Yagon Mare Kaba, COVID-19 Tsi Jep Sagawn Dap hta, Cobax 6800 Jak Kaba Sin Shakap Taw Nga Sai Shiga (26 April 2020)

Hkamja Dap hte Ginsup Dap Hkringmang Rung de (AA Medical Products Ltd) a Lauban Dum nta masha ni alu jaw ya ai, Cobax 6800 Jak Kaba hpe Yangon hta Ndai April shata (24) ya shani kaw nna, Sin shakap taw nga sai hte tsa lam shadang (95 %) ram shakap ngut wa sai rai nna, April (27) ya shani gaw zep zi shakap ngut sana re nga ai.

Dai Jak kaba hpe gaw, du wa na May Shata a shawng na bat hkan kaw nna jai lang sa wa lu na re nga ai. Ndai Jak kaba jai lang ai a marang e, madang tsaw ai hte jaw teng ai mahtai kaja ni hpe grau nna jep sagawn sa wa lu sana rai nga ai. Ndai Jak kaba hpe hking hkum (8) jep joi jai lang ai rai yang, masha marai (384) hpe jep sa wa lu na re nga ai.

Ya ten jai lang nga ai Jak kaji ni hte ndai Jak kaba hpe kalang lata jai lang nna jep joi sa wa ai a marang e, masha law law hpe lawan ladan jep sa wa lu sana re nga nna, Hkamja Dap hte Ginsup Dap Hkringmang Rung kaw nna shana dat nga ai.

Source: Ministry of Health and Sports (Myanmar)

Add new comment

9 + 8 =