Wa Sarabyin: Synod Zuphpawng A Matu Hkristan Ni Ginglung Akyu Hpyi Lamang Ndau

January 15, laban shani, Wa Sarabyin Francis, San Peter Shawa Pa hta, Madu A Lamu Kasa Akyu Hpyi Ga tsun na matu hpawng de nga ai kam sham ai hpung shawa masha ni hpe, shaning shagu January 18 – 25 laman galaw ai Hkristan Ni Ginglung Kahkyin Gumdin Let Rau Sha Akyu Hpyi Hpawng Laban Bat Magam Lam bai shadum shana ya ai.

September shata laman ahkyak madung da galaw sa wa na Saradaw ni a ginglung hpawng kaba "Synod" a matu yaw shada let Ecumenical Prayer Vigil hpe masat galaw na matu mung Wa Sarabyin Francis n-gun jaw shana da ai.Akyu hpyi hpawng lamang hpe Vatican, San Peter Shawa Pa hta September 30 ya shani galaw na re lam chye lu ai.(16) lang ngu na Saradaw ni a Synod Zuphpawng kaba a matu hpawng de akyu hpyi ai hta dai a matu Karai Kasang kaw ap nawng akyu hpyi na rai ga ai, nga nna Wa Sarabyin tau nau ndau shana da ai.

Dai ning, 2023 shaning a matu gabaw gamanoi gaw "Do good, seek justice" "Mai Kaja Lam Galaw Shakut Mu, Tara Rapra Lam Tam Mu" (Is 1:17) rai nga ai.Ndai nhtoi hpe hkam la nna Shi a sagu hpung masha ni hpe hpring tsup kahkyin gumdin lam nga wa na matu myit galu kaba ai hte kam kaba tawn da ai Karai Kasang hpe chyeju dum chye nga na hpe Wa Sarabyin anhte marai hkum shagu hpe saw shaga da nga ai.Hkristan Ginglum Kahkyin Gumdin Lam hte Hkum Ra Zuphpawng Kaba hta shada hku hkau tsun shaga mung jahta bawngban ai lam gaw mahkri shawn matut mahkai ai lam nga ai.

Taize Community kawn woi awn ai hte akyu hpyi hpawng hta Ramma ni mung sa du hpawng de akyu hpyi shang lawm na re lam hpe mung Wa Sarabyin tsun shana da ai.Hpang jahtum hta, Hkristan nu wa hpu nau nau na ni yawng Karai Kasang a myusha ni hpawng de ai dai hpawng laman shang lawm na matu mung Wa Sarabyin Francis saw shaga da nga ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2023-01/pope-francis-announces-prayer-vigil-synod-ecumenism-angelus.html