Awng Dang Ai Ni Aten Jahtum Nkam Ai Lam Yan Ni

Awng Dang Ai Ni Aten Jahtum Nkam Ai Lam Yan Ni

          Awng dang ai ni gaw, shanhte a sak prat hta, tianang awng dang mayu ai yaw shada bandung ni tawn da nga ma ai,  dai yup mang shingran ni a matu, aten hpe lu ai daram, hpran lajang let jai lang nga ma ai, aten jahtum kau chye ai lam yan ni hpe mung, mai byim ai daram koi gam chye ma ai re.

Lani mi a setkan, minit, aten ni hpe, shanhte a matu manu dan  ai lam ni hkrai rai nga ai, bai sak prat awng dang ai ni gaw – Social Media ni hta aten majoi njahtum nga ma ai shanhte ni gaw mdeia ginlen lam a ahkyak htum akyu shang ai lam ni hpe chye na nga ma ai, raitim, njai lang nmai nmatut mahkai nmai zawn re ni kaw na lai Social App ni hpe malawng maga pat da nga ma ai hpe mung mu lu nga ai shanhte ni gaw aten hpe akyu nga nga jai lang nchye yang, manu dan ai nang a aten ni hpe ubyi usa ni zawn tsaw ai de pyen mat na rai nga ai hpe dum ra nga ai,

Awng dang ningtawn ai ni gaw mahkyen lamang nnga na lani mi na sak hkrung lam ni hpe mung jahtum ai lam n galaw ma ai, shanhte ni gaw kaning re ai nhtoi ni hta, gara hku galaw sa ra na ngu ai lamang kata lam ka jahkrat chye ma ai, dai lani mi na nhtoi ni hta gara lam hpe madung dat galaw sa ra na ngu ai hpe mung garan lajang let galaw gun hpai chye nga ai re. kaba la ai projects ni hpe tsang hte tsang garan let gara nhtoi ni hta gara madang hta ngut kre ra na lam ni hpe hparan da chye nga ma ai, mahkyen lajang ai lam ni nnga lani mi na sak hkrung lam ntawn nga ma ai hpe lak lai ai hku mu mada lu nga ai

Nang a sak prat awng dang na matu, mai kaja ai mu mada lam ni hpe shangai shaprat u, awng dang na hkrun lam hta, nang hpe hpang hkrat shangun chye ai lam gaw mai kaja ai ningmu nnga shangun ai lam mung lawm nga ai dai mai kaja ai ningmu ni hte myit sawn lam nnan ni gaw, awng dang ai lam hpe htawt sit wa shangun lu ai wan nshat rai nga ai, dai majaw awng dang ai ni gaw akyu ara nnga ai myit hkam sha lam ni hta aten njahtum nga ma ai re

Lak lai awng dang ai ni gaw myit tsang ai lam ni hta mung aten n jahtum nga ma ai nkau ni a sak prat a, myit tsang hpa ni gaw, shinggyim masha ni hting hkang nlu nga ai, nmyit mada da ai laru kaba ni a majaw tsi rung, jak rung ni, dum nta ni hten za mat nna, la hpa nnga ska prat de du mat chye nga ai, raitim, shinggyim a lata hte htinghkang nlu ai, nmai byim ai lam ni myit sawn ai lam hta awng dang ai ni n galaw ma ai

Ningtawn awng dang ai ni gaw, lai wa sai ten na shut ai lam ni a ntsa aten n jahtum ma ai. awng dang ai ni hta, yawng ni shut chye ai zawn sha lai sai ten hta shut ai lam ni nga ma ai, dai hta, dai shut ai lam ni a majaw, nhtingnut ai sha, shut ai lam ni kaw na mahkrum madup la let, awng dang ai lam matut kaba wa shangun nga ai re. dai majaw awng dang ai ni gaw, awng dang wa chye ai shai mat ai shut ai lam ni hta mahkurm madup hpa ji la nna matut shakut hkawm sa nga ma ai re.

Awmg dang ai ni gaw laga wa a galaw sa ai lam ni hta myit maju njung ma ai tsun mayu ai lam gaw, laga wa a rawt jat galu kaba wa ai lam  ni hta, myit n gun atsam ni hpe yu n gun la nga tim, tinang a awng dang lam ni hta sha myit maju jung ai lam galaw nga ga ai. laga wa a awng dang lam hte shingdaw nga nga yang, nang a awng dang ai lam langyan wa na rai nga ai, nang awng dang mayu ai lam hta nang a myit hpe myit maju jung let galaw hkawm sa u, nang shingjawng dang ra na gaw, ahkyak ai masha langai rai nga ai dai gaw, nang sha rai nga ai, laga wa a awng dang ai lam hta mau mahka nna, aten hkum shama kau ngu n gun jaw mayu ai

 

#youth

#rvakachinservice   

 

Add new comment

3 + 6 =