Lam Yan Jaw Na Matu, Myit Maju Jung Lam Galai Dat U ( Youth Program )

  Lam Yan Jaw Na Matu, Myit Maju Jung Lam Galai Dat U

Bungli law na mi rai rai, galai shai ai lam nnga na, bungli langai hta sha galaw sa wa ai shaning ni law wa nna, ajin aban rai wa ai mi rai rai, kun dinghku, sut masa lam, shinggyim  lam kaji kaba ni law htam shuk nga ai mi rai rai, myit shuk nga nchyi wa chye nga ai,

Masha langai gaw myit shuk nga npyaw wa sai nga yang, pawt sindawng ai lam ni law wa chye nga ai, shawoi na mabyin lam nbyin shi ai ten laman hta pi, lawt lam, langai hku nna, kapaw mayu chye nga ga ai re, tinang a myit hpe htinghkan lu ai masha ni gaw, teng teng jaw jaw, hting hkang lu nga tim, tinang a myit ni hpe hting hkang lu ai atsam ni yawm nga ai ni a matu gaw, shut shai ai hku kapaw chye nga ga ai hpe mung mu lu ai. Shut shai ai hku kapaw sai nga ai kaw na gaw, nbyin grin ai lam ni byim wa chye nga sai re, dai zawn byin wa yang gaw, tinang a akyu ara sut masa lam ni, shyinggyim kanawn mazum lam ni, dinhku lam ni langai ngai hta, hkra machyi wa na gaw teng sha nan rai nga ai re.

Dai zawn hkra machyi wa na akyu ara ni gaw, nlaw la ai rai yang gaw, tsun shara nnga nga ai, sak prat langai ting hte rang nna ahkayk ai lam yan ni nga yang gaw tinang a sak prat lam yan langai ting hpe hkra machyi shangun ai lam ni hpe gaw koi gam sadi ra na hpe tsun dan mayu ai, ndai gaw myit shuk wa shangun ai a byin pru wa na masa lam ni rai nga ai

Prat maka hkrum katut wa ai lang law wa ai shaloi gaw, myit kaji myit daw ai lam ni, myit daw ai lam ni tinang a tsaw ai myit marai atsam nig aw, grau grau hprang wa chye nga ai re, myit marai n gun ni hkrat sum wa sai nga yang, myit a atsam marai ni yawm w anna, gara hku lam yan ni hta mung byin wa hkra nlu galaw mat ai rai nna, shut ai lam ni hte, ra rawng gawngkya lam ni hte hkrum katut wa na re ai.myit shuk ai lam hte myit daw myit kaji ai lahkawng gaw, myit hpe gyip wa shangun nga ai, dai hta e, mai gan mungdan law law ni hte shara nkau mi hta, dai myit daw ai  ana yaw ga law w anna, nkau myit marai ngang kang lam ni yawm ai masha ni gaw madu hkum madu sat si ai madang de du mat nga ai lam mu chye na chye lu ai hte shadang law nga sai hpe mung mu lu nga ai   

Dai majaw tinang a myit hpe gyip gyeng ai kan nbyin hkra myit masin hkum hkrang yawng hpe shadang hpring hkra hkring sa la chye ra nga ai, dai zawn myit masin hkum hkrang yawng hkring sa la dat ai gaw, n gun n nan ni bai ban ya lu nga ai re. ga shadawn  shana maga daw hta, myit daw myit shuk ai lam mabyin ni nga na nga yang, manang langai ngai wa nang hpe saw shinggan le hkawm let hpalap seng s ga ngu shaga dat ai hku mi rai rai, madu hkum nan ra sharawng let shara ra de sa du shalan shabran dat ai hku mi rai rai tinang a myit hpe hkring sa la dat u ngu tsun mayu ai

Madu a myit madu hkum hpe lam yan kaja de du wa hkra myit maju jung lam galai kau dat u dai aten hta myit npyaw hpa lam ni, myit tsang ra ai lam ni ma hkra zet tsang w anna, tinang hkrum katut ra na manghkang mahkra hpe hparan lu na rai nga ga ai, dai zawn galai bang lu ai myit hte, man ap hkrum tawtlai lu na matu tianang hku nna shaman shakyang chye da ra na rai nga ai hpe gaw aja wa shadum n gun jaw mayu ga ai law, dai zawn madu a myit hpe dang lu thing hkang lu sai nga yang tinang a makau grupyin hte madu hkum nan garan ginhka byin wa ai lam mahkra hpe chye lu na rai nga sai re, lamana tinang gaw langai ngai hpe galaw lu ai ngu myit sawn dat ai hte dai bungli hpe tinang lu galaw na ahkaw ahkang ni law htam jat wa na rai nga ai,

Tinnag mai kaja hkra byin wa  sai aten ni, galaw sa ai lam ni hpe bai mu lu  akang ni hpe shangai la ra ai, tinang byin mayu ai tinang a sak prat hpe galoi mung dum u, grau nna tinang hpe hpring tsup hkra galaw ya ai magam lamni shakut ai lam ni hpe dum ra ai, myit maju jung lam hpe galai ai lam gaw hpri sharaw hte bung nga ai tinang a yaw shada ban dung de du sai ngu myit sawn dat u, dai aten tinang a awng dang lam ni de gang dat ai hpri sharaw a gang la n gun zawn gang lu ai lam langai ngai hpe nang hkam sha lu wa na rai nga ga ai.

#youth

#rvakachinservice