Ramma Hte Mai Kaja Ai Ningmu

Kaja ai ningmu ngu ai gaw hpa rai nga yang, nkaja yang kaja hkra galaw , kaja ai rai yang, grau kaja hkra galaw shakut ra nga ai, kaja ai mahtai pru ra na ngu ai myit hte, mai kaja ai yaw shada lam ni hte galaw chye na ahkyak nga ai ngu mu mada ai. Hpa ngalaw shi ai kaw na, byim wa na nrai nga ai law ngu ai ga gaw, matut hkawm sa na hkrun lam hpe pat tawn da ai hte bung nga ai, kaja ai ningmu ngu ai gaw wan nshat ninggun langai mung rai nga ai, dia mai kaja ai ningmu rawng ai myit hpe, pyaw ai lam gaw ala taw nga ai, myit simsa yang hkum hkrang mung hkam kaja ai mahtai ni lu la wa lu na teng sha rai nga ai law.

Awng dang nga ai ni a sak prat ni hpe yu yu yang, mai kaja ai ningmu myit ni hte hkawm sa lai wa ai majaw, pan dung de du wa lu ma ai hpe mu lu nga ai, dai ni gaw, myit marai ngang gring nna, byin nan byin ra na, awng dang ra na ngu ai mai kaja ai ningmu sak hkrung lam ni hte prat majan ni hpe tawt lai wa ai ni hkrai rai nga ma ai, dai zawn mai kaja ai myit sawn lam ni tawn da lu yang hkam la lu ai akyu chye ju ni gaw, tsampu tsampa myit ni yawm wa lu ai, grau nna hkam kaja lam lu la ai, madu hkum hpe kam ai myit ni tsaw wa lu ai, sak kalu  ngwi pyaw lam lu na, manaw manang law htam jat wa lu ai hte, ngang gring ai daw dan lam ni lu jahkrat nna, magam bungli ni grau awng dang wa lu ai nga nna tsun da nga ai hpe mu lu nga ai, bai ndai hta dai zawn kaja ai myit sawn lam ningmu ni lu tawn da lu na matu ra kadawn nga ai ni gaw..

1.Kaja ai lam ni hpe sha tsun u... Nlu galaw ai, nmai byim ai ngua i ga ni hpe nmai tsun ai, yawng hpe pyaw pyaw law law hte tsun shaga lu na matu shawng shakut yu u, hpa mi byim tim, myit ndaw ai, nlu lu hkra galaw shakut na ngu ai hte n gun la chye ra ai.

2.Nkja ai myit sawn lam ni hpe gawt shale kau u, Nkaja ai myit ni hpe dai ni kaw na gawt shapraw kau sai ngu myit sawn la dat u, ngai gaw awng dang lam hpe dang manga lu ai wa re ngu masat la ra ai, sak prat hta lani mi ngu ai sak hkrung lam kadun ai laman myit simsa ai hte nga sa mayu yang, yawng hte hte pri nem hkra nga sa ai lam kaw na laga lam yan nnga nga ai lam hpe mu mada chye ra nga ai.

3.N gun ban ya lu ai ga ni tsun ra ai, myit rawt na lam, myit rawt ai ga ni hpe sha lata tsun u, pyaw pyaw nga u, myit marai hpe ja ja tawn da nna, tinang a myit hpe tinang madu lu ai wa langai hku mungkan ga hpe  man-ap hkrum dat u, nmai byim ai law ngu na madu hkum nan mung ntsun, manang wa tsun wa yang mung nhkap la nna, byim nan byim ra na ngu nhtang lu tsun hkra galaw shakut ra nga ai

4. Nngang kang ai ga tsun ra ai, dan len ai ningmu, dan len ai tsun shaga lam ni nga ra ai, byim na shadu ai ngu ai ga hta, byim nan byim ra na ngu ai zawn dan len ai daw dan lam tsun shaga lam ni hte galaw lu ai wa rai ra nga ga ai.

5.Myit sawn lam ni hpe hkrang shapraw u, tinang a myit sawn lam ni hpe kalang ta hkrang shapraw na wa gaw ung ang nmai nga ai, dai tsan ai lam ni gaw bungli hpe hkra machyi adawt hkra chye nga ai, myit sawn lam hpe daw dan nna, kalang ta hkrang shapraw na ra na ai ngu n gun jaw mayu ai

6.Shut ai lam hpe san jep yu chye ra ai.. Mai kaja ai ningmu kja ni gaw, shut ai nkaja ai lam ni hpe nhkap la nga ai , dai majaw daw dan lam ni hte rau, jaw ai shut ai lam ni hpe garan gin hka chye hkra shaman shakyang da ra ai,

7.Mara dat ya ai lam, hpami byim byim myit nru myit ndaw chye na ra kadawn nga ai, mai kaja lam ni hpe sha myit mada let galaw dat tim nbyim wa ai ten myit daw nra nga ai, madu hkum madu mara dat ya lu hkra shakut dat nna, ngai hta ahkaw ahkang ni law law nga ai lam hpe chye na tawn let shaut ra ai dai ni gaw, mani na myit sawn lam hte shanu tsap nga ai rai nna, hpawt de ngu ai lam hpe dai ni na myit sawn lam hte shanu tsap nga lu na matu shakut shaja nga taw ai ni hkrai rai nga ai lam hpe chye na tawn da na ra ahkyak nga ai ngu gam garan dat let.

#youth

#rvakachinservice