Awng Dang Lam Lakang De Lung Ai Lam ( Youth Program ) 3 May 2020

Masdu wa na rai nga ai.ha langai hpe, tsawra lu na matu, salum hkam kaja ai atsam nga ra ai. Manang wa hpe machyi hkra galaw mat ai masha langai hpe tsawra na matu nga yang grau, hkam kaja na atsam nga ai masin salum rai ra nga ai. Masha langai gaw, manang wa hpe myit machyi hkra galaw yang, salum ana jaw yang, sadi ndung wa yang, shanhte hpe, mara raw dat ya lu na atsam ni ra nga ai. Kalang ta gaw, malap lu na nloi nga tim, gau ngwi ngwi chye na wa lu nna, mat mat na rai nga ai. Chye na ya lu ai lam mung, mara raw ya ai lam hpe byim pru wa shangun nga ai, Nang a masin salum grau hkam kaja atsam nga wa ai ten, nang a tsawra myit hte gin dan ai tsawra myit ni lu ma

Anhte ni sak prat ram wa ai hte rau, anhte ni a, lata maga mi gaw, tinang hkum hpe garum na matu rai nna, ngam nga ai lata maga gaw, laga masha ni hpe garum na matu, ngu ai hkit hkam ai lata lahkawng a lam hpe, sadi mu chye wa nga ai re. Bai chye na ya ai myit masin salum nga na matu ra hkyak nga ai law. Lam yan shagu na n-greng ai masha ngu nnga nga ai. Masha hkum shagu hta, masa lam langai nrai langai gaw greng nga ga ai. Dai greng ai lam shagu hta mung, atsam rawng nga ga ai, Dai majaw, n-greng ai rai tim atsam nga ai ngu ai lam byim wa ai lam rai nga ai Kalang lang dai lam hpe madu hkum nan nchye shi nga tim, hkam sha chye na ya ai lam hte, shanhte hpe sawk tam nna, sharin jaw ra nga ai , nang gaw, ten ladaw langai sha mu mada lu ai masha wa a, sak hkrum hkawm sa lam gaw, shi prat ting a sak hkrung hkawm sa ai lam a gawng malai nrai nga shi ai lam mung rai nga ai.

Kalang lang nang hku nna, laga masha langai wa tinang hpe nju mat na tsang nna, anhte ni a myit masin jaw ai lam ni hpe, magap da chye nga ga ai. Dai zawn nmyit ai hte sha pyi myit masin jaw ai lam ni hpe magap da chye nga ga ai, kaja wa nga yang, kalang lang kadai hpe nkam ai lam gaw, tinang hkum tinang jam jau njaw ai ngu zawn re hkam sha lam ni hkam sha chye nga ga ai re.

Nli tum kaji langai a, tu kaba wa ai lam hpe sha myit yu mai nga ai, shi hpe tu kaba wa shangun mayu yang, ga kata de bang gwi ra ng ai, Sin mang ai dam, lamu marang , nbung dam hte, laga du sat ni a sha kau ai dam ni hpe hkrum katut chye nga ai re, dai ni hpe lai di let jan shingkang hte hkru kat wa nna, shi hkum shi kaba wa nga ai rai nga ai, dai majaw jet ai kam ai lam hte gaw sharawt da ai ten, hpang kaw na nhtu hte abraw katut hkam sha ai dam ni hpe mung hkrum katut wa chye ai, dia hkam sha lam ni hpe hkrit nga nna kam ailam ni hpe njahten kau na gaw ra ahkyak ai ngu n-gun jaw mayu nngai law.

Tsawra ai ramma kanau kasha ni, nang a prat hta, nang ngang ngang tsap ra ai. madu hkum hpe makoi magap da ai lam nnga u ga, kam ai lam ni a matu, ngang ngang tsap ya u, ntsen ai lam byim nga yang, ga san san dat ai kaja htum rai na ngu mu mada ai, masha ni galaw ai majaw, hkan galaw ai lam ni nbyim u ga, masha unawng uwa hpang hkan nang taw nga yang gaw, dai unawng hta grau nna, hkrum lam ndu lu nga ai, nang a myit du ai lam, nang a awng dang lam matu hpe nnag myit ra ai hku lata dat yang, kadai nlu du shi ai pan dung de nang du wa lu na rai nga ai ngu shadum n-gun jaw mayu ai law.

Lam yan shagu gaw, byim wa hten ra na, shingra tara hkrai rai nga ai, nang gaw, kade kaja kaja, kade nkaja tim, lani mi ngut nna mung ngut mat ai sha rai nga ai Dai majaw, dang lu ai daram sha shani shagu man man galaw u, shani shagu man man hkam sha lam hte hkawm sa tawt lai u, bai manu shadan nna galaw sa u.

Prat langai a, kaja wa myit npyaw yawn hpa lam ni gaw, sumru lam byim wa na lam, nbyim wa na lam a ntsa madung nrai nga ai, dai myit sum ru yup mang ni nang hta hpa n-nga ai lam sha, madung rai nga ai dai majaw, nang kama i myit sum ru yup mang hpe sha shakut galaw hkawm sa u, myit lawm ai hpang hkang nang let, hkrit tsang lam ni hpe koi yen kau u,, myi man hta, galoi mung mani sum sai hte nga chye na mung ahkyak nga ai. nang a prat hte nang a myit shingran ni hpe nang sha madu nga ai, nbyim byim hkra galaw shakut hkawm sa u, hpang jahtum matsing ra na gaw, nang a yup mang shingran pan dung nga ai de lung wa ra na lakang ni de shakut lung wa nna, myit nhtum mat ai sha shakut hkawm sa u, lakang ning gam ni langai hpang langai myit marai n-gun atsam ni hte ja ja lung wa nna, tinang a yup mang pan dung de du wa lu na teng sha rai nga ai

Hten za lam de yawng ai myit sawn lam ni hta, kam ai lam ni nga ai gaw, awng dang ai lam de ndu lu hkra, gang da ai ngu ai pat shingdang ai lam mung rai nga ai lam hpe chye na matu mung grai ahkyak la nga ai ngu yaw shada let,

#youth

#rvakachinservices