Wa Sarabyin: September Hta Kazakhstan Mungdan De Sa Du Na

Wa Sarabyin Francis a (38) lang ngu na mungdan kaga de hpung kawan ai msing (Apostolic Journey) hpe du na September ka-ang ram aten hta galaw sa wa na rai nna, sa du kawan na mungdan gaw Kazakhstan mungdan re lam, August 1, bat langai ya shani, the Director of the Holy See Press Office rai nga ai Matteo Bruni kawn ndau shana da ai hpe Vatican Shiga Dap kaw nna shalai ndau da ma ai.

Kazakhsatan mungdan a ginjaw mare kaba (muklung) Mur-Sultan hta galaw na “the occasion of the VII Congress of Leaders of World and Traditional Religions” “mungkan ningbaw ningla ni hte jiwoi jiwa ni kaw na yu hkrat wa ai makam masham hpung ningbaw ningla ni a (7) lang ngu na hkrum zup hpawng lamang hta sa du na re lam chye lu ai.

Kazakhstan Mungdan na Nawku Hpa-awn ni hte Mungdan Asuya kaw nna saw shaga ai (invitation of the civil and ecclesial authorities) lam hpe hkam la lu ai hpang, September 13-15 laman hta sa du na masin re lam chye lu ai.

(7) lang ngu na “mungkan ningbaw ningla ni hte jiwoi jiwa ni kaw na yu hkrat wa ai makam masham hpung ningbaw ningla ni (the occasion of the VII Congress of Leaders of World and Traditional Religions) a hkrum zup hpawng a ga manoi ga baw gaw “The Role of Leaders of World and Traditional Faiths in the Socio-Spiritual Development of Humanity after the Pandemic” “” nguai rai nga ai.

Ndai hkrumzup hpawng hpe Masum ning hta kalang, Nur-Sultan hta galaw ai re lam chye lu ai.

2003 shaning hta Kazakh President Nursultan Naarbaev kawn shang lang na zuphpawng hpe saw shaga hpang ai re lam chye lu ai.

1987 shaning hta Assisi ginra, bum mayan kaw, Wa Sarabyin Yawhan Pawlu woi awn galaw ai “simsa lam a matu akyu hpyi lamang” hpe kasi la nna galaw hpang woi ai re lam chye lu ai. Wa Sarabyin galaw woi ai hta makam hpung law law kaw na ningbaw ningla ni sa du hkrum zup nna simsa lam hte myit hkrum kahkyin gumdin lam, prinem htingram lam ni hte seng nna hkrum shaga ai lam ni galaw lai wa ma ai lam chye lu ai.

Dai aten kaw nna shaning shagu, Europe dan na mare kaba ni hta lai lai rai nna galaw lai wa ma ai re lam mung chye lu ai.

Kazakhstan Mungdan gaw, 1991 December 16 ya shani, Soviet Union a npu kaw nna shang lawt lu hpang wa ai rai nga ai.

Mungdan masha hta na tsa shadang (70%) gaw Muslim, (25%) gaw Christan rai nga ai. Hkristan ni a tsang shadang kaw na (1%) gaw Kahtawlik re lam chye lu ai.

2001, September 22-25 laman hta Wa Sarabyin Yawhan Pawlu II sa du kawan lai wa ai rai nna, dai gaw Sarabyin ni hta na shawng nnan sa du kawan ai re lam chye lu ai.

Dai shaloi na ga manoi gaw "Love one other" "Shada Tsaw ra Ai" ngu ai rai nga ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-08/pope-to-visit-kazakhstan-in-september.html