Awng Dang Ai Wa Langai Byim Na Matu

Awng Dang Ai Wa Langai Byim Na Matu

Tsawra Ai Ramma Ni...... Awng dang ai wa langai byim na matu shang nnan e ahkyak ai gaw, aten hpe majoi hkum shama kau .....Aten hkum shama kau ngu ai gaw 1hr sha sa ra ai hkrun lam hpe,1hr mi sha ma hkam u, lamana 1hr mi hta jan nna aten htum mat rai yang nang a awng dang ai lam ni hte tsang mat wa na aten ni sha rai nga ai, dai majaw aten hpe hkum shama kau

Pyaw hpa lam ni hpe shayawm kau u.... ya prat na ramma she re mi lu sha ai lam kaji kajaw gaw nga na sha rai nga ai, dai ga gaw shut ai ga nan rai nga ai ngu mu mada lu ai, ramma nga shagu lu sha taw nga yang ramma shagu lu sha  chye ai ni hkrai rai mat na rai nga ai, nnan hpang nkaja ai rai yang, htawm hpang gaw masan nau nsa na re, tinang a manang wa yawng ya tai shagu tinang hkan lu nra nga ai, kasi la gring n-gring hpe myit sawn nna galaw ra nga ga ai

Gumhpraw hpe loi loi sha hkum jai lang kau....Tinang a salu shalat hte lu da ai gumhpraw mi rai rai loi loi hte lu la da ai gumhpraw mi rai rai manu shadan ra nga ai, jai lang ngut nna jan ai hpe hkum mahkawng, tinang masat da ai masing masa lam hku mahkawng nna jan ai gumhpraw hpe jai lang u,

Rau ai ten ni hta laika hti u.... Laili laika gaw shinggyim jinghku nan rai nga ai, tianang lam shut taw nga ten hti ai laika gaw tinang a mabyim hte bung ai laika si ni mu yang shawng de gara hku galaw sa na ngu ai dai laika ngau ni gaw,tinang hpe lam madun ya lu na rai nga ai, mahkrum madup nnga tim laili laika a mahkrum madup a majaw, loi loi hte hkrak ai hku myit daw dan lam langai hpe lu jahkrat na rai nga ai, dai majaw tinang a rau ai aten ni hpe nshama kau ai sha lai ka hti u ngu n gun jaw mayu ai

N-gut ai myit tawn da u....Nkam hkam ai myit masin tawn ai lam mung, tinang galaw taw nga ai bungli a matu, n gun langai mung rai nga ai, n-galaw nna, myit daw nga ai ten, tinang ja gumhpraw nlu ai ten, makau grupyin manaw manang kun dinghku nta masha ni gaw, tinang a ntsa gara hku kanawn mazum ai bai myit yu let, myit daw myit hkrat ai myit ni hpe bai galang bai gaw sharawt la dat u, dai majaw, nkam hkam ai myit masa tawn da let, tinang a magam bungli hpe shawoi hta htam lahkawng grau shakut dat u ngu n gun jaw mayu ai

Tsun shaga ai hta si mani ra ai lam, Tsun shaga ai lam hta si mani ai wa gaw, tinang a magam bungli a matu, manaw manang kaja ni law jat wa nna, magam bungli hpe mung grau masan sa shangun ai hpe mu mada lu nga ai dai majaw tinang a awng dang lam ni hpe lawan ladan lu madu ai nga yang tsun shaga ai lam hta si mani ai mung tang du ai lam yan masa langai re hpe ahkak madun tsun dan mayu ai law.

Bungli Langai Hpe Hka Hkum Tawn Da... Tinang galaw ra ai magam bungli hpe kalang ta galaw dat u, loi hkring rai yang she, ngu ai galoi hkum galaw, dai hku galaw ai lam gaw, tinang a bandung hpe lawan nkam la ai ngu dat ai hte bung nga ai, dai majaw bungli langai galoi mung hkam hkum da, tinang galaw dat nna dung nga ai ten ni gaw, kade daram manu dan nga ai hpe jahkring yang she ngu kabai da ai bungli hpe myit lawm yang she rawt galaw yang, aten ni nlaw ai hte, hpang bungli ni hpe hpang hkrat shangun chye nga ai re, dai majaw galaw ra ai magam bungli ni hpe lawan ladan galaw dat u

Tatut Galaw Nga Ai Bungli Hta Ga Sadi Nga U....Bungli madu wa mung bungli galaw masha, bungli galaw masha wa mung, bungli madu sha rai nga ai, dut mari ai lahkawng yen nsen bung nga yang she, galaw nga ai bungli gaw myit hkrum myitra lam hpe byim pru shangun na rai nga ai, bungli galaw masha wa mung tinang galaw nga ai bungli hpe madu hkum a arai nan zawn myit hta bang let, ga sadi nga u, bungli madu wa mung, tinang a bungli masha ni mung, ngai a sut masa lam magam bungli ni awng dang ai lam a matu, madi shadaw ya nga ai ni rai nga ai ngu, langai wa a tsawra myit langai chye let, tatut magam bungli hpe ga sadi dung u ngu nna tsun mayu ai

Yup Rawt Hkum Lagawn..Yup Jau Jau Rawt Nna, Magam Bungli Galaw ai lam gaw, ndang tsun ai akyu hkam sha lam ni kaba la nga ai re, ga shadawn  Hkying 1hr hta she hkring ra na hpe, 10hr hkan lu hkring ai , aten ni hpe law law lu shangun ai, jau jau rawt nna magam bungli galaw ai gaw, jahtum tsun ga nga yang, laga wa ni jan ja hkrum ai ram nhkam sha nga ai, dai majaw yup jau jau rawt nna magam bungli hpe galaw shakut na mung ra ahkyak ai kaw shang lawm nga ai

Yaw shada lam hpe tawn u..Tinang awng dang lam lu na matu, ban dung tawn u, ga shadawn ngai asak 20 ning rai wa sai, dai ning hta ngai cycle langai maw daw langai lu madu ra na, hpang 2 ning na yang dinghkri bungli langai lu madu ra na dai zawn 3 ning na yang 6 ning na yang ngai ndai hta nbung ai sak prat hpe lu madu ra na ngu ni tawn da chye ra ai, shinggyim sak prat hta malawng maga asak 30 jan wa ai ten, galaw ra ai magam lam ni gaw nau masan nsa nga ai hpe mung mu mada lu ai, ndai zawn masing masa yaw shada lam ni tawn da u, yaw shada ban dung nnga yang hpa galaw galaw alaka sha rai na re dai majaw yaw shada lam nga nga magam bungli galaw u

Bai Hkam Kaja Lam Hpe Sadi U...Tinang a hkam kaja lam hpe sadi ra ai, tinang hkam nkaj yang bungli galaw na hkum tsun, tinang nre ai laga wa shadu da ai si shat sha ai pi nam chyim nnga ai, tinang hta kade mi lu su nga taw tim, hkam kaja lam nnnga yang 100% hpring akyu ara nhkam sha lu nga ai tinang galaw mayu ai bungli, tinang yaw shada da ai ban dung ni hpa mung nlu galaw na rai nga ai, dai majaw hkam kaja lam mung tinang a awng dang lam lu na lam hta ahkayk ai shara mi kaw shang lawm nga ai ngu

#youth

#rvakachinservice