Awng Dang Lam Hpe  Lu Madu  Mayu Yang ( Youth Program )

Awng Dang Lam Hpe  Lu Madu  Mayu Yang

Awng dang lam hpe masha shagu lu madu mayu nga ga ai, kadai ni gaw kaja wa awng dang nga ma ai kun tsun da ma ai gaw, nsa sa ai lam shagu hta awng dang ai lam hpe lu madu mayu ai katuuu ai lam nga ai ni gaw, awng dang ai sak prat hpe lu na ra ai nga nna tsun da ai hpe mung mu hti yu ga ai, shi gaw hpa hpe tsun mayu ai kun? Awng dang  ai hpe masha shagu lumayu tim nlu nga ai, dai awng dang lam hpe teng sha lu madu mayu ai ni gaw nlu yang nmai lu nan lu ra ai ngu ai katuu ai hte shakut shaja ai ni a matu sha rai nga ai pe mu mada lu ai.

Nsa sa ai lam gaw sak hkrung na matu ra kadawn nga ai dai zawn  sak hkrung na matu, awng dang lam hpe katuu ai myit nga aiwa gaw, nhtingnut ai sha shakut ra nga ai, grau nna, ga lim nga ai wa ngu saga, ga lim nga ai wa gaw, nbung hpe lu chyu na matu, nhkrit ntsang shakut ra na re, dai nbung hpe lu sa nga yang she, shi gaw sak hkrung lu na lam rai nga ai dai zawn sha sak hkrung lam shagu a matu dai hku shakut sa yang she awng dang ai lam hpe lu madu na re.Dai katu ai myit marai hte woi awng hkawm sa yang, n awng dang na lam hpa nnga nga ai dai hta shakut ra na lam yan nkau hpe tsun dan mayu ai.

Lat Ga Tsun Ai Lam Hpe Kabai Kau U..Awng dang ai ni gaw lat ga hpe nau nchye tsun nga ma ai, dai lawt ga tsun ai ni mung awng dang ai lam nlu nga ma ai dai lawt ga ni gaw nang hpe bungli nbyim hkra masu hkalem nga ai lam rai nga ai, dai majaw awng dang mayu yang n awng dang shangun chye ai lawt ga ni hpe kabai koi kau u dai hta nkau ni ga aten nlaw ai nga nna lawt ga tsun chye ma ai, aten nlaw dum yang, kaja wa madung galaw ra ai lam hte galaw ra ai amu magam lam ni hpe garan gin hka nna chye hparan galaw hkawm sa ra nga ai aten hpe hparan chye jai lang ai wa byim hkra shakut hkawm sa u. nkau bai rai yang gara hku galaw hkawm sa na ngu ai lam yan nchye ai nga nna tsun chye nga ma ai, kaja wa nga yang, awng dang ai hkrun lam hta, 1+1 = 2 ngu hkrat masat da ai lam nnga nga ai awng dang ai ni gaw katuu ai  myit marai hte ganawng n gun la let, awng dang na hkrunlam de rawt lung wa nga ai re, magam bungli langai gaw de hpang mayu yang seng ang ai bungli madu ni kaw na lam yan masa ni lu la ra nga ai, raitim, awng dang lam a matu, nang a atsam marai hte, katu ai myit marai ni a ntsa gaw madung rai nga ai

Bai magam bungli langai hta lagawn lamawn rai, myit shang sha nlu ai ngu lawt ga tsun taw nga yang dai magam bungli hta nang n awng dang na gaw teng nga sai re, dai zawn lawt ga tsun taw na malai nang hpa hpe myit lawm nga ai kun, gara lam yan hta myit n gun lu let myit shang sha taw nga ai kun, dai lam hpe sak prat a ban dung hku da let, myit maju jung galaw shakut sa dat u teng sha awng dang lam lu na re hpe n gun jaw mayu ai law

Bai awng dang ai ni gaw nang awng dang wa mayu yang, tinang a magam dap kata myit shang sha ai madang kaw na, magam bungli galaw sa wa ra na ngu ai myit marai hte galaw sa wa u,nga nna n gun jaw da nga ma ai lam yan masa gaw, awng dang ra na ngu ai myit marai gaw awng dang ai ni a myit n gun wan nshat rai nga ai myit shang ai lam hte sha awng dang lam a matu, nhpring zup shi nga ai magam bungli n awng dang wa ia ten, magam lam hta myit nlawm aiwa gaw tinang a bungli madu, shing nrai kun dinghku masha ni a n gun jaw madi shadaw ya ai lam nnga ai ngu zawn re ni hte lawt ga tsun chye nga ma ai dai hta, bungli hta awng dang ra na ngu ai myit katu lam gaw, byim wa ai lam ma hkra hta, 100 hpring lit la let, myit yup mang shingran ni yawng hpe tatut hkrang shapraw sa wa lu nga ai dai zawn dawdan galaw gwi ai ni gaw n awng dang wa tim, masha wa hpe mara nshagun, lawt ga n tsun, mai byim ai masa lam hpe tam let, matut shakut sa ma ai re dai majw awng dang mayu ai wa gaw, myit shang sha ai lam nga ai hte sha nngut shi nga ai 100 lam shadang hpring lit la lu ai atsam ni hte mung hpring ra nga ai ngu.

Bai Ndai Hta Ahkyak Ai Gaw Hpa Majaw Nang Awng Dang Mayu Ai Ngu Hpe Chye Ra Ai...awng dang ai ni hta hpa majaw awng dang mayu ai kun ngu hpe kraw kata hta hkrak re mahtai nga nga ma ai, dai myit kata na yaw shada lam ni gaw, nmu mada lu ai myit n gun langai hpe byim pru wa shangun nga ai re awng dang mayu ai wa langai gaw, ngai ra sharawng dik ai lam yawng gaw awng dang na matu sha ngu ai lam rai nga ai tsun mayu ai gaw, shi galaw sa ai lam mahkra gaw awng dang  ai lam ngu ai hta zup mayu ai lam rai nga ai, awng dang mayu ai wa gaw hpa lam yan ni hta mi rai rai lamyan nshai , kaning re ai gang da ai lam ni hpe tim, nhkrit nkang shi a awng dang bandung lam hpe sha myit maju jung ai lam gaw awng dang na lam langai sha rai nga ai, Shadaw ni gang da nga yang, lai di nna hkawm sa u, baw lu yang she lawt pru wa lu na nga yang mung dai shadaw  ni hpe baw nna tawt lai lu hkra shakut sa wa ngu na n gun jaw mayu ai

 

#youth

#rvakachinservice

Add new comment

5 + 2 =