Awng Dang Mayu Ai Ni Shagu Chye Da Gring Ai Lam

Awng Dang Mayu Ai Ni Shagu Chye Da Gring Ai Lam

          Anhte nang ngai shagu gaw, sak prat hta sut masa lam, kanawn mazum lam, hpaji lam ni ...kaning zawn re ai lam yan ni hta mi rai rai awng dang mayu ga ai, tinang ra sharawng ai lam ni hpe galoi mung lu la madu mayu ai nga yang grai law hkra galaw gaw nra nga ai

1.Ra sharawng ai lam....Awng dang mayu ai, rawt jat galu kaba mayu ai nga yang, shawng nnan nga ra na gaw awng dang mayu ai law ngu ai sharawng ai lam shawng madu hkum hta nga ra ga ai, tsawra ai ramma ni hta, Sharawng Katu ai lam langai nga sai nga yang, teng sha wa, nang galaw na lam yan langai gaw, tinang madu mayu ai sak prat langai hpe  gara hku madu lu hkra galaw ra na ngu ai lam yan ni tam ra sana rai nga ai. dai zawn naw nrai shi nga yang gaw, nang a ra sharawng ai lam gaw n-gun n-nga shi ai majaw rai nga ai hpe myit sawn dum lu na matu shadum ya mayu ai.

2. Daw Dan Ai Lam....Tinang hpa galaw ra na ngu ai hpe lata la ngut sai nga yang byim hkra shakut sana ngu ai myit daw dan ai lam hpe jahkrat ra sana rai nga ai, daw dan ai lam ni hkrak daw dan njahkrat lu shi ai nga yang, galaw byim na mung nrai nga ai, dai majaw daw dan ai lam hpem ngang gring hkra jahkrat na matu ahkyak ai kaw shang lawm nga ai.

3. Matut Galaw u....Tsawra ai ramma ni nang hta katu ai ra sharawng ai lam mung nga sai, ngang gring ai daw dan jahkrat lam mung nga sai nga yang, ndai kaw sha nhkring mat na ahkyak la nga ai, byim mayu ai lam ni lu na matu, matut galaw ra na rai nga ga ai, langai sadi da ra na gaw, awng dang ai lam ngu ai gaw, masat da ai lam ni nga chyalu shara langai nrai nga ai, hkrun lam langai hkawm sa nga ai zawn, nang a ban dung ni mung langai hte sha  hkring mat na nrai nga ai Ban dung langai de du sai nga ai hte gaw awng dang lam hkam la sanu, hpang  ban dung ni a matu mung matut n gun jahpring nna, hkawm sa ra na rai nga ga ai, dai majaw tsawra ai ramma ni awng dang ai lam ngu ai gaw hkrit mat ai baw hkrun lam nrai nga ai zawn, galoi mung matut hkawm sa taw na ra nga ga ai, ngu shadum ya mayu ai law..

Bai awng dang taw ai ni gaw, gam kaja nna shing nrai lam yan amyu myu a majaw sut du tai nna awng dang taw nga ai rai nga ai, shanhte ni gaw, sut du tai na laika buk ni hti nna, dai laika buk hku hkan galaw nna, awng dang wa nga ma ai ngu gaw nnga nga ai, law malawng gaw tinang a shakut shaja ai lam yan ni a majaw sha awng dang wa ma ai rai nga ai

1.Yu Maya hku nga tim lu la mai nga ai...Myit nlawm ai sha mani taw nga yang mung, myit nlawm ai majaw myit ru ra na re, myit malang ai hku sha nga ai nga yang, ndai wa gaw, kam ra na ngu maga mi na masha wa nang hpe ahkaw ahkang jaw na gaw teng sha rai nga ai

2.Manang laga wa hpaji jaw ai lam hpe myit shang sha ai hku hkap la madat ya na mung ahkrak la nga ai. Hpaji jaw la hkrum ai ten hta, mara hpe tsun ai zawn nga ai ten ni mung nga w achye ai, ndai hpe mai kaja ai maga hku myit sawn la nna, hkap la shakut galaw sa wa yang grau nna awng dang wa lu na re hpe myit dum lu ai

3.Laga wa zawn hkum hkan galaw .... Shi zawn awng dang mayu ai nga shagu shi galaw ai hku galaw na nga yang awng dang wa na nshadu nga ai shi awng dang ai lam yan gaw nang a mabyim masa lam hte bung na mung nrai nga ai, dai majaw tinang galaw shakut taw nga ai zawn sha matut galaw shakut sa wa u ai hta manman shakut sa wa na nga yang, awng dang wa lu na re, tinang gaw shakut nga yang tinang a makau grupyin ni hta mung, tinang hte myit bung ai galaw sa bung ai manang ni mung nang na makau kaw du wa na rai nga ai

4.Manang ni nkam galaw ai bungli hpe lu galaw ra na re ngu shadu ai...Masha ni nkam galaw ai bungli hpe tinang lu galaw yang sut masa lam hku myit sawn yang awng dang na matu grau law nga ai, hpa majaw nga yang, laga ni gaw ndai bungli ndai gat lawk hpe nchye na ai majaw rai nga ai.

5. Tatut galaw nga ai magam bungli hpe atsawm hkrak galaw shakut u...myit shang sha lam nnga ai bungli hpe galaw nga ai raitim, gara maga hku mi galaw galaw mai kaja hkra shakut galaw na ra nga ai, tatut bungli hpe shakut nna galaw nga yang  kam kaja ai lam ni gaw nang kaw du wa lu na rai nga ai.

6. Awng dang na re ngu kam ai wa....Awng dang lam hpe hkam lu ai wa rai ra ai zawn, byin pru wa na mang hkang ni hpe mung gwi gwi hkam jan ra na rai nga ai, dai majaw tsawra ai ramma ni a sak prat hta, hpa mang hkang hte mi hkrum wa hkrum wa myit hpe azim tawn let mang hkang ni hpe hparan ra nga ai ngu n gun jaw shadum dat let

#youth

#rvakachinservice