Wenyi Ga Gamung lam

Asia Dan madang Saradaw Rapdaw Zuphpawng (FABC) a lahkawng ya ngu na numdaw shani hta “Adsumus Sancte Spiritus” akyu hpyi ga hte hpaw hpang la nhtawm, ndai rapdaw zuphpawng laman hta sa du shang lawm ai ni yawng Asia Dan a nsen hpe kaja wa nan dan dawng na matu Chyoipra ai Wenyi a chyeju hpe hpyi la nna hpaw hpang dat lu sai. Shingdu labau nga ai ndai rapdaw zuphpawng a matu akyu hpyi ga hpe Latin hku nna shawng na ga si rai nga ai “Chyoipra ai Wenyi e, anhte gaw nang Madu Karai Kasang a man e tsap nga ga ai” ngu lachyum rawng ai rapdaw zuphpawng a matu akyu hpyi ga hpe Kong-si ni, rapdaw zuphpawng ni hte nawku hpung a kaga zuphpawng ni hta shaning tsa lam hku nna jai lang lai wa sai rai nga ai.

Ndai rapdaw zuphpawng a ninggawn rung na ninggawn amu madu hpe garum ya nga ai Sr. Nathalie Becquart XMCI kawn, rau jawm pawng galaw hkawm sa ai lam gaw, rapdaw zuphpawng na Ramma ni a ( Synod on youth ) apu asi re lam madi madun tsun let daini na zuphpawng hpe hpang ya sai rai nga ai. Ndai zawn rau jawm pawng galaw hkawm sa ai gaw, daini na Nawku hpung a Karai Kasang a myit ra ai hte maren Chyoipra ai Wenyi a nsen hpe anhte yawng rau jawm madat ai lam rai nga ai, ngu ai hpe kam sham yang Karai Kasang ra sharawng ai, rau jawm hkawm sa ai Sasana hkrun lam  byin wa na matu, chyeju atsam ni lu la na re ngu kam mai nga ai, ngu ai Wa Sarabyin Francis a matsun maroi hpe Sr. Nathalie Becquart XMCI kawn atsawm sha sang lang dan lai wa ai.

Ya na zawn rau jawm pawng hkawm sa ai lam gaw kumhpa langai mi nan rai nga ai hte sawn sumru dinglik yu ai lam gaw rau jawm pawng hkawm sa ai lam a salum re ai mung madung tawn tsun dan lai wa ai. Sr. Nathalie gaw, rapdaw zuphpawng a ga shadawn langai rai nga ai Emos mare de bu hkawm ai lam hte seng ai chyum daw a mabyin hpe hkrang shapraw lai wa ai. Madu Yesu Hkristu a rau jawm pawng hkawm sa ai lam gaw kasi kamang kaja re ai hte anhte yawng kasi la na matu saw shaga lai wa sai rai nga ai.

Lai wa sai lahkawng ya lapran dat kasa ni gaw Wenyi lam hte seng ai hkrum shaga hpawng ngu ai hta ninggam masum hkrang masa lam hpe jai lang nna sasana hpung zuphpawng kaba bungli ni galaw na matu saw shaga lai wa sai.

Shawng nnan ninggam gaw shara jahkrat la ai malawm langai hpra gaw sasana hpung hpawng magam bungli mahkrum madup ni hpe minit lahkawng tsun shaga ai ten rai nna, bawng ban ai lam (shingnrai) shang je bat tsun shaga ai lam nnga ai sha gam garan ai lam hpe minit lahkawng daram asim sha nga let sumru dinglik ai lam hpe galaw lai wa sai.

Ninggam lahkawng hta kaga masha ni a matu shara langai lajang ya ai lam gaw wuhpung a malawm langai hpra a kaga masha ni tsun shaga ai ga kaw na salum kata de shadan ai lam hpe minit lahkawng daram tsun shaga ai  aten rai nna shang bawngban  ai lam (shingnrai) shang je bat ai lam n galaw ai sha minit lahkawng daram asim rai nga nna gam garan ai lam hpe salum kata bang matsing na matu rai nga ai.

Masum ngu na ninggam hta rau sha gawgap ai ga shaga hpawng a apu asi ni hpe garan matsat na,jawm pawng na, yawng matsat ai ga san ni, myit masa nbung ai lam ni hte kabu gara hte seng ai nsen ni hpe matsat masa galaw na matu shada jahkrum ai aten rai nga ai.

Ndai masa lam gaw wuhpung hpe Chyoi pra Wenyi Karai Kasang gaw anhte hpe lam woi ya nga ai kun? ngu ai ningpawt ninghpang ga san langai san na matu garum ya ai ahkying aten rai nga ai.

Wuhpung ni gaw, lawu na ga san ni hpe nhtang sawn sumru let akyu hpyi lai wa sai rai nga ai, npawt laika ngau ra rawng ai lam ni, lam yan hta hkum tsup hkra nlu bawng ban shi ai lam ni ( sh)  mang hkang ni nga ai kun?  Shai mat ai lam yan ni, mahkyen lamang hta jat bang na ( sh)  myit tsang ai lam ni nga ai kun?

Jahpawt daw na lahkawng daw ngu na mahkyen lamang hta wuhpung ni gaw Asia dan a matu, ahkyak  shatai let, lam yan (5) hte October shata hta galaw na Rapdaw Zuphpawng hta matut bawngban sa ra na ahkyak ai hte  ra kadawn ai lam yan ni hpe, bai nhtang sawn dinglik bawngban sa wa ma ai rai nga ai.

Dai ni na matu, yu reng nga ai ni hte, woi awn ningbaw nga ai ni gaw, India mungdan Deli Saradaw sasana a Wasaradaw Kaba Anil Joseph Thomas Coutoi, Rapdaw Zuphpawng a shawoi galaw ai lam yan masa ni, Commission kaw na, Ms. Christins Khengi hte Asia Dan Kahtawlik Saradaw ni a Gin Jaw Rung A Rapdaw Zuphpawng hte seng ai mungbawng slg ( FABC Synod Task Force)  kaw na Wuhpung malawm Ms. Momoko Nishimura ni rai nga ai, woi awn ai ni gaw dat kasa ni hpe shanhte ni a dinghkrai nsen nre ai sha, Asia Dan masha ni a nsen hku nan tsun shapraw lu na matu shanhte ni a lit nan rai nga ai lam tsun lai wa ai mung rai nga ai.

Jahapwt daw na lamang lahkawng yan gaw chyoipra hkum sin nawku daw jau lamang hte sha ngut mat ai rai nga ai. Hpa majaw nga yang akyu hpyi ai lam gaw ndai saradaw rapdaw zuphpawng kaba awng dang masan sa lu na lam hpe kanawng ya ai n gun kaba rai nga ai.

Daini numdaw masum lang na zuphpawng hta gaw galaw ding yang rai nga ai masing ninghting nhprang laika hte seng nna dam lada ai hku jep jen na uhpung hpe saw shaga da sai rai nga ai. Daini na mahkyen lamang ni hpe Saradaw Rapdaw Zuphpawng a council malawm rai nga ai Pakistan Mungdan Karachi sasana  na Saradaw kaba Cardinal Joseph Coutts kawn  Asina Dan a matu yaw shada lam tawn da nna Missa hkungga nawng jau ya ai hte ngut kre la lu sai.

 Hkawm sa hkrun lam gaw matut byin pru nga ding yang rai nga nna Emous mare de sa wa ai lam ntsa na sape ni zawn dat kasa kaba ni yawng mung Karai Kasang a matsun mungga hpe bai kahtap tsun na mara ai. “Hkrun lam e, Madu an hte ga tsun  nna Chyum Laika ni a ga lachyum tsun hpaw dan mi ai shaloi, an a myit masin kadau gadap nga mali ai, nrai ni? ( Lk 24:32 )