Bandung De Du Hkra Sa Na Matu, Kabai Kau Ra Ai Akyang Lailen Ni

 

 

Sak prat ngu ai gaw, galaw ra ai magam ni law law hte, ngut ai ngu nnga ai hkrun lam galu langai rai nga ai, Ya ya nan sha, tinang a To- Do List hpe yu yu datu u, tinang hta ya galaw taw nga ai lam sha n-ga laga hpa ni galaw na matu naw nga nga ai ngu hpe law law nang mu lu na ra ai

Ndai zawn law la ai magam bungli ni hte, galaw mayu ai magam bungli ni lapran pat hkrum nga let, ban dung mat ai ni mung law law rai nga ai, dai majaw shani shagu ban dung de du hkra sa ai lam hta, koi yen kabai kau ra ai lam yan nkau hpe tsun dan mayu nngai law

1.Galaw ra ai sumpum ni hpe kalang ta galaw ai lam....Galaw ra ai ni law nna, dam mat ai ni hpe nang ngai ramma ni mu ga na re, shanhte hpe yu dat yu yang, shakram ga tsun na ten pi she nlu nga ai zawn byim taw ai, raitim, shanhte a bungli a mahtai hpe sa yu yu yang, hpa mung tang du ai madun hpa nnga ai zawn re hpe mu lu nga ai, ndai gaw shanhte ni bungli n-galaw ai majaw nrai na, yawng hkra hpe kalang ta galaw dat ai a marang e majaw byim ai lam rai nga ai. bungli galaw ai lam hta, tang du ai hre lawan ladan ngut kre na matu, ahkyak ai lam yan gaw, ten langai mi hta langai hpe sha myit maju jung nna galaw chye na ra nga ai, ndai zawn lu galaw ai lam gaw,  bungli magam hta byin ai wa, htuk shapraw ai lam hta n gun ja ai wa byim shangun ai lam yan kaja rai nga ai hpe shawng nnan e shadum n-gun jaw mayu ai

2.Hkrup Ai Kaw Hparan Ai Lam.......Awng dang lam lu madu da sai ni gaw lam shagu hta, shakut shaja ai ni chyu rai nga ai shanhte lu hkyen lajang ai lam yan masa ni hpe nhkring nsa tau hkyen lajang ma ai bai shani shagu shaman ma ai, dai majaw sha shanhte a lu galaw ai lam gaw mara tam nmu rai nga ai, dai majaw, awng dang mayu yang tau hkyen lajang ai lam hpe shaman ra nga ga ai

3.Tinang a matu hkring sa na ten ntawn ai lam..Awng dang ai ni gaw shani shana nyup nsha magam bungli shakut nga ma ai ngu masat ai lam ni mung nga ma ai, ndai lam yan gaw chye na shut ai lam langai mung rai nga ai,  gin shalat ai lam nga ai ni hte, nnan nnan zawn re ni hpe shaw madun lu na matu, rau ai aten jan ai ni hpe jahkring hkring la chye ma ai, myit hpe shayawm nna, hkring sa na matu, aten la ai dat ai a marang e shanhte hkrum katut nga ai bunghku mayak ni hpe hkrang lu shapraw nna, ndai lam ni hpe nbung pre ai yu juk kaw na mu mada lu ma ai, dai rai yang myit asan sha hte zet let lu na matu hte, gin shalat lu ai lam nga na matu, madu hkum hpe Break galaw jaw na mung ndai hta ahkyak ai kaw shang lawm nga ai hpe madi madun shadum ya mayu ai re, ndai gaw nhtoi galu awng dang na matu, lam yan kaja mung rai nga ai ngu tsun mayu ai.

4.Shani shat nsha ai lam....Lahta de na lam yan ni zawn rai nga ai, sha na hkring na matu aten nnga hkra bungli law ai lam mung ban dung de sa ai lam hta mayak hkrum wa chye ai lam yan masa re hpe tsun da ma ai, masha langai gaw awng dang na matu, myit hkum hkrang yawng hte hkam kaja ra nga ga ai, sak prat hpe awng dang ai wa langai hku hkawm sa lu na matu, hkam kaja lam gaw ahkyak madung re hpe chye da ra nga ga ai, hkam kaja hkra sha na, hkam kaja hkra shamu shamawt yang chyu sha awng dang ai nam chyim hpe atsam sha nang a prat ting hta hkam sha lu na rai nga ga ai.

5. Ra Kaj kaw na hkawt hparan lajang ai lam...Lam yan shagu hpe mai kaja hkra hpring tsup  ra na ngu ai a mang hkan gaw ra kaji kajaw ni kaw na hkawt hpe hparan  ai lam rai nga ai, kalang lang laga wa ni mung loi loi hte lu galaw ai lam yan ni hte  aten htum mat ai gaw dasang aten hte n gun atsam ni htum mat hkra galaw nga ai hte bung nga ai, shara shagu hta shi lawm yang she ngut ai shadu chye nna, laga wa a galaw sa ai lam hpe galoi mung myit dik ai lam nnga ai wa rai nga ai. Dai majaw tsawra ai ramma ni awng dang ai woi awn ai wa gaw npu na ma ni hpe ging dan ailit magam ni hpe garan yu lu ai wa rai nna, tinang shang lawm ra ai maga shang lawm chye ai wa rai nga ai ngu  

 

Add new comment

3 + 14 =