Ahkyak Ai Lagaw Lahkam Mi ( Youth Program )

Ahkyak Ai Lagaw Lahkam Mi

Bandung nga ai de lagaw lahkam sit sa sana nga yang, nnan hpang ai lagaw lahkam mi gaw, grai nan ahkyak la nga ai, dai lahkam hta, nshayawm ai atsam marai ni hte, mayak lam ma hkra hpe tawt lai lu ai atsam, dai taw nga ai shakut katu ai lam ni hte gum hpawn nna galaw ngut sai nga yang, nnan hpang dat ai lagaw lahkam mi gaw, bandung de lahkam mi grau ni htep wa lu na teng sha rai nga ai

 

Makau grupyin hta, tinang zawn sha, lagaw lahkam nga ai ni law law rai nga ai, dai ni a kata hta, tinang hta shawng de du magang nga sai ni hpe mung mu lu nga ai, dai zawn tinang hta shawng du nga ai ni hpe yu yu dat yang, tinang zawn sha lagaw lahkam mi the hpang wa ai mahtai sha pru nga ai re, shanhte ni mung dai zawn lagaw lahkam mi lu htawt sa wa lu na matu, nshayawm ai atsam marai hte mayak lam ma hkra hpe tawt lai gwi ai atsam ni katu sharawng ai lam ni shangai shaprat la ma ai hkrai sha rai nga ma ai re, deng yang she madung yaw shada hkawm sa mayu ai lam a matu, awng dang lam a asi apu ni hpe hkam sha wa lu na rai nga ga ai

 

Ndai zawn shawng lam hkrun lam de hkawm sa ai ten hta, ra rawng shut shai gawng kya ai ten ni hte mung hkrum sha chye na re dai ten myit daw myit hten nra nga ai, jaw ai lam gaw shut ai lam ni hte hkrum nna she byin pru wa ai mahtia kaja ni rai nga ai, myit malang ai myit hte tsaw ai shara de du hkra mai kaja ai lam ni hpe npawt da let, myit mang galaw sa na nga yang, hkrum wa ai shut ai lam ngu ai lam ni yawm wa lu nna, mat mat wa na rai nga ai, dai ten, ninggam hte ninggam lagaw lahkam ni htawt sit mayu wa hkra n gun atsam ni hpring wa lu na rai nga ai, hkawm sa ai hkrun lam hta mahkrum madup ni law law lu wa na rai nga ai, dai mahkrum madup ni kaw na machye machyang ni  law htam jat wa na rai nga ai, dai machye machyang lam nig aw, awng dang ai lam  hpe matsun ya lu n ani mung rai nga ga ai

 

Mungkan hta mahkrum madup law law nga ai sak prat gaw, manu tsaw ai sak prat nan mung rai nga ai, mahkrum madup ngu ai lam ma hkra hta mung, lak san tam bram nna lu la ai lam nrai nga ai, tinang yaw shada da ai magam bungli, tinang lit la da ai ni a ntsa, n shayawm ai atsam ni hte, tinang hta nga ai marai ni yawng hte galaw shakut ai hta shi chyu shi lu la wa ai lam rai nga ai,dai mahkrum madup ni mahkawng da lu magang shut ai jaw ai lam ni hpe gin hka mu mada lu wa na mung rai nga ai

 

Bungli magam lit ni yawng hpe, kyet hkra galaw ai lam, hkrum sha wa na mayak lam ni yaw hpe  hkam jan nna, hparan tawt lai ai lam, rawt jat wa na lam ni yawng hpe myit mang tam sa wa ai lam, kaning re ai Mungkan a mayak lam ni hte hkrum sha nga wa tim, myit ndaw ai sha, n gun yawm ai lam ni nnga let galaw grin ai  jaw ai lam ma hkra hpe galaw hkawm sa ai lam gaw, awng dang lam a chyinghka hpe akawk nga sai mung rai nga ai. Myit masa mung maja, yaw shada lam mung ngang kang wa sai nga yang, sak prat hta kaba la ai atsam marai ni lu wa na rai nga sai, masha shagu hte  nlawt lu ai lam gaw shut ai lam rai nga ai lamana shut ai lam langai ngai hpe galaw hkrum sai nga yang myit hpe malang ai hku da let, tinang shut sai lam hpe hkam la let, galai shai lu na matu shakut ra nga ai

 

 hkra shangai shaprat da let, awng dang na lam de du wa lu na matu, ngai lu shakut ai ngu myit hta katu nga let lagaw lahkam nnan hpe hpang lu hkra dai ni kaw na shakut sa wa saga ngu gam garan dat let

 

#youth

#rvakachinservice

Add new comment

1 + 2 =