Awng Dang Ai Ni A Awng Dang Na Myit Sawn Lam Ni

Awng Dang Ai Ni A Awng Dang Na Myit Sawn Lam Ni

 Sak prat awng dang lam hta, hkam la masa gaw, atsawm ningja ni zawn ahkyak la nga ai. matut shakut sa ai lam hta, awng dang ai lam gaw, jahtum nrai nga ai, hkrat sum ai lam mung jahtum lam nrai nga ai, awng dang ai mi rai rai, hkrat sum ai mi rai rai ahkyak ai gaw, matut shakut sa taw ra ai lam rai nga ai.

Tau hkyen lajang ai lam.. Lam yan yawng hta tau hkyen lajang  ai lam hpe shawng galaw u, tau hkyen lajang ai lam gaw awng dang ai lam a zaw rai nga ai

Myit maju jung galaw ai lam, kaji ai magam bungli kaw tim, myit masin yawng maju jung let galaw sa u,  hkum hkrang mung myit masin myit maju jung let galaw sa yang teng sha awng dang wa lu na rai nga ai

Jawm Pawng  Galaw Ai Lam...Arau hkawm sa ai lam gaw nnan hpan ai lam, arau lata gin dun nga sa ai lam gaw, rawt jat galu kaba na lam rai nga ai,  dai majaw rau jawm galaw shakut ai lam gaw awng dang ai lam rai nga ai

Ang katut hkam la lu ai lam nrai nga ai..Awng dang ai lam ngu gaw ang katut du wa ai lam nrai nga ai, shakut shaja ai lam, atsam marai ni hte, hka ja sharin  hkam la, tinang galaw sa ai lam ni hta, ra sharawng tsawra ai kaw na she awng dang ai asi apu ni lu la lu na rai nga ai.

Awng dan na lam myit shingran....Nkau ni gaw awng dang na myit shingran ni hpe,mang nga ga ai, dai ten ni hta, laga wa ni gaw, yup mang kaw na rawt tsap let, awng dang na lam de hkawm sa nga ma ai

Sum ai mahkrum madup...Awng dang lam gaw, ning-ip ai lam nnga nga ai, awng dang ai lam gaw, tau hkyen lajang ai lam, shakut shaja ai lam hte, hkrat sum ai lam kaw na mahkrum madup hpaji la chye na mahtai rai nga ai

Maikaja ai mu mada lam hte myit masa...Nang gring ai mai kaja ai ningmu, mai kaja ai amu magam galaw lu ai myit masa gaw, tsaw dik ai awng dang lam a matu, mai kaja dik tau hkyen lajang ai lam rai nga ai

Hkrat sum ai lam.. Lamana n awng dang ai hkrat sum lam kaw na mahkrum madup la lu yang, dai sum ai lam gaw, awng dang ai lam nan rai nga ai

Ahkaw ahkang, tau hkyen lajang ai lam hte, ahkaw ahkang ni hkrum ai shara hta, anhte nang ngai tam nga ai awng dang ai lam nga nga ai re

Kab dik ai awng dang ai lam.. awng dang lam shagu gaw, galoi mung kaba la nga ai, galoi mung myit maju jung shakut shaja nga yang sha, kaba la ai awng dang lam de du wa lu nga ai re.

Hkalem chye ai lam.. awng dang ai lam ngu ai gaw hkalem chye ai lam hte, law la ai, masha kaja ni hpe hkalem nga let, nsum chye lu ai lam ngu shut ai hku mu mada shangun chye nga ai

Nshayawm ai marai ni... Yaw shada lam gaw awng dang ai lam de sa ai lam rai nga ai, nshayawm ai marai gaw awng dang lam de nang hpe du shangun lu ai lam rai nga ai

Manu nga ai wa..... Awng dang na matu hkrai hkum shakut nga...Manu dan ai masha byim tai hkra mung shakut sa wa ra nga ai lam tsun shadum ya mayu nngai law. dai hta sak prat hta nang ra kadawn dik lam yan langai gaw, kam ai myit hte magrau grang ai lam rai nga ai, dai rai yang nang hta awng dang wa lu na rai nga ai

Kataw wa ai ten, bai rawt tsap u.... anwng dang ai lam ni hta kalang pi nhkratsum ga ai lam gaw nnga na re, kade lang mung hkrat sum ai kaw na, nshayawm ai marai ni hte kalang bai rawt tsap let shakut sa wa nna, awng dang wa ai ni hkrai rai nga ga ai.

dai majaw anhte tam nga ai ndai awng dang ai lam ngu ai gaw ang katut du wa ai lam langai nrai nga ai, tsaw dik ai yaw shada lam ni, atsam marai ni, nshyawm ai ningja ni hte gwi gwi  rawt tsap gala wai lam ngu zawn re ni lam yan law law ni hte sha nrai yang awng dang ai lam hpe lu madu wa lu na nrai nga ai,

 

#youth

#rvakachinservice

 

Add new comment

7 + 12 =