Bungli Ningmu ( Youth Program )

Bungli shagu hpe ramma ni hku nna, ningmu 3 hte mu mada gring nga ai. Shawng na bungli hta ( Myit Sawn Yu Ai Bungli ) rai nga ai, hpa galaw ra na ngu ai hpe shawng myit sawn ai lam rai nga ai, Lahkawng ngu na bungli gaw ( Nang A Bungli ) rai nga ai, hpa galaw gring nga ai hpe daw dan ai lam re. Masum ngu na bungli gaw ( Kaja Wa Nan Galaw Ai Bungli ) rai nga ai, nang gara bungli hpe galaw sana ngu daw dan da sai hpe, byim hkra galaw ai lam rai nga ai, shawng daw hta, myit sawn na, lahkawng hta, daw dan jahkrat na, masaum na byim hkra galaw  na ngu ai ndai lam yan masum gaw, ramma ni magam bungli a ntsa tawn da gring ai bungli ningmu ni rai nga ai.

Bungli shagu hpe galaw gring n galaw gring myit sawn lu ai atsam nga na, dai myit sawn lam hta, bungli gaw kaja wa galaw na sharawng ra ai hpe tsun mayu ai, myit sawn nna myit sawn, ndaw dan lu shi ai majaw, n galaw byim ai ngu ai ten galu hkra nga let, aten nmai jahtum nga ai, nkau bungli ni gaw, ahkaw ahkang lahkang lang nlu nga ai majaw rai nga ai.

Shawng nnan hpa galaw mayu ai i, galaw mayu ai bungli ni yawng hpe laika mai sau hta ka jahkrat da u, langai hpang langai kata lam masat lam ni hpe ka jahkrat dat ai a marang e, bungli shagu hpe kaning re ai bungli gaw, madung tawn da gring ai lam dan dawng wa lu na rai nga ai.

Tinang hte nhtap htuk ai ngu shadu ai magam bungli ni hpe langai hpang langai shale kau dat u, yang hpe nra sharawng nga ai, ra kadawn dik, galaw mayu dik, galaw gring ai bungli hpe, jahtum nga ai ten du hkra langai hpang langai mai byim ai masa hte matut manoi let lata ra ai, byim mayu ai hta, byim gring ai hpe madung da lata sa na ahkyak nga ai ngu n gun jaw mayu ai.

Ramma ni hku nna, myit sawn da ai magam bungli ni hpe hkan galaw ai ni law nga ai, tinang myit lawm ai lam hte, tinang a hpaji, prat rawt jat na lam hpe nyu, gumhpraw lu yang rai sai ngu ai masa hte, lu ai bungli ni shang galaw ra ai ni mung naw nga ai, galaw mayu ai hte, galaw nga ai lam laga san san rai nga ai majaw, myit lawm tim galaw, nlawm tim galaw rai nga ai, mahtai gaw hpa ta? myit nlawm ai sha galaw ra ai majaw, lit langai zawn sha byim wa ai, bungli hpe shata shabrai lu yang rai sai ngu ai lam hte galaw nga ai majaw, tinang a matu mung, akyu nnga, bungli a matu mung rat jat lam nnga, bungli madu ni a matu mung akyu nnga byim wa ai law nga ai hpe mu lu ng ai.

Bungli ngu ai gaw, sharin hkam la ai lam nga ra ai, kade ram sharin hkam la na, prat tup sharin hkam la ra na rai nga ai, prat tup sharin hka ja la nna, n nan gin shalat lu yang she, bungli magam mung awng dang, tinang mung ngwi pyaw lu na.

Nkau ni bai rai yang, Shingnip hta shingbyi nna,mayak nnga ngu shadu kau chye nga ai, raitim, mayak nnga na hpun hpe nhtu hte kahtam nga ai lam chye yang she chye na, myit masin ni galai shai ra ai lam hta, bungli hpe n galaw shi yang myit sawn da gring ai  ( Myit Sawn Yu Ai Bungli ) rai nga ai ngu. n gun jaw shadum dat let,

#youth

#rvakachinservice