Karai Kasang Hte Rau Anhte A Hku Hkau Ai Lam Grau Nna Ngang Grin Wa Na Matu Wa Sarabyin Tsun

Wa Sarabyin kawn Karai Kasang rau anhte a hku hkau ai lam grau nna ngang grin wa na matu n gun jaw tsun lai wa ai. Lai wa  sai laban shani Missa hkungga n nawng jau shi yang dai shani na kabu gara shiga hpe la kap nna Madu Yesu kawn kasa ni hpe tsun ai ga rai nga ai “ngai nanhte hpe mayam ngu n shaga ai sha nye a manang ni ngu shaga na we ai” ngu ai lam hpe shawng tsun lai wa ai. Anhte ni Karai Kasang rau hku hkau ai lam hpe grau galu kaba wa hkra galaw nna, masha ni hpe bai garan gachyan na matu n gun jaw tsun lai wa ai.  Matut nna Brazil Mungdan hta hka tsin yam hkrum sha nga ai ni hte simsa lam a matu bawng ban jahkrup nga ai Ukraine, Palestine hte Israel mungdan ni a matu akyu hpyi ya lai wa ai. 

Karai Kasang a shangun ma ni gaw Karai Kasang a manu dan ai sut gan ni tawn da ai lak lai ai shara ni rai nga ai hpe ga shadawn hku nna “Mawshe, Dawi, myi htoi Eliya hte Nu Maria hpe yu let Wa Sarabyin kawn Madu Yesu gaw anhte hpe yawng hta grau nna kade daram myit mada da nga ai gaw shi hte rau anhte hpe hku hkau nga shangun ai lam re ai hpe tsun sang lang dan lai wa ai. Hku hkau lam a tsawm htap nga ai lam Wa Sarabyin kawn “Friendship” Hku hkau lam hte seng ai mahkrum madup hpe anhte ni ma kaji “childhood” ten hta grai ra sharawng ai ginsup rai hpe tinang a manang hte karan lang lai wa ai, bai anhte ni ramma (teenagers) ten du wa yang shada da ga sadi ni dung let garan kachyan lai wa ai, bai anhte ni asak kaba ai (adult) ten du wa shaloi gaw magam lit ni , matsing hpa ni hte prat mahkrum madup ni hpe shada da garan kachyan ai hpe galaw lai wa ai rai nga ai nga nna tsun lai wa ai.

Wa Sarabyin kawn anhte a manang ni hpe myit dum nga na hte dai a matu Karai Kasang hpe chyeju dum ra ai hpe n gun jaw tsun lai wa ai. Kaja wa jet ai hku hkau masa gaw anhte shinggyim masha re ai hpe masat ya nna ndai hpe langai hte langai pawn ba ai hte da sang galaw la ai  kaw lu wa mai ai mahtai nre ai, bai nna kaja wa jet ai rai yang anhte hpe masu kau hkrum ai myiman hte hkrum yang pi n hkrat sum ai hpe tsun lai wa ai. Aten tup tsawra ai manang, kaja hku hkau ai manang teng yang gaw mara galaw hkrup tim n kabai da ai sha tinang hpe shading sharai ya nga ai, tinang hpe shatu shala di ai rai tim mara dat ya lu nga ai hpe tsun lai wa ai. Dai shani hti ang ai kabu gara shiga hta tsun da ai gaw Kawa Karai Kasang kaw na na la ai hte maren “shi a tsawra myit karum da ai,chyeju kum hpa jaw da ai ni kaw na bai lu la ai chyeju kum hpa ni, myit mada ai lam ni hta grau nna shi anhte hpe tsawra nga ai jinghku hku nna sawn la ai hpe mu lu nga ai. Karai Kasang gaw anhte a matu aloi sha hten za hkrum nga ai hpe Wa Sarabyin kawn madi madun let  shi a hkum hpe hpa ning hkap ai hte masu ai lam n nga ai sha anhte a lata hta ap da ya ai gaw shi anhte hpe grai tsawra nga ai hte anhte a kaja ai lam hpe ra sharawng nna ndai lam ni hpe shi hte rau karan kachyan na hpe ra sharawng ai majaw rai nga ai hpe tsun lai wa ai.

Wa Sarabyin kawn anhte  gaw Karai Kasang hpe gara hku nna myit sawn nga ai kun anhte a manang hku (or) ja sam langai hku kun, bai nna anhte hpe shi a shadawn shadang n nga ai tsawra myit hte tsawra ai hpe hkap la nga ai kun, hkap la ai lam n nga ai anhte a prat hta tinang a kahpu kanau ni, grau nna anhte hpe mara galaw ai ni hte anhte hpe mara dat ya ra ai ni hpe karan kachyan nga ai kun ngu nna tsun shadum lai wa ai. Kanu Maria mung shi a Kasha Yesu hte rau anhte a hku hkau ai lam hpe grau nna jat wa lu na matu karum ya na hpe kyu hpyi lai wa ai.

Hpang jahtum Wa Sarabyin Francis kawn Paska shakram akyu hpyi ya lai wa ai hta Orthodox and Eastern Catholic ni a matu kyu hpyi karum ya ai. Hkrung rawt wa ai Madu Yesu gaw  wuhpung wuhpawng shagu hpe kabu gara ai hte simsa ai chyeju jaw ya u ga, mayak jam jau hkrum nga ai ni mung shalan shabran ai chyeju hkam la lu u ga ngu kyu hpyi ya lai wa ai. Jam jau jam hkau hkrum sha ai ni hte Mungkan ting simsa wa na matu kyu hpyi ga. Brazil's southernmost state hta hka mawru byin lai wa ai a majaw shara law law hten za hkrum mat ai, dai hta si hkrum mat sai wenyi ni a matu kyu hpyi ya ai hte nta hpe tawn kau da ra ai ni hte si mat wa ai ni a ngam nga ai nta masha ni hpe Karai Kasang kaw na shalan shabran ai chyeju hkam la lu na matu kyu hpyi karum ya lai wa ai. Wa Sarabyin kawn anhte marai hkum shagu hpe Mungkan ting simsa wa na matu kyu hpyi karum na lam garum hpyi lajin ai grau nna ya ten e laja lana byin nga ai Ukraine, Palestine and Israel ni a matu kyu hpyi karum ya na matu tsun lai wa ai. Simsa wa na matu bawngban jahkrup ai lam galaw ai a marang e apu asi kaja lu na matu kyu hpyi lai wa ai, bai majan gasat ai lam n nga na matu jahkrup bawng ban ai hpe myit hkrum na matu kyu hpyi ya lai wa ai. Wa Sarabyin Francis kawn Lai wa sai laban shani na missa hkungga a matu San Peter Shawa pa kaba hta du sa ai hpung masha ni hpe mungga tsun ngut ai hpang, lak lai ai hku na hpang jahpawt a matu masha nnan lata nna ga shaka hkam ai lamang hte Swiss guard ni hpe shakram ai hte shangut lai wa ai. Bai nna ya na zawn shanhte a myit lawm hkum lawm ap nawng ai lam a majaw chyeju dum ai hte marai hkum shagu hpe ta hpawk dum  shagrau na matu hpyi shawn lai wa ai.