Manu Dan Ai Mayak Ni ( Youth )

 Manu Dan Ai Mayak Ni

Anhte nang ngai shagu hta, kaning re ai manu jahpu njaw ra ai sha, law ai nlaw ai shadang ni hte hkrum tatut nga ai lam gaw, Mayak jam jau lam ni rai nga ai, sa pra na yak la ai anhte shinggyim sak prat hta, nkau ni gaw, akyu ara byin hkra, manu dan hkra, nga sa nshakut ai sha, sak prat hpe kaman byin hkra nga shatai let, sak prat jahtum kau ai ni mung law law rai nga ga ai

Anhte gaw, shangai wa ai ten kaw na hpang let, sak htum ai du hkra hpe sak prat langai ngu masat ai rai yang, sak prat ting hta, mayak lam ni gaw hkrum wa na sha rai nga ai dai aten, Mungkan a mayak lam ni hpe nhkrit ai sha, myit marai ngang ngang da let hkawm sa tawt lai lu hkra shakut ra nga ga ai re, sak prat ting hpe man up hkrum kadup ai shaloi, myit marai ngang grin let tawt lai ai wa gaw, Mayk Lam Ngu Ai Gaw, Rung Hte I ngu myit sawn da let hkawm sa tawt lai nga ma ai, du pru wa na jam jau lam ni hpe nkoi kau dat ai sha, man ap hkrum let adawt na sha rai nga ai, kaning re ai lam ni hte mi gang da gang da, mayak law ai lam raitim, myit shuk mat wa ai lam ni, myit ung ang mat ai zawn re ni nnga let, kahtap kahtap re nna, lang law law byin wa ai du hkra, man ap hkrum adawt wa let, awng dang lam hpe lu wa hkra, shakut sa na ni rai ra nga ga ai,

Dai hta, mayak jam jau lam ni hpe bawnu kaw nbang da ai sha, tinang galaw sa wa ra ai lit magam lam ni yawng hpe, 100% hpring lit la let, n galaw nmai  galaw shakut sa ra na ra nga ga ai, dai zawn galaw ai lam gaw, marai hpring nga ai wa mung rai nga ai, jaw nga ai, marai ngu ai  gaw, magam bungli masa lam langai hpe, n awng dang nmai lu la na matu, ngang ngang kang kang galaw shakut ai lam rai nga ai, hka htung htu ai lam hpe yu yu yang, pay nlaw hte htu ai hte sha gaw, hka kaja  nlu nga ai, pay sung sung htu yang she hka lam  hpe htu lu nna, ra kadawn ai hka jasan  kaja hpe lu wa ai lam rai nga ai, ndai lam gaw, mayak lam ni hpe hkrum kadup tawt lai wa ai a marnag e  lu la wa ai manu dan ai akyu ara ni rai nga ga ai

Anhte ni gaw, masha langai awng dang  wa ai a ntsa, dai wa a, dan dawng awng dang wa ai lam hpe sha, mu mada, chye da chye nga ga ai, dai wa dai zawn dan dawng n awng dang wa ai ai shaloi kaning re ai mayak kaba ni hte tawt lai wa ai anhte nchye nga ga ai, kade daram atsam mrai ni dat let shakut hkawm sa lai wa ai kun ndai lam ni hpe nsawn yu nga ai law nga ga ai re.

Kaja wa teng man ai awng dang lam ngu ai hpe kadai mung loi loi hte lu la nga ga ai nrai nga ai, langai ngai hpe lu la madu mayu yang, dai langai ngai hte, manu bung ai, maren mara re ai manu hpe sak jaw ra nga ga ai re, mayak lam ni hpe hparan ra nga ga ai re, awng dang lam lu na matu, mayak lam ni hpe hparan  ai lam hta, marai hpe npawt da let, nhprai ai sha galaw sa wa ai rai yang, magam bungli ni hpe mung, npawt kaw na kungkyang wa let awng dang ai lam hpe lu madu wa na teng sha rai nga ai, kaja wa nga yang, sak prat hta, ndung de du hkra du wa lu ai ni yawng gaw, mayak lam ni hte hkrum katut wa ra chyalu rai nga ai

Ndai hta Bum n’tsa de du mat wa ai shaloi bum npu na ni yawng gaw, kaji mat chye nga ai zawn, awng dang ai lam de lu madu wa mat ai ni yawng a matu, mayak lam ma hkra ni mung kaji mat wa chye nga ai, ndai shara hta,  mayak mahkak lam ni law law nrai, kaji mi hkrum sha wa ai hte, koi yen  koi gam kau chye ai ni gaw,  shut shai ai akyang lu la dat sai hte mung bung nga ai, dai zawn re nga ai ni gaw, mayak lam ngu ai ni hta, manu nga wa na nrai nga sai re, dai zawn awng dang lam ahkaw ahkang ni mung lu madu wa na nloi la nga ai majaw rai nga ai dai majaw kaja wa mayak lam ni hta, manu dan ai lam ni law law nga nga ai ngu shadum  ya let,

#youth

#rvakachinservice