(53) Lang Ngu Na Mungkan Mungkan Gumhpawm Mungdan Misa Hkungga Hpawng Kaba Hpe Ecuador Mungdan Hta Galaw Na Matu Sha-ang ai shiga!

Wa Sarabyin Francis Iraq Mungdan kaw nna Vatican de bai htang wa ai shaloi September shata hta International Eucharistic Congress “Mungkan Gumhpawng Mungdan Misa Hkungga Hpawng Kaba “International Eucharistic Congress” ginchyum dat shangut ai Misa Hkungga nawng jau woi na matu Hungary mungdan na Budapest de sa du na lam tsun March 9, 2021 hta Vatican Shiga Dap kaw nna ndau lai wa sai.

Ya galang mi bai, (53) lang ngu na mungkan gumhpawng mungdan Misa Hkawngga Hpawng Kaba “the 53rd International Eucharistic Congress” hpe Ecuador mungdan hta galaw na matu masat shagrin ndau dat sai lam March 9, 2021 hta Vatican Shiga Dap kaw nna bai ndau da ya ma ai.

(53) lang ngu na mungkan gumhpawn mungdan Misa Hkawngga Hpawng Kaba “the 53rd International Eucharistic Congress” hpe 2024 shaning hta galaw na rai nna Ecuador mungdan Quito mare kaba hta galaw na matu Ecuador mungdan, Quito mare kaba kaw na Saradaw Kaba hpyi shawn da ai hpe Wa Sarabyin Francis hkap la masat shagrin dat sai lam chye lu ai.

 “The Pontifical Committee for International Eucharistic Congresses kaw nna hkuk shapraw dat ai ndau laika “statement” hta “galaw na shaning gaw 2024 rai nna, mungdan na “the Sacred Heart of Jesus” hpaw, shaman ai (150) ning hpring Jubilee masat dingsat n’htoi hta galaw na” ngu rawng nga ai lam March 20, bat kru ya shani, Vatican Shiga Dap kaw nna bai ndau da ma ai.

Ndai Mungkan Gumhpawng Mungdan Misa Hkungga Hpawng Kaba gaw Latin American Dan ting a galu kaba galai shai ngang grin wa ai apu asi (akyu ara) ni hpe shadan shalen wa na ra ai lam committee kawn tsun da ma ai.

Ndau laika hta Wa Sarabyin Francis Budapest de” (52) lang ngu na Mungkan Gumhpawng Mungdan Misa Hkungga Hpawng Kaba “the 52nd International Eucharistic Congress” hpe  September 5-12 ya lapran hta galaw na rai nna, Hungary mungdan, Budapest hta galaw na re lam mung tsun da ai.

Mungkan Gumhpawng Mungdan Misa Hkungga Hpawng Kaba ginchyum dat Misa Hkungga nawng jau woi na matu September 5, 2021 hta Budapest de Vatican kaw nna rawt sa wa na re lam Irap hkrun lam kaw nna nhtang wa ai shaloi Wa Sarabyin Francis hkum nan shiga la masha ni hpe tsun dan da ai.

“Eucharistic Congress” Misa Hkungga hte seng ai zuphawng kaba hpe Saradaw ginwang madang, mungdaw madang, mungdan madang, mungkan madang ngu masat nna galaw mai ai.

Mungdan madang “International Eucharistic Congress” hpawng kaba hpe gaw Wa Sarabyin hkum nan saw shaga nna galaw ai, shing n rai, Saradaw zuphpawng kaba “Bishops’ Conference” hta Saradaw ni tang shawn wa ai hpe dai Saradaw zuphpawng kaba kawn bawngban daw dan nna galaw mai ai.

“International Eucharistic Congress” hpe Fransik (France) mungdan, Lille hta 1881 shaning hta shawng ningnan hpawng hpang ai rai nna, ya du hkra rai yang, mungdan shara law law hta galaw lai wa sai rai nga ai. Hungary mungdan ndai lang galaw ai zuphpawng gaw lahkawng lang ngu na lang rai sai lam chye lu ai. Lai wa sai 1938 shaning, Budapest kaw sha shawng na lang galaw lai wa sai lam chye lu ai.

Vatican Shiga Dap kaw nna ndau da ma ai.

Translated by Fr. Patrick Gawmaw Hkawng Yae

#vaticannews

#rvakachinservice

20 March 2021, 12:00

https://www.vaticannews.va/en/pope/news/2021-03/pope-international-eucharistic-congress-quito-ecuador-2024.html

Add new comment

3 + 7 =