Asak Manga Shi (50) Ning Jan Jang Gaw N gun Atsam Yawm Wa Sai Hpe Myit Dum Ra Ai

Ngai kaja wa nan sak hkrung nna mai kaja lam hta nawku hpung sasana magam lam hta nnga tinang a dinghku rawt jat galu kaba lam hta ngai galaw lu ai n gun atsam marai asak aprat gaw nau nngam sai ngu ai hpe myit dum ai,asak kaba wa hpe dum ai ten hta myit kaji garen ai lam ni mung nga wa ai.

Hpa majaw nga yang Asuya magam gun ni nga yang asak (60) ning nga jang magam bungli kaw nna hkringsa nna Pension la ra sai,dai hte maren anhte hpung magam gun ni mung magam bungli ni hpe hpang na magam gun ni hpe ap da ra wa sai. 

Kun dinghku lam hta mung asak kaba wa ai gaw ndum tinang hkrai dinghku kawa re ngu nna Ma ni hpe naw yu kaji ai zawn re ai.Raitim mung (50) jan (60) maga de rai wa jang gaw kashu kasha ni hpe mung shara jaw ra wa ai.

Hpa sha mi galaw na nga tim ma ni gaw hpa nbyin ai shanhte nchye na re,ndai ni gaw ngai myit ai hku byin na nre ngu myit la let tinang hkrai myit jau lajan rai let galaw kau ai lam ni mung law law nga ai.Bai yu jang dai gaw tinang a kashu kasha ni a matu hkret sum lam re ai hpe mu mada ai.Shanhte hpe galaw shangun ap mai ai lam ni hpe shanhte hpe galaw shangun ai ten kaja wa nan shanhte galaw lu ai lam ni hpe law law mu chye lu ai hku re.Dai re majaw tinang a kashu kasha ni hpe shara jaw nna asak kaba wa ai tinang a shara hpe shanhte hpe shara jaw lit jaw ya gaw grau kaja ai hpe mu lu ai.

 Myit kaji ai ngu ai lam hta dumsu nga ni hpe e shanhte n gun atsam rawng ai ten hta grai rai nna shangun sha ai.Ratim n gun atsam nrawng wa ai ten hta shanhte hpe shara njaw kau ai manu nshadan kau ai,ding re ai ni hpe mung dum sawn rai nna ngai hte asak kaba wa sai ni ten hta dai zawn re ai lam hpe hkrum wa chye na re ngu ai hpe myit hpe tau nau nna shaja da ra ahka ngu ai hpe dum sawn lu ai.Hpa majaw nga yang tinang asak kaba wa ai ten hta tinang hkrai shara la mayu nmai ai,tinang gaw hpu shawng hpuba shara kaw nga nna tinang a magam rum manang ni kanau kasha ni hpe shara jaw ra ai.Kun dinghku hta mung dai hte maren kashu kasha ni hpe shara jaw lit jaw ra ai.

Sara John Shadan Hkang Tu Shan- Myo Dwi Lit hkam Tara hkaw sara