Asak (25-35) Lapran na Shinggyim Nga Sa Lam!

Family photo

   Tsaw ra ai Nu Wa Hpu Nau ni e……

1.Shinggyim masha langai a prat hkrun lam ting hta asak (25-35)ning ten gaw pyaw dik,zet tsang dik ai asak prat ten nan rai nga ai.

2.N-gun ja dik ai, gwi dik ai ten,sharaw she rim na kun? Magwi she ga mu na kun?....Asak prat hkrun lam tup a matu ahkyak dik manu dan dik ai Ramma ten nan rai nga ai.

3.Asak prat 25-35 ning lapran ten ladaw gaw prat tup a matu lajang shajin da hpran la ai mung rai nga ai.

4.Jaw ai hte shut ai, kaja ai hte nkaja ai, teng man ai hte rap ra ai lam ni hpe asan sha gin hka chye na matu myit lawm sumru dinglik yu let prat hpe gaw gap hpang ai ten mung rai nga ai.

5.Ramma prat hte maren ramma langai galaw ging ai Amu magam bungli ni hpe hkan galaw nga ai ten mung rai nga ai.

6.Ramma ni a shamu shamawt lam, mare buga shawa bungli ni hkan e ap nawng daw jau nga ai asak prat mung rai nga ai..Magam bungli galaw jin dik ai ten mung rai nga ai.

7.Sum tsan maigan mungdan shara shagu hkan e du hkawm mayu ai the hpa hpe mung nhkrit n gaya ai asak prat ten nan rai nga ai.

10.Lama ma hpe grai nan chyam yu mayu dik ai myit rawng ai ten mung rai nga ai.

11.Tsawra ai Nu Wa Hpu nau ni e…asak 25-35 ning lapran gaw myu hte mungdan a matu ap nawng magam gun na ram dik asak prat ten mung rai nga ai.

12.Myit du ai de hkum du ai ten mung rai nga ai.

13.Dum nta langai mi hta Kanu Kawa ni hte alum ala rau nga ai ten mung rai nga ai …(anhte buga hta)

14.Sum tsaw sum ra lam hte myit kapyaw myit ka htet dik ai ten mung rai nga ai.

15.N hkru n kaja ai, agung alau lam law law hte hkrum sha dik asak prat ten mung rai nga ai..

 

  Shiga madat tsawra ai Nu Wa Hpu Nau ni e..matut nna tinang a asak prat (25-35) ning lapran ten shawng lam prat tup a matu lajang shajin shakut shaja da ra ai lam ni hpe tang madun mat wa na nngai.

1.Tinang prat tup a matu arang bang hpang ra ai ten rai nga ai.

2.Tinang a byin mayu ai pan dung kaja langai hpe masat la da nna dai ban dung du hkra shakut sa wa ra ai asak prat ten mung rai nga ai.

3. Laika buk law law tam mari hti nna hkaja la ra ai.Hkum hkrang hkam ja lam a matu shamu shamawt gin sup lam galoi mung man man galaw ra ai.

4.Nta masha yawng a matu shadu lu shadu sha ai akyang hpe shamawn ra ai.

5.Lai wa sai ten na tinang a shut ai lam ni hpe malap kau ra ai.

6.Kun dinghku de na matu ningrum ningtau kaja hpe lata yaw masing da ra ai.

7.Kanu Kawa ni hpe jahkring hkring hkrum shaga ,gawn lajang ra ai.

8.Dinghku a matu lajang shajin hpang ra sai..Tinang a kan bau bungli langai hpe madung dat galaw sa wa ra ai.

9.Tinang hkum tinang ga san grai san ra ai ten mung rai nga ai.

 

Add new comment

2 + 4 =