Galai Shai Ra Sai ( Youth Program )

Dai ni na aten gaw, anhte nang ngai ramma ni a aten nan rai nga sai. Dai ni na ten hta anhte ramma ni a prat hpe jahten sharun ya lu ai hpyen ni hpe ning hkap kau ra nga saga ai, dai hpyen ni gaw

1.Myit Masa Lam A Hpyen

2.Hkum Hkrang A Hpyen

3.Htung Hkying A Hpyen

4.Makam Masham A Hpyen

5.Nang Hpam Tsi Mawan A Hpyen

1.Myit Masa Lam A Hpyen ngu ai hta, anhte ni yawng chye nga ai hte maren, nkaja ai lailen ni gaw, anhte ni a buga shara shagu hta du shang nga sai re, lai wa sai ten na, anhte jinghpaw wp sha ni shada da, gahkin gimdin let, mare bungli lam ni, tinang a dum nta bungli ni hta raitim, shakut shaja hkahkyin gumdin nga lai mat wa sa ga ai re, ga shadawn langai hpe yu ga nga yang, moi na jinghpaw wp sha ni a dum nta hta, shani hkan nta madu ni n nga tim dai nta hta malu masha mai shang sha ai, mai hkring sa la ai, ya dai ni dai lailen ni nmai nga mat wa sai, hpa majaw nga yang, myit masa lam ni moi na hte nbung mat wa ai majaw rai nga ai, ndai lam ni nbyim pru wa ai lam gaw, anhte buga shara shagu hta masha myu hpan hkum wa ai, myit jasat jasa hkum mat wa ai majaw rai nga ai, Ndai lam ni nbyim pru wa hkra, shakut shaja na gaw, anhte nang ngai ramma ni a lit rai sai re dai ni na anhte ramma ni lailen kaja hte myit jasat kaja hte shakut shaja hkawm sa taw ai rai yang, du wa na ra ai ten ladaw ni gaw grau rawt jat galu kaba wa na re, ya galu kaba wa na rai nga ai, kanau ni hpe mung lam madun la ga, myit masa kaja madun let, pawn ba la ga, anhte jinghpaw wp myu sha ni rawt galu kaba na mung, anhte a lata kaw nan rai nga sai.

2.Hkum Hkrang A Hpyen ngu ai hta,nang hpam tsi mawan gaw madung rai nga ai, ndai nang hpam tsi mawan hpyen gaw anhte nang ngai ramma ni a prat hpe, jasum kau ya lu ai hpyen kaba nan rai nga ai, buga shara shagu hkan ngu na chyam bra mat sai ndai nanghpam tsi mawan hpyen a majaw, jawng ma ni laika nkam shakut mat ma ai, dum nta na rai ni hpe myi ju wa ai, kanu kawa ni a sharin shaga ai lam ni hpe nkam madat mat wa ai, kaga magam bungli ni hpe galaw na nkam mat wa ai, masha hpawng hte tsan gang mat wa ai, ndai mabyim lam ni gaw, anhte myu sha ni yawng a matu, yawn hpa kaba langai mi rai nga ai, dai majaw, anhte nang ngai ramma ni dum hprang ra saga ai ndai nang hpam tsi mawan hpeyn hpe ninghkap kau let, myit masin nnan, hkum hkrang nan hte, myu sha ni yawng a matu, ningbaw/la kaja ni tai wa lu hkra shakut sa wa na mung anhte a lit nan rai nga ai, bai nna, grau sadi ra ai gaw, kaga myu sha ni a ja gumhpraw hte asawng let, dut sha hkrum ra nga ai lam hpe sadi maja nga sa ga, hkum hkrang hpe jahten sharun ai hpyen ni hpe kau da nhtawm myit malai kaba hte shawng lam de matut hkamw sa wa ga, karai wa gaw, anhte ni hpe nkabai kau ai sha, galoi mung ala dingda nga ai hpe dum nga ga.

3.Htung Hkying A Hpyen ngu ai hta, ya dai ni anhte mu chye ai hte maren, maigan htunghking ni, buga shara/gu  majen je bang wa nga sai re. ndai hku ngu yang, moi na jinghpaw wp sha ni a htunghkying hpe chyu machyu nga ga ngu ai gaw nrai nga ai, kaga myu sha ni a htunghking kaja,kasi ningli ni hpe mung la gaw she la ra law, raitim, mai ga htunghking hpe hkrai  jai lang wa ai lam ni gaw, myit yu hpa shara rai nga sai, ndai lam ni yawng mung anhte ramma ni a lit nan rai nga ai, gashadawn- poi shingra kaba hkan yu maram dat yang, moi na jinghpaw wp htunghking bu hpun mawn sumli ai hta, Nu Num ni sha bu hpun nga masai, anhte nang ngai ramma ni gaw, moi na bu hpun palawng ni hpe, prat hpang hkrat mat sai ngau na myit la chye ga ai, ndai lam gaw shut kaba rai nga ai anhte jinghpaw wp sha ni a htunghking bu hpun palawng ni hpe gaw, mai gan mung shara/gu hkan na ni pyi grai myit shang sha ai re, dai majaw, anhte a manu dan la ai htung hking bu hpun palawng ni, ka hkrang ni, nmat mat hkra hkang zing makawp maka sa wa ga, dai nrai yang, maigan htung hkying ni e, mayu sha kau ai hpe tsang ra nga ga ai law

4.Makam Masham A Hpyen ndai mung grai hkrit tsang ra sai re, anthe lu da sia makam masham hpe, karan ginhka shangun wa ai, hpyen ni hpe sadi nga ra saga ai ning ngu yang, kaga hpung ni a lam gaw, nkaja na kun? mai kaja lam hpe hkan sa na matu, sharin shaga ai naw ku hpung ni yawng, kaja nga ai, shanhte a lam ni hpe mung mai byim ai daram anhte ramma ni sawk sagawn tawm hka ja ra sa ga ai laban nawku jawng sa na matu, nkam wa ai, masha hpawng shingra de kyu hpyi sa na ngwi wa ai, akyu hpyi nkam wa ai lam ni gaw, anhte lu da ai makam masham hpe jahten sharun ai tsa dan a magam bungli, makam masham a hpyen nan rai nga ai, ndai lam ni hpe mung, anhte ramma ni ja ja ninghkap let, shakut/ja sa wa ra sai re.

lahta de tsun lai wa sai hte maren anhte hta hkrum sha na hpyen amyu myu hpe ninghkap kau let, nawku hpung a matu, myu sha ni yawng a matu, kam hpa ging ai kasi kaja lu madun ai ni byim tai wa hkra, moi na prat kyang lailen ni hpe kau da let, prat nnan hte shakut shaja sa wa ga ngu n gun jaw garan gachyan dat lu nngai.

1.Myit masa lam gaw rawt jat wa lu na a npawt madung nan re, gara magam bungli mi shakut hkawm sa tim, myit masa kaja na ahkyak ai, anhte ramma ni hta law malawng byim chye ai gaw, magam bungli langai ngai hpe kalang mi shakut yu yang,sum hkrat mat wa ai hte nkam galaw mat sai, myit daw myit hten wa ai, myit daw myit hten ai lam gaw, rawt  galu kab ana a matu, madin din kau ya ia hte  bung nga ai. kalang mi hkrat sum mat tim, matut shakut ga, ga shadawn tsang 10 hpe 2,3 ning htai tim nawng hkraw ai law ngai gaw grai myit daw mat ni ai ngu nna, asum jaw jau yang shawng lam de tinnang galaw sa wa na magam bungli shagu hpe nmai byim na re, nlu galaw na re ngu ai myit ni rawng wa chye nga ai dai majaw myit daw shangun ai hpyen hpe mung ninghkap gasat kau let, tinang yaw sahda da ai ban dung de du hkra hkawm sa ga

#youth

#rvakachinservice