Asum Hkrit Myit Hpe Koi Yen Kau Ga

Asum Hkrit Myit Hpe Koi Yen Kau Ga

Nang gaw awng dang lam langai lu na matu, shakut nga ai wa rai nga ai kun? tsawra ai ramma ni yawng hpe awng dang shangun mayu nngai, dai awng dang na matu,kabau kau ra ai lam ni, gwi gwi galaw ra ai lam ni galaw ra nga ga ai

Awng dang lam langai gaw, loi loi hte lu la mai ai lam gaw nrai nga ai, gwi gwi galaw dat ra ai lam ni hpe, yawng gaw chye na ma ai, raitim, awng dang ai ni a, Gving Up ngu ai , tawn kau, kabai kau ra ai lam ni hpe chye na ai lam gaw nau nnga nga ai hpe mu lu ai, gwi gwi galaw ai hte sha mung awng dang lam nlu la nga ai, tinang kaw na, kabau kau tawn kau ra ai lam ni nga nan nga nga ai re.

Awng dang na matu, nang kaw na,hpa ni tawn kau , kabai kau ra na i?, ja gumhpraw, sut gan, making jinghku manaw manang ni nrai nga ai, nang a bawnu hte, masin salum kata na, myit kya ai myit sawn lam ni, Impossible ngu ai nmai byim na re law ngu ai hkam la lam ni, Ngai gaw hpa tang ndu wa re law ngu ai myit kaji yin la ai myit ni hpe, koi yen ra na lam sha rai nga ai.

Grau Htum Ai Sum Na Hkrit Myit... Nang a awng dang lam hpe jahten chye ai myit masa ni hpe, nang teng sha koi yen ra nga ai. grau nna, madung gaw, awng dang lam a, kaba dik ai gang da ai lam gaw, gara rai kun? sum ai lam hpe hkrit ai myit rai nga ai, dai asum hkrit myit ngu ai gaw, awng dang rawt jat lam hpe pat gang da ai bunghku kaba nan rai nga ai ngu myit hpaji ninghkring ni kaw na sadi jaw nga ma ai, nang gaw, shawng de sit sa na matu, dai sum ai hkrit myit bunghku ni hpe, garum dang manga kau ra nga ai, sum ai lam hpe hkrit nga taw yang, poi nhpang shi ai kaw na hkrat sum  taw nga sai rai nga ai dai sum ai hkrit myit kaba nga ai wa gaw, tinang a shawng kaw na ahkaw ahkang ni hpe mung nmu lu mat nga ai, dai sum ai myit gaw, shyinggyim a atsam marai ningja ni hpe bawng ring wa ai lam hta, hpang hkrat shangun ai sha n ga, atsam ningja ni hkraat sum wa shangun nga ai grau sawng ai gaw, dai hkrit myit gaw, nang a yup mang shingran ni hpe hten run shangun nga ai.

Myit sawn yup mang nnga yang, awng dang lam mung byim pru wa na nrai nga ai

Sum ai lam kaw na mahkrum madup ni,  Thomas Edison gaw sum na hpe nhkrit, myi hprap wan gin shapraw ai hta, lang law law n awng dang ai mabyim ni nga ai hpang jahtum shi awnga dang mat ai shaloi ndai hku tsun da nga ai “ Ngai gaw nsum ga nngai, nawng dang shangun chye ai lam yan 10000 hpe  mu wa nna, mahkrum madup lu la wa nngai nga nna tsun da nga ai bai hkaw tsun ninghkring sara langai mi  mung, “ Sum ai tara lam hpe gara hku mu mada nni, lamana dai sum ai lam hte hkrum wa ai ten nang gara hku nhtang na, asum hpe nhkrit ntsang gwi hkring ai myit ni hte bai nhtang ai lam gaw, awng dang ai prat hpe du wa shangun nga ai nga nan mung tsun da nga ai. Kaja nga yng sum ai lam hpe hkrit nga ai ni gaw,nmu lu ai nat ni hpe myit hta bang da nna, hkrit nga ai ni hte bung nga ai dai majaw sum na hkrit ai myit hpe, ningmu ninnan hte sawk tam na nga yang, hkrit ai myit ni yawm wa lu na re, sum ai tara lam gaw, na a sak prat hpe pat da hkrum ai lam nmai byim shangun nga ai

Nang gaw n-awng dang shi ai sum ai mabyim lam hpe hkap la nna, dai sum na hkrit myit ni hpe gawt shapraw kau ra nga ai.

Asum ngu ai gaw, ahkaw ahkang nnan rai nga ai, Kaba la ai awng dang lam hpe lu madu ai ni yawng, hkrat sum lam ni hpe hkrum katut ga ai ni chyu rai nga ai, raitim, shanhte ni gaw, dai sum na hkrit ai myit ni hpe shapraw kau nna, galau ai kaw na bai rawt lu hkra shakut lai wa ma ai ni hkrai rai nga ai bai shanhte ni gaw, dai sum ai lam hpe ahkaw hkang nnan hku gale la let matut shakut hkawm sa nga ma ai hpe mu lu nga ai. dai majaw asum ngu ai gaw, ahkaw ahkang lam yan langai hte mung bung nga ai, hpang kalang bai galaw shakut lu ai ahkaw ahkang rai nga ai

Asum hpe tawt lai lu yang she awng dang lam lu na rai nga ai.. dai sum ai tara lam gaw, awng dang lam hpe pat shingdang ai lam nrai nga ai, awng dang lam de ganawng dat lu ai atsam marai langai mung rai nga ai. sum na hkrit myit hpe, nang a bawnu, nang a masin salum kata kaw na gawt shapraw kau dat u, hkrit myit nrawng ai sha gwi gwi galaw lu ai ni a sak prat gaw, awng dang lu mai ai lam labu ni hta law law nga nga ai re.

 

#youth

#rvakachinservice

Add new comment

12 + 5 =