Wa Sarabyin Vatican Ginhtawng Dabang De Sa Du Gawan

Wa Sarabyin: Vatican Ginhtawng Dabang De Sa Gawan

20 July 2020, Vatican City

Wa Sarabyin Francis gaw, Vatican Ginhtawng Dabang de July 20, bat 1 ya shana maga daw hta sa gawan ai lam chye lu ai. Sa gawan ai shaloi, sasana ma ni dung nga ai ku langai hpang langai sa du nna sasama ni hte jahta ai lam ni galaw ai nga nna Sarabyin Rung shi laika shapraw dap hpa-awn, Director Matteo Bruni htuk shapraw ai shi laika hta ndau dan ai lam galaw lai wa ai.

Wa Sarabyin Francis sa gawan ai ten gaw Sasana ma ni Pawlu VI mying la da ai hkaw kata shana shat sha nga ma ai shaloi rai nga ai.

Sasana ma ni hte arau dung nna

“manang kaja tai, manang ningnan shatai hkat na matu shachyan la hkrat ga,” ngu n-gun jaw da ai. “Tinang hkum a matu sha mani hpa shatai na nga chye ai ni gaw tinggyen myit jasat rawng ma ai. Manang ni hte arau nga ai gaw aten hpe kaja ai hku jai lang ai re,”

ngu nna ma ni hpe tsun shadum ya lai wa ai.

Hpang jahtum, Ginhtawng Sasana Dabang woi awn ai ni hte hkrum shaga n-gun jaw, chyeju dum ga tsun let Santa Mara de bai n-htang wa ai.

Ginhtawng Sasana Dabang hpe Vatican Gardens, Vatican heliport hte Pawlu VI myingg ai Hkaw hta July 1 kaw na hpaw hpang ai rai nna, asak 5-14 lapran na Sasana ma marai 100 daram sa du lawm ma ai hpe chye lu ai.

Dabang hta pyaw hpa lam ni, ginsup ai lam ni, sharing hkaja la ai lam ni hte akyu hpyi ai lamang ni hpe shani shagu woi galaw ma ai. Hka hpun yawt ai; tennis, gawdin, ping pong hte basketball ginsup ai lam ni hpe woi galaw ma ai. Hkala n-ba n’hkrum hkra galaw da ai shara ni hta gumsawt gasawt chyai ma ai.

Ndai Sasana ma Dabang gaw Wa Sarabyin Francis galaw ya mayu dik ai lam hpe Vatican mung woi ni kawn zinlum hkyen lajang ya ai re lam chye lu ai.

Wa Jau Franco Fontana, the chaplain of the Vatican Gendarmerie, bawng jahkrup woi awn ya nga ai lamang re lam mung tsun da ma ai.

“Ndai zawn galaw ya ai a marang e, Sasana ma ni shanhte a ginhtawng dabang ngut ai hpang dai lam ni hpe bai nhtang sumru shingyin la chye na matu rai nga ai,” ngu nna Wa jau Franco tsun da ai.

Ndai zawn Wa Sarabyin Francis Vatican Mungdan kata hpaw ai ginhtawng sasana ma dabang kaw “Personal visit” hku sa du gawan ai a marang e, yawng hpe mau kabu pyaw shangu lai wa sai nga nna Vatican shiga dap kawn ndau da nga ai.

 

20 July 2020, 17:23

Source : Vatican News

 

Add new comment

1 + 15 =