Wa Sarabyin: Shinggyim Matut Mahkai Ai Lam Hta Tengman Ai, Hkyawm La Ai Lam Rai Ra Ai

image from Vatican website

November 12, bat kru ya shani, Wa Sarabyin Francis, matut mahkai ai lam hte seng ai hkan sa ra ai hte lit la ra ai lam ni hpe sumru woi let tengman ai hpe tam sawk sa wa ra ai lam, n ju n dawng ai hte tsun shaga ai lam ni hpe ninghkap ra ai lam, n sen n shapraw ai ni hpe hpaji jaw lam woi nna teng man lam hpe nsen shapraw ra ai lam, tinang tinghkrai ningmu ni hpe sha shachyam shabra ai lam ni hpe koi yen ra ai lam ni hpe tsun shadum da ai.

Matut mahkai bungli galaw ai ni a bungli gaw kau da hkrum ai ni hte nihtep nga ai lam nsen shapraw ai rai nga ai.

Matut mahkai ai hta ahkyak ai lam masum hpe mung Wa Sarabyin Francis shadum da ai: "shingtai hkam sha ai hpe shayawm kau ya ai", "nsen n shapraw ai ni a nsen hpe shapraw ya ai", "tengman ai hku matut mahkai chye shangun ai, ndai lam masum rai nga ai.

Anhte a matut mahkai ai lam gaw shinggyim lasha, shinggyim numsha ni hkam sha nga ai shingtai hkam sha lam hpe shayawm shamat kau ya lu ai lam n rai yang gaw, dai matut mahkai ai lam gaw hkrang shala shangwi shapraw ai san san sha rai nga ai

Shanhte hta byin pru wa ai ga san ni, myit mada lam ni, shakut shaja ra ai lam ni hpe dum shai nna tsun shapraw dan ai a marang e, shingtai hkam sha lam yawm mat ai.

Masha lanngai hpra, shi a masin salum hta hkrak byin nga ai hpe, Nawku Hpung gaw, shinggyim matut mahkai ai ni rai nga ai: masha ni a lam tsun dan ai, kahtai kalai tsun shaga ai, madat ai kaw nna she teng man hkrak chye la lu ai.

 

By Fr. Patrick Gawmaw Hkawng Yae

#vaticannews

#rvakachinservice
https://www.vaticannews.va/en/pope/news/2022-11/pope-francis-dicastery-communication-audience-plenary-truth.html

 

 

Add new comment

7 + 13 =