Jawm Pawng Galaw Sa Ai Lam

 Jawm Pawng Galaw Sa Ai Lam

Jawm Pawng Galaw Sa Ai Lam ngu ai hta hpan lahkawng nga nga ai, shawng na hpan gaw, awng dang lam myit masa hpe byin pru wa hkra galaw shakut ai lam yan hte maren, langai ngai yaw shada lam a matu, masha chyawk mi, langai hte langai jawm pawng galaw sa wa ai lam rai nna,lahkawng ngu na hpan gaw, tinang langai hta sha nga ai myit kraw kata na myit marai hte, shinggan de na myit marai hpe pawng hpawn galaw sa wa nna, gin shalat lu ai ngyan marai hte galaw shakut sa ai lam ni rai nga ai

 

Lam yan ladat jaw jaw  hte hpaw ninghtan let jawm pawng galaw sa ai lam ngu ai gaw, grai nan kaba ai atsam ni hte awng dang lam ni hpe lu wa shangun nga ai anhte shinggyim sak prat hta awng dang lam lu na matu, jawm pawng galaw sa ai lam mung, tinang hkrai galaw ai atsam hte galaw shakut nga ai hta grau lawan ladan awng dang ai lam hpe lu wa na rai nga ai. Dai majaw, myit rum mang rum let pan dung hkawm sa ai bung ai manang ni hte, jawm pawng galaw ai lam mung awng dang lam hpe lawan ai hku lu madu wa lu na lam hpe tsun dan mayu ai law.

 

Bai Lahkawng ngu na hta, kraw kata kaw nga ai myit hte, shinggan kaw nga ai myit jawm pawng galaw nna, gin shalat lu ai ngyan hte pawng hpawm galaw dat ai shara hta, ahkyak ai lam gaw magam bungli galaw ai lam rai nga ai, magam bungli galaw ai a nhtan shai ai lam gaw, galaw na matu aten lata htawt sit ai lam rai nga ai, myit sawn ai lam ningmu kaja ni kade daram daw dan jahkrat lu nga tim, magam bungli nhkan nang yang gaw, awng dang ai lam hpe lu madu na nrai nga ai.Anhte shinggyim masha ni gaw, madu hkum madu rawt jat awng dang ai sut du langai byin na matu, myit shingran daw dan jahkrat da nga ai lam mung, jaw nga ai masa kaw rai nga tim, myit shingran sha nga taw nna, magam bungli gaw n galaw nga yang, tatut nlawm ai majaw hpa mung byin wa lu na nrai nga ai magam bungli hpe aja wa galaw shakut mayu ai myit hpe akyang langai byin hkra galaw ra nga ga ai, ndai akyang gaw myit marai n gun hpe mung rawt jat wa lu na rai nga ga ai

 

Magam bungli galaw ai ngu shara hta, hpan lahkawng nga ai hpe mung mu lu ai, langai gaw, hkum hkrang a bungli rai nna, hpang langai gaw, myit a bungli rai nga ai myit kaw na bungli galaw nga taw tim, hkum hkrang gaw magam bungli n galaw nga ai masa mung nga nga chye nga ai, ndai gaw, myit shingran hte bungli galaw ai lam rai nga ai, hkum hkrang mung, myit marai mung magam bungli galaw nga ai hpe sha tatut lawm ai magam bungli galaw ai lam ngu mai tsun nga ai re. Anhte shinggyim masha ni hta, tinang hte seng ai magam bungli ni hta, ningtawn ai ni, myit hte seng ai magam bungli hta, ningtawn ai ni ngu hpan lahkawng bai garan nna yu ga nga yang mung bai mai nga ai dai majaw tinang gaw gara maga grau nna ningtawn nga ai kun ngu ai hpe san jep dinglun yu nna, tinang hte htuk manu ai magam bungli ni hpe lata sa wa ra na rai nga ai lam shadum n gun jaw mayu ai

 

Hkum hkrang magam mi rai rai, myit magam bungli mi rai rai galaw shakut sa ai lam hta, kaba dik ai hpyen gaw lawt ga tsun chye ai lam hte, galaw ra ai lam hpe htawt sit kau chye ai lam rai nga ai ndai zawn hpyen ni hpe dang kau lu ai lam ni hpe mung tsun dan mayu ai dai gaw, shani shagu ni hta, tinang nkam galaw ai magam bungli hpe shawng nnan hpang galaw chye ai akyang lailen hpe shangai shaprat la u, shawng daw hta mayak lam ni hkram wa nga tim, hpang de akyang byin wa yang, yak dik htum hte, nkam galaw dik magam bungli gaw shawng hpang galaw na nyak wa na teng sha rai nga ai, 2 hta tinang galaw lu ai lam hpe laga wa hpe tsun ai hku nrai sha, tatut magam bungli hte sak se madun na ngu ai hpe myit da ting tawn da chye ra ai, 3 hta,yupra nshang shi yang, hpawt de galaw grin ai lam magam bungli ni yawng hpe, nhtawt sit kau ai sha galaw na, yak hkak dik magam lamhpe shawng galaw na ngu myit da ting tawn let galaw shakut sa wa u 4 hta, dai zawn shani shagu myit da ting da let galaw sa mat wa na nga yang, tinang yaw shada da ai ban dung de kaja wa hkrak du wa lu na lam hpe kam da ra nga ai dai hku rai yang, anhte ni kade mi yak hkak hkrum nga tim, ndai mayak lam ni hpe tawt lai let, anhte ni du mayu ai ban dung yaw shada lam de hkrak sha nang ngai yawng du wa lu na re ngu

 

#youth

#rvakachinservice     

Add new comment

1 + 19 =