Shangai La Gring Ai Myit Sawn Lam Ni ( Youth )

  Shangai La Gring Ai Myit Sawn Lam Ni

 

Masha shagu loi loi hte galaw lu ai lam gaw myit shingran yu ai lam rai nga ai, shingran yu ai lam ngu ai gaw, anhte ni chye myit mang ai ten ni kaw nna, chye wa ai machye machyang langai mung rai nga ai, dai a matu, sara ngu mung nga na nrai nga ai. Myit shingran ai lam hpe nkau gaw, myit hte maju jung ai lam ni gayau let, maju jung  ai lam ni de gin len yawng wa ai lam rai nga ai.

 

Nkau gaw myit shingran ngu ai gaw, myit hte mu mada ai lam, myit hte madat mara ai lam, myit hte  sama hkam ai lam, myit hte hkra dat ai lam, myit hte  myit hpe kanawn mazum ai lam ngu lachyum hpaw ma ai , shi mu jut hte shi ni gaw jaw ai lam ni chyu rai nga ai, myit sawn ai lam langai byin pru wa na matu, kaning re ai mayak ni mung nnga nga ai. Anhte ni a bawnu hpe dinglik saw kyu yang, Computer a, n-gun atsam ni nga nga ai, kalang lang computer ni hta pi grau kaja nga ga ai, dai a matu, bawnu hpe jak rung langai zawn jai lang akyu jashawn lu ai myit shingran ai lam gaw, tinang a du mayu ai ban dung de du lu hkra shi chyu shi bawnu hpe hting hkang akyu jashawn lu nga ai hpe mung mu lu nga ga ai.

 

Tinang a ra sharawng ai lam hte, shamu shamawt ai lam shagu gaw, myit shingran ai lam hpe npawt da let, paw pru wa ai lam mung rai nga ai dai re majaw tinang a myit shingran lam ni hpe mai kaja hkra, chye na hkawn hkran da na matu mung ra ahkyak la nga ai re, myit shingran a, shingra masa lam ni hpe mai kaja hkra hka ja da ra na mung ra nga ga ai, ndai shara hta myit shingran a atsam shadawn shadang ni hpe masha shagu nchye ga ai, myit shingran a atsam gaw, shinggyim mahsa hta, dai shingran ai lam ni gaw grau nna atsam dai chye nga ga ai, dai lam yan ni hpe nchye na ga ai majaw nkau gaw,  manu dan ai myit sawn lam ni hpe shut shai ai hku jai lang chye nga ga ai hpe mung mu lu nga ga ai.

 

Dai majaw anhte nig aw, myit shingran hpe ahpa atang nsawn da ai sha, htinghkang matsun la na ran ga ai, nrai yang hkrup mara byin mat chye nga ai dai lam yan hpe sadi nmu ai majaw manu dan ai myit shingran lam ni hpe akyu nnga kau shangun chye nga ga ai kaja wa sha myit shingran ngu ai gaw, madung sa lam langai de shing nrai myit maju jung lam de mi rai rai, du sa lu yang sha, kaman lila ntai mat ai sha manu dan wa lu na rai nga ga ai hpe tsun dan mayu ga ai law

 

Anhte ni galaw sa nga ai magam bungli ni hta, myit sawn ai lam ni nkaja yang, nkaja ai myit sawn lam ni rai taw yang,, magam bungli hte seng ai lam ni hta hkra machyi wa ai sha n ga, sari sadang maga de mung hkra machyi wa chye nga ai re, myit sawn shingran ngu ai gaw, manu jahpu njaw ra ai re majaw ng anna mung nmai yuk aji nga ai, myit sawn kaja ai wa gaw, hpaji kaja chye jaw ai wa rai nga ai, dai ni a matu, kaning re ai mabyin masa lam hta tim, akyu ara nyawm nga ai, sut masa lam hpaji jaw, tara upadi hpaji jaw, mung masa hpaji jaw, gum san magam wa hpe hpaji jaw zawn re ni hpaji jaw ai nig aw, myit shingran kaja ai nga chye ai majaw mung rai nga ai, shingra tara a atsam marai ni, hpawm chyawm nga ai nta gaw, myit shingran nta byin wa nga ai, myit shingran a shingra tara gaw,  masha langai a matu sha n ga, shingyim masha ni shamyet shanat nga ai Mungkan ting hte mung seng nga  ga ai

 

Deng yang tsawra ai Ramma ni dai ni anhte nang ngai ni kaning re ai myit shingran ni shangai shaprat la ra na kun? Dai a matu, mai kaja ai myit sawn lam, madu hkum nan sha n ga tinang a makau grupyin, tinang a Mungkan ting a ntsa akyu ara jaw ai myit shingran ni hpe shangai shaprat la gring nga ai ngu mu mada lam langai hpe garan dat let

 

#youth

#rvakachinservice    

Add new comment

11 + 0 =