ni mung law law rai nga ai. Kadai raitim, ra kadawn ai lam kaji kajaw gaw nga na teng sha rai nga ai, ndai ra kadawn lam ni hpe, magam bungli shang let, sharin mat mai nga ai re. Ndai hku awng dang rawt jat lu na matu, shakut nga ai lam hpe, hka ja shakut ai lam kaw na, awng dang ai pan dung de du hkra sa ra na ra nga ga ai re.

Raitimung, masha nkau mi a myit sawn ai lam ni gaw, bungli langai lu sai nga yang, laga hka ja nra sai ngu ai myit masa ni naw rawng nga ga ai, nang mung ndai zawn hkam la ai lam nga yang gawt shapraw kau na ra nga ai ngu, ramma ni hpe n gun jaw shadum mayu ai, nang gaw ya tatut masa lam kaw na nhkring mat mayu yang gaw, galoi ma hka ja ding yang rai ra ai, hka ja u, sawk sagawn u, sharin hkam ai hte sha n ngut mat nna, machye machyang ni mung kyem da ra nga ga ai re. Nang a bungli hte seng nna, kahtap hka ja ai mi rai rai, hpang langai ngu na,  sharin hpan langai hpe  hka ja nga ai mi rai rai, galoi mung, sharin hkam la chye na ra kadawn nga ga ai. Teng sha wa nga yang, magam bungli galaw let, sharin hkam la ai lam ngu ai gaw nloi la nga ai lam langai re.

Ten nkau mi hpe jaw lu yang she pri nem na masa mung rai nga ai. Magam bungli dap kata sharin hka ja ai lam hte, bungli shinggan de sharin dabang ni lung ai lam ni hta hka ja mai nga ai, shinggan sharin dabang lung na ngu ai gaw, bungli galaw taw nga ai wa a matu gaw, grai nan nloi ai lam yan langai mi re, dai majaw, masha shagu, aten nlu nga  ai law ngu ai jai lang nga ai ga si hpe nang njai lang hkrup na matu ndai shara kaw aja wa madi madun shadum ya mayu ai. shawng n nan nang hkum nan hpe shawng myit yu dat u, ngai ndai shara kaw sha hkring taw sana kun? matut shakut hka ja sa na kun ? ngu ai myit sawn lam langi hpe shawng galaw shangun mayu ai. nang a matu, hka ja shakut mayu ai lam ni gaw, shinggyim nga sa lam, sut masa lam, hpaji hparat lam, ngu ai magam bungli lam ni hte seng ai mahkrum madup nnan ni lu na teng sha rai nga ai. dai rai yang she, tinang a magam bungli dap hta, ngang grin nna, grau grau rawt jat wa ai mahkrum madup ni lu la wa lu na gaw teng sha rai nga ai. Dai hta tsawra ai ramma ni langai gaw nga ai, hpa rai nga yang, bungli n nga ai masha  hta, nang a shakut shaja ai lam gaw, htam lahkawng grau shakut ra na re. kahtap hka ja dat ai lam yan langai gaw, bungli hte matut manoi nga ai sharin hkam ai lam rai yang gaw, nang a matu grau nna, magam bungli hta masan sa wa na rai nga ai.

Tsawra ai ramma ni, sharin hkam la ai lam gaw, langai hte langai a hkrang gaw nbung nga ma ai. Tinang a matu, masan sa nna, htep  angwi angawn byim shangun ai lam yan ni hpe sha lata grin nga ai, hpa majaw ndai hku tsun ai nga yang, law malawng gaw,sharin dabang hpe shinggan de lung mayu tim, bungli madu ni gaw, nlung shangun ai lam ni nga ai ni a matu gaw, rung ten nre sha, bungli nsa shi yang lung mai ai sharin dabang ni, shing nrai bungli yu ai ten lung mai ai sharin dabang ni mung, tinang a nga sa lam, bai hkam kaja lam mabyim masa ni hpe shawng hka ja nna, gara aten gaw, gara hku htap htuk ai ngu ai hpe  myit sumru nna, lung gring nga ai.

Galoi mung, bungli sha galaw nna, sharin  hkam la ai lam ni hpe jahkring kau ai nga yang, masha langai  a ngyan atsam marai ni mung, gau ngwi ngwi n gun yawm wa chye nga ai re, bungli mahkrun a, tsam pu tsam pa myit ni gaw, sharin hkam la ai lam mung nnga, shawa hte matut mahkai ai lam mung nnga rai wa ai ten, pyaw ai lam mung nbyim pru chye nga ai re,hpang daw magam dap kata hta mung, npyaw wa nna, myit hkrat ana ni byim pru, bai pu ba ai lam ni yawng pawng nna, hkam kaja lam hte pi hkra machyi chye ai lam de du wa shngun nga ai re, magam dap hte, shinggan sharin dabang ten ni

 hpe, garan gin hka tawn da mai nga ai re. Magam bungli masa hte nbung ai, laika hka ja na matu, lak san shara ni matsat da grin nga ai re. Mgam dap na lit magam ni hpe garan gin hka da u. Magam bungli lit ni gaw, tsam pu tsam pa myit nkau ni hpe byim shangun nga ai majaw nang hpe myit shuk wa shangun nga chye ai, ndai zawn garan gin hka nna, hka ja na nga yang, myit pyaw ai lam hpe jaw ya chye nga nna, nhtoi n nan shagu a matu, magam bungli dap hta, myit asan hte, bungli shang lu na rai nga ai.

Shinggan sharin dabang ni lung ai a marang e, machye machyang hpa ji lam ni law law lu wa ai sha n ga, manaw manang ni mung grau law htam wa na rai nga ai. Nang jam jau nga ai ten ni hta, nang a matu, manang kaja ni lu la chye nga ai, law malawng gaw bungli mahkrun hte seng ai sharin hpan ni hpe, bawng ban jahkrum,  tinang a myit sum ru lam ni gin shalat ai lam ni hpe, madung da chye nga ga ai dai majaw marai langai hkrai hka ja shakut na hta, masha law law hte rau, hka ja shakut ai lam gaw, grau masan sa nga ai, magam bungli dap a matu, ra kadawn ai sharin dabang langai ngai hpe nang ya kaw na, myit nhpang hkrat ai sha, lawan ai hku hka ja lung grin nga ai,

dai rai yang she, magam dap mahkrun hta na, yak hkak lam ni hpe awng dang ai hku tawt lai lu na teng sha rai nga ai. dai majaw, pu ba ai raitim, hkam sharang let, lung dat u, nang a pu ba ai lam ni, shakut shaja ai lam ni, ngut ai hpang, magam bungli hte ten htum mat ai lam ni a aten gaw manu daw dan nlu ai hpaji hte mahkrum madup ni, atsam ningja ni hpring wa let, grau grau awng dang ai prat magam de hkawm sa lu na rai nga ai ngu gam garan ya let,

#youth

#rvakachinservice